۱۳۹۱ خرداد ۱۸, پنجشنبه

گونئی آزربایجان مساله سی نیویورک تایمز قزئتینده ایشیق لانیب


تك توران : گونئی آزربایجان میللی حرکتی نین ان یئترسیز و ضعیف یئرلریندن بیری دونیا مئدیاسیندان اوزاق قالماسی دیر. کوردلر میللی مساله لرینی بوتون دونیا مئدیاسیندا یئرینه سالیب لار و هر خبر و مقاله کی تورکیه یا عراق مساله سینه راجع یازیلیر کورد مساله سی ده اوردا یئر آلیر آنجاق بوتون دونیانین گوزو ایران دولتینده اولان بیر زاماندا، بیز گونئی آذربایجان مساله سی نی دونیا مئدیاسینا چیخارا بیلمه میشیک.

بو ایشده گرک بیزیم قوزئی لی سویداشلاریمیز بیزه یاردیمجی اولسون لار. ایران و آذربایجان موناسیبتلری گرگینلشدیکجه قوزئی آزربایجان سیاستچی لری و خصوصیله مئدیا منسوبلاری و سیاسی شرحچی لری گرک همیشه ایران و آزربایجان آراسیندا اولان گرگینلیک لره راجع دانیشاندا گونئی مساله سینی ان اونملی بیر فاکتور کیمی اورتایا قویسون لار تا دونیا مئدیاسی دا بو مساله ایله داها آرتیق تانیش اولسون. رسمی دولت دایره لری بو مساله نی آچیق دانیشا بیلمه سه لرده، میللت وکیللری و موستقیل سیاسی شرح چی لر بو مساله نی دونیا مئدیاسیندا ایشیق لاندیرمالیدیلار. بو ایشین ایکی بویوک منفعتی اولاجاق بیرینجی سی گونئی مساله سی نین دونیا مئدیاسینا چیخماسیندا ان بویوک رولو اولاجاق و ایکینجی سی، ایران رئژیمی اگر گورورسه کی قوزئی آزربایجانین داخیلی ایشلرینه قاریشاندا و موناسیبتلرده گرگینلیک یاراداندا اوزونون ان بویوک پروبلئملریندن بیری اولان یعنی گونئی آزربایجان مساله سی دونیا مئدیاسیندا ایشیق لانیر، اوزو حساب لاشاجاق و بو ایشین داها چوخ ضرری اولدوغونو باشا دوشه جک و آزربایجان دولتینه بوندان آرتیق پروبلئم یاراتماقدان ال چکه جک! یعنی قوزئی لی سویداشلاریمیز ایران رئژیمینین باسقیلاریندان قورتارماق ایسته ییرلرسه، مطلق گونئی مساله سینی دونیا مئدیاسینا چیخارمالیدیلار. همین میللت وکیللرینین طرح لری که آزربایجانین رسمی آدینی، قوزئی آزربایجانا دئییشمک ایدی، پارلمان دا سس گتیرمه سه ده، بوتون دونیایا سس سالیب و بو مساله دونه دونه دونیانین ان اعتیبارلی مئدیالاریندا او جومله دن نیویورک تایمزدا دانیشیلیر و بو گوستریر کی بیر دوزگون سیاسی حرکت نه قدر اونملی دیر. بیر نئچه میللت وکیلی بیر طرحی مجلیسده قالدیردیلار و البته بو مساله ده سس گتیرمه دی تا ایران ایله پروبلئم داها چوخالماسین آنجاق همین بو کیچیک آددیم گونئی مساله سی نین دونیا مئدیاسیندا دانیشیلماسینا ایمکان یارتدی. اگر ایرانین باسقی لاری آرتارسا، باکی رسمی لری ایرانی تهدید ائتمه لیدیلر کی بو مساله نی بیر داها قادیراجاقلار و بو دفعه بیر قانون کیمی تصویب ائده جک لر! اوندا ایران بیر داها یاخشی دوشونمه یه مجبور قالاجاق.



Iran and Azerbaijan, Already Wary Neighbors, Find Even Less to Agree On



...



In interviews, government officials, diplomats, academic experts, human rights advocates and citizens said the strained ties between Azerbaijan and Iran also raised the prospect of unrest among the more than 20 million ethnic Azerbaijanis who live in Iran, mostly along its northern border.



Some members of Azerbaijan’s Parliament have proposed renaming their country North Azerbaijan to send the message that they view northern Iran as occupied territory that should be called South Azerbaijan. The proposal has not gained momentum, but Iran aggressively seeks to shape public opinion in the border zone, and even broadcasts television programs entirely in the Azerbaijani language.



...



http://www.nytimes.com/2012/06/06/world/middleeast/iran-and-azerbaijan-wary-neighbors-find-less-to-agree-on.html?pagewanted=2&_r=1