تك توران : باشلیغی بئله گئنیش گؤتؤردویومدن دولایی دؤزؤنو آختارسانیز هاردان باشلادیغیمی و نئجه باشلادیغیمدان قایغیلانیرام .
گؤنئی
آزربایجان میللی حرکتی 90 ایله یاخین میللی موباریزه آشامیندا چوخلو آشاغی یوخاری
لارلا قارشی قارشیه گلمیشدیر .
چاغداش
گنج موباریزه میزی 30 ایل بوندان اؤنجه یه سینیرلاییب یازیدان سونوج چیخارماق
اؤچؤن داها یاخشی اولاجاقدیر .
1979
اونجو ایل ایران ایسلمیی انقلاب ! آدی آدلانان دئوریمدن سونرا ، گؤنئی آزربایجان
تؤرک میللتی میللی حاقلارینی ، اقتصادیاتینی و تامام وارلیقینی قوروماقی یئنی بیر
دئوریمه تسلیم ائده رک کندیسینی اونون ایچینده گؤرمه یه چوخلو هوسله دئوریمده
ایشتیراک ائتمیشدیر . آنجاق میللتیمیزین اؤره گینده تاشینان بؤتؤن آرزولاری چوخ
قیسا زاماندا ایران ایسلام فارس حاکیمیتی طرفیندن اسکیه آلینمیش آریا مهر شاهی
دؤنه ــ میندن ده بئله آغیر دوروما گلمیشدیر .
میللتیمیز
آیدینلاریمیز آلداتیلدیغینی آنلایاراق داها یئنی بیر موباریزه دؤنمی نی
باشلاتمیشلار. آنجاق ایسلام حاکمیتینین دیکتاتور و غیر اینسانی داورانیشی و ایران
ــ ایراق ساواشی موباریزه میزی آچیق آتمسفردن گیزلی دوروما گتیریب چیخارمیشدیر .
چوخلو آیدینلاریمیز گیزلی محکمه لر قاراریله اعداملارا محکوم اولموش و بعضی لری
وطندن سؤرگؤن دوشمؤشلر .
دئمه
ک یاخلاشیق 10 ایل سؤره جیندن یاشانان بو قارانلیخ و قورخونج دوروم میللی
حرکتیمیزه چوخلو ضربه لر وورموش و اگر دئسه ک بو دؤنه مندن سونرا حرکتیمیزده ضیالی
و آیدین اینسانلارین آز اولماسی کریزی یاشانمیشدیر. و هابئله ائله بو گؤنه دک منفی
ائتکیسینی بوراخمیشدیر یالان دئمه میشیک .
آنجاق
ایران ــ ایراق ساواشیندان سونرا بارماق ساییدا اولان بؤیؤک ضیالی لاریمیز او
جؤمله دن دوقتور محمد تقی زهتابی و دوقتور جواد هیئت و بیر نئچه آیدینلاریمیز ،
میللی حرکتیمیزه یازیلاری و چابالاریله یئنی بیر نفس گتیرمیشلر
گؤنئی
آزربایجان میللی حرکت ایدئولوژیاسی یاواش یاواش یونیورسیته لره گیرمه گی
باشارمیشدیر . بو آشامادا ایران ایسلام حاکیمیتی نین دورومو یاخشی اوخومادیقی و ایرقیچی
سیاستینی داوام ائتدیرمه سی دوروما داها هیــز وئرمیشدیر . . بئله کی بو ایللرده
ایران ایسلام حاکیمیتی رادیو تلویزیون ایداره سی طرفیندن یاییلان ایرقیچی بیچیمده
بیر بیلدیری اؤیرنجی لریمیزی تهران ، تبریز کیمی شهرلرده آیاقا قالدیرمیش و
اؤیرنجی گؤنؤنؤ یئنی موباریزه تاریخیمیزده اؤزؤنه حسر ائتمیشدیر .
بوندان
سونرا میللی مجلیس سئچیملرینده یاشانان اولایلار ، آزربایجان میلتینین سئچدیگی
میللت وکیلی دوقتور چؤهره قانلی جنابلارینی سئچیلدیگی حالدا کناره قویماق ، میللی
حرکتیمیزده داها بیر یئنی دالقا یاراتمیشدیر.
میللی
ایدئولوگلاریمیز طرفیندن اؤنه ریلمیش بابک قالاسی قورولتایلاری میللی حرکتیمیزی
داها گؤجلو حالا گتیریب چیخارتمیشدیر . 100 مینلر بلکه ده میلیونا یاخین گؤنئی
آزربایجان اینسانی نین بابک قالاسینا ییغیشماسی آرتیق حاکیمیتی بؤیؤک اندیشه یه
سالمیش و دئومه ک اولا بیلیر کی حاکیمیت بو دؤنمدن سونرا میللی مدنی حرکتیمیزی
وورماغا ، یئنی مکانیزمالار اولاشدیرماقا چابا گؤسترمیشدیر . بابک قالاسی یول
ــ لاری میللتیمیزین اوزؤنه باغلانمیش و
میللی فعاللاریمیز آرتیق تضییقلره معروض قالمیشدیر . بو دؤنمدن سونرا حاکیمیت
تئورسین لری ، میللی حرکت فعاللارینا داها قاباریق شکیلده پان تؤرک ، سپاراتچی (
تجزیه طلب ) ، دؤنیا گؤجلری تاشرونلاری ( آلت لری ) و بئله نسی لقب لری وئرمیشدیر
.
آنجاق
گونؤ گؤندن بؤیؤ گن میللی حرکتیمیز هئچ دورمادان یئنی یئتمه لر ایچینده داغلمیش و
حاکیمیتین بؤتؤن تضییقلرینه باخمایاراق 1385 جی گؤنش ایلی خرداد آییندا ( 2006 جی
22 مای ) ایران قازئته سی طرفیندن یاییلان ایرقیچی بیر کاریکاتور سببیندن دولایی
بؤیوک بیر میللی قیاما دؤنموشدؤر .
بورایا
قدر قیسا اولموش اولسادا گنجلشمیش و یؤن دگیشمیش میللی حرکتیمیزی آنلاتماقیم
یازینین اصیل هدفینه یاردیم ائده جکدیر . دئمه کایستردیم کی منده یارانان بؤیؤک
قایغی ائله بو دؤنمدن باشلاییر تاسف کی بوندان سونراکی یازیمدا حرکتیمیزده یارانان
بعضی آجی گئرچک لری آنلاتما زوروندا اولاجام .
1385
جی قانلی خرداد قیامیندان سونرا فارس حاکیمیتی وحشته گلمیش و حرکتیمیزه داها آرتیق
زوم ائتمیشدیر . میللی حرکتیمیز خرداد قیامیندا نه قدر اوغورلار الده ائتمه سینی و
گؤجلؤیؤنؤ اینانیرسادا آنجاق سونوجدا بو قراره گلمیشدیر کی خرداد قیامیندا میللی
حرکتیمیز ده تشکیلاتشماما سورونو سبب اولموشدور خرداد قیامیندا اوجور کی گره ک
اوغورلو نتیجه لر آلینماسین .
دئمه
ک خرداد قیامی میللی حرکتیمیزده داها یئنی بیر دؤنم ( عطف نقطه سی ) سایلیر . هر
چند کی خرداد قیامیندان اونجه بیر نئچه قوروم و تشکیلات چوخ ضعیف شکیلده
یارانمیشدیر آنجاق تامامیله حرکتیمیز بؤتؤن اولاراق میللی حرکتی ادی آلتیندا البته
تشکل سیز بیر بیچیمده جریان ائتمیشدیر . خرداد قیامیندان سونرا کئچمیش قوروملار
گؤجله نمه یه باشلامیش و اونلارین یانیندا یئنی تشکل لر یارانمایا باشلامیشدیر .
هر شئی یاخشی گؤرؤرؤرکن هامی متشکل لشین دیه باغیرماقا باشلامیشدیر ائله بو
چاغریلار بو گؤنده دوام ائدیر. قارداش متشکل لشین آنجاق کیمسه دئمه ییر قارداش
نئجه متشکل لشین قارداش چشیدلی اؤرگؤتلنمه بیر توتالیتر حاکیمیتده و اوندان اؤنملی
بیر میللی حرکتده نئجه اولور دئمه میشدیر .
کیمسه
بونو دئمه دی و یا خود ایندی ده دئمیر کی قارداش بو تشکل لشمه دوغرو بیر قورارلار
و پرینسپ لر اؤزره قورولمالیدیر .
چئشیتلی
اؤرگؤتله شمه نه قدر رقابت حیسینی دویاریرسادا آنجاق آیری طرفدن ، بیر "
آزربایجان میللی حرکتی " ادی اولان چاتینی بؤلمه ک دئمه کدیر . کیمسه بونون
فرقینده دئیلدیر .
کیمسه
دئمیر و سوروشمور کی 1385 جی محتشم خرداد قیامیندان سونرا نه ائتمیشیک ؟ . تشکیلات
لاریمیز بیر بیریله نئجه داورانیب . ذاتاً هامیمیز بیلیریک مالاسف نه ائتمیشیک
فاضلا دانیشماقیم بیریلرینین بورنونو شیشیرده جک بیلیرم آنجاق بو میللته اوره گی
یانان میللی حرکتیمیزه دوغرو یاناشان اینسانلار سؤزلرینی دئمه لیدیرلر . منی یا
باشقالارینی بوغماقلا میللی منفعت لریمیز ساغلانیرسا بیزلری بوغون بو یازینی دا
باشقا یازیلارا تای بایکوت ائدین . آما ایرسه سیزلرده یانلیش آدیملارمیزی دؤزه
لتمک نیتی اولانلار وارسا میللی حرکتیمیزه یئنی بیر روح وئرمک ایستیرسینیز سه گلین
بیر آز بیر بیریمیزله ایلک اؤنجه مهــربان اولاق سونرا اؤزؤموزه بیرلیکده چکی دؤزه
ن وءره ک . یوخسا اینانین کی قیامته دک یاراتقیمیز تشکیلاتلارریمیز ، اؤنه
ردیگیمیز چئشیتلی بایراقلار! سیته لریمیزده قالاجاق و گلهجک نسیل بیزلری
باغیشلامایاجاق دیر .
بو
آجی سؤزلردن آلدیغیم سونوج و حرکتیمیزده گؤردؤیوم تابلودان دئدیگیم سؤزؤن جوهری
بودورکی حرکتیمیز مالاسف ایچینی وورماغا ساری گئدیر . کئچمیشدکی سهولر و پرینسیب
سیز چرچیوده یارانان تشکیلاتلاریمیز ، بیر بیریمیزی تخریب ائتمه گیمیز ، شانتژلار
و یئنی سؤزدانیشانلاری بوغوب بایکوت ائتمه سیاستی حرکتیمیزی بؤیؤک بیر کریزه دوغرو
آپاریر .
اینانیرام
کی بؤتؤن بو سهولر گله جکده ضعیف لشمیش حرکتیمیزی بیر سوسقونلوق دؤنمینه
آپاراجاقدیر . بو سوسقونلوق دؤنمینده دیرکی اینشالله اینانیرام حرکتیمیزین باشی
داشا دیه جکدیر و یئنه ده اینشالله اینانیرام بو گؤنه دک سس سیز داورانان محافظه
کار ضیالی لاریمیز آغ ساق قالاریمیز کیریزی داها دریندن درک ائدیب حرکتیمیزی دوغرو
پرینسیپلر اؤزره اختیلافلی قونولاری حل ائده رک قوراجاق لار .
بو
دوغرو چیزگی منجه حرکتیمزی یئنه ده بؤلونه ن چئشیتلی تشکل لردن بؤتؤلشن میللی حرکت
آدینا قایتاراجاق دیر آنجاق دئمیرم کی تشکل لر داغیلاجاق بلکه اینانیرام گؤنئیین
ایچینده بیر دؤزگؤن میللی جبهه قالخاجاق . او گؤنؤ گؤره جییک می یوخسا یوخ بیلمیرم
. اینشالله کی اطرافیمیزدا یاشانان اؤزللیکله اورتادوغودا گئده ن اینقیلابلار و
ایران فارس حاکیمیتینین آغیر دورومونو آنلایان اینسانلاریمیز گتیردیگیم اؤنه رینی
ان تئز زاماندا قوراجاقلار .
یاشار
شانلی گؤنئیلی
گؤنئی
آزربایجان ــ تبریز
8/4/1391
