تك توران : فتحعلی خان خويسکي 1875-جي ايل دئکابرين
7-ده شکي شهرينده آنادان اولموشدور. آتاسي روس اوردوسونون گئنئرال-لئيتئنانتي
ايدي. اونلارين اصلي جنوبي آزربایجانين خوي شهريندندير. خوي خاني اولان اولو
باباسي جعفرقولو ايران شاهي فتحعلی ايله موحاريبه ده مغلوب اولدوغوندان 20000
نفرليک قوشونو ايله اوچ کيلسه‌يه سيغينميشدي.
1803-1806-جي ايللر روس-ايران
موحاريبه لري دؤورونده روس قوشونلارينا قوشولان جعفرقولو خان ايمپئراطور بير
آلئکساندر طرفيندن تلطيف ائديلميشدير. او، 22 دئکابر 1806-جي ايل تاريخده شکي خاني
تعيين اولونموش و گئنئرال-لئيتئنانت روتبه‌سينه لاييق گؤرولموشدور. جعفرقولو خان 3
سئنتيابر 1814-جو ايل تاريخده وفات ائتديکدن سونرا شکي خانليغيني اونون اوغلو
ايسماعيل ايداره ائدير. 1819-جو ايلده ايسماعيلين وفاتيندان سونرا شکي خانليغي لغو
ائديلير و روسييانين ترکيبينه قاتيلير. بو نسيلدن گؤرکملي سرکرده‌لر، دؤولت
خاديملري و ضياليلار چيخميشدير. بونلاردان بيري ده فتحعلی خان خويسکيدير. او، گنجه
کلاسيک گيمنازيياسيني، 1901-جي ايلده ايسه موسکوا اونيوئرسيتئتينين حوقوق فاکولته‌سيني
بيتيرميشدير. فتحعلی خان اولجه گنجه‌ده، سونرا سوخومي، باتومي و کوتايسي دايره
محکمه‌لرينده موختليف وظيفه‌لرده ايشله‌ميشدير.
يئکاتئرينادور دايره محکمه‌سينده
پروکورور موعاويني تعيين ائديلمه‌سي خويسکينين ايجتيماعي-سياسي فعاليتينده يئني
مرحله اولموشدور. او، گنج قوبئرنيياسيندان ايکي دؤولت دوماسينا دئپوتات
سئچيلميشدير. فئورالين 2-ده پئتئربورقون مشهور تاورييا ساراييندا توپلانان روسييا
پارلامئنتينين ايجلاسلاريندا چيخيش ائدن فتحعلی خان چار حؤکومتينين زاقافقازييادا
و آزربایجاندا يئريتديگي موستملکه‌چيليک سيياستيني تنقيد آتشينه توتوردو. او،
کادئت پارتيياسينا عوضو اولماسينا باخماياراق، دومانين موسلمان دئپوتات
فراکسيياسينا داخيل ايدي. ف. خويسکي روسييانين موستملکه‌سينده‌کي خالقلارا محللي
موختاريت وئريلمه‌سيني حؤکومتدن طلب ائديردي. او، سونرالار موختليف ايللرده باکي و
گنجه دايره محکمه‌لرينده ايش کسمک اوزره آندچي - مووککيل وظيفه‌سيني ايجرا
ائتميشدير.
19 اييون 1920 - فتحعلی خان خويسکي
طيفليسده ائرمني تئررورچولاري آرام ائرکايان و ميساک قريقوريان طرفيندن قتله
يئتيريليب. تئرور آکتي نتيجه‌سينده خليل بي خاسم ممدوو (جومهوريتين عدليييه و
داخيلي ايشلر ناظیری) آغير يارالانيب.
سياسي فعاليتي
1917-جي ايلده روسييادا فئورال بورژوا
اينقيلابي باش وئردي. فتحعلی خان خويسکي مارتين 27-ده باکيدا يارانميش ميللي
موسلمان شوراسينين موقتي ايجرايييه کوميته‌سينين عوضوو سئچيلميشدير. او، همين
ايلين آپرئلينده باکيدا چاغيريلان قافقاز موسلمانلارينين قورولتاييندا ايشتيراک
ائتميشدير. ف. خويسکي بورژوا اينقيلابيندان سونرا هئچ بير پارتييايا منسوب اولماسا
دا، 1917-جي ايل اوکتيابرين 26-دان 31-دک باکيدا کئچيريلن تورک عد‌م مرکزيت پارتيياسي موساواتين بيرينجي
قورولتاييندا چيخيش و ايشتيراک ائتميش و همين قورولتايدا ايره‌لي سورولن آزربایجانا
موختاريت شوعاريني قيزغين مودافيعه ائتميشدير. او، 1917-جي ايلين دئکابريندا
يارانان زاقافقازييا سئيمينين عوضوو و موستقيل زاقافقازييا فئدئراتيو رئسپوبليکاسي
حؤکومتينين عدليه ناظیری اولموشدور.
1918-جي ايل مايين 28-ده آزربایجان
دئموکراتيک رئسپوبليکاسي اعلان اولوندو. تکجه تورک ديللي خالقلار آراسينا دئييل،
بوتون ايسلام عالمينده ايلک دفعه اولاراق رئسپوبليکا اوصول ايداره‌سينه قدم قويان
آزربایجان خالقينين ايلک موستقيل حؤکومتيني تشکيل ائتمک بي طرف فتحعلی خان
خويسکييه تاپشيريلدي. او، حؤکومتده هم ناظيرلر شوراسينين صدري، هم ده داخيلي ايشلر
ناظیری وظيفه‌سيني توتوردو. 1918-جي ايل اييونون 17-ده آزربایجان ميللي شوراسينين
گؤستريشينه اساسا فتحعلی خان خويسکينين باشچيليغي ايله ايکينجي حؤکومت کابينه‌سي
تشکيل اولوندو.
1918-جي ايل سئنتيابرين 15-ده باکينين
اويونجاق سئنتروکاسپي قوه‌لريندن تميزلنمه‌سي موناسيبتيله فتحعلی خان خويسکي چيخيش
ائده‌رک دئميشدير: «بيزيم ده حياتدا ياشاماغا، بيزيم ده آزاد ياشاماغا حوقوقوموز
واردير. هئچ بير زرهلی ماشين، هيدروپلان، آئروپلان، کانونئرکا، مفتيللي چپر، مينا
و سايره تئخنيکي قورغو، هئچ بير قوه و اونلارين هاوادارلاري تاريخين طبيعي آخارينا
مانع اولا بيلمه‌ديلر. باکينين 50 مينليک قوشون و تئخنيکا ايله بيرليکده کيچيک بير
قوه‌نين حمله‌سي قارشيسيندا سوقوطو باشقاسينين فلاکتي اوزرينده اؤز خوشبختليگيني
قورماق ايسته‌ينلره عيبرت درسي اولماليدير.» (ازربايجان قزئتي، 19. دوققوز. 1918. № 2)
پروفئسور رازوموسکينين 1922-جي ايلده چاپ
ائتديرديگي «باکي شهرينده اونيوئرسيتئتين اساسينين قويولماسي» آدلي مقاله‌سينده
معلوم اولور کي، آزربایجان دؤولت اونيوئرسيتئتينين يارانماسي تشببوثو فتحعلی خان
خويسکييه مخصوصدور.
ف. خويسکي 1918-جي ايل دئکابرين 26-دا
تشکيل ائتديگي اوچ حؤکومت کابينه‌سينده ده ناظيرلر شوراسينين صدري و خاريجي ايشلر
ناظیری وظيفه‌سيني توتوردو. محض اونون دؤورونده آزربایجان دؤولت اورقانلارينين
اؤزولو قويولموشدو. موستملکه سيياستينين رمزي اولان يئليزاوئتپول شهري و قوبئرنيياسينين
يئنيدن گنجه و گنجه قوبئرنيياسي آدلانديريلماسي، قارياگين قزاسينين جبرايل قزاسي
آدي ايله عوض ائديلمه‌سي، چوخپارتييالي پارلامئنت سيستئمينين ياراديلماسي، آزربایجان
رئسپوبليکاسينين پول و پوچت مارکالارينين بوراخيلماسي، آنا ديلينده مکتب و
سئمينارييالارين آچيلماسي و ديگر موترقي تدبيرلر خويسکينين رهبرليک ائتديگي حؤکومت
کابينه‌لري دؤورونده حياتا کئچيريلمه‌يه باشلانميشدي.
1919-جو ايلين مارت آييندا فتحعلی خان
خويسکينين باشچيليق ائتديگي ؤکومت ايستئعفايا چيخدي. فتحعلی خان خويسکي ناظيرلر
شوراسينين صدري ن. يوسيف بي لينين تشکيل ائتديگي ايکينجي حؤکومت کابينه‌سينده
خاريجي ايشلر ناظیری وظيفه‌سينه ايجرا ائتميشدير. آزربایجان دئموکراتيک
رئسپوبليکاسينين بين الخالق عالمده و خاريجي دؤولتلر طرفيندن تانينماسيندا فتحعلی
خان خويسکينين معين خيدمتلري اولموشدور.
1920-جي ايل يانوارين 2-ده ر.س.ف.س.ر-ين
خاريجي ايشلر اوزره خالق کوميساري گ. بئش. چيچئرين آغقوارديياچي گئنئرال دئنيکينه
قارشي واحيد جبهه ياراتماق اوچون خويسکييه نوتا ايله موراجيعت ائتدي. آيين 19-دا
خويسکينين وئرديگي جاوابدا گؤستريليردي کي، آزربایجان رئسپوبليکاسي سووئت روسيياسينين
داخيلي ايشلرينه قاريشمير و بو مسئله‌ده بي طرفدير.
گ.بئش. چيچئرين 23 يانوار تاريخلي
ايکينجي نوتاسيندا يئنه همين مسئله‌يه قاييداراق، آزربایجاني ر.س.ف.س.ر-ايله
امکداشليغا دعوت ائدير و يازيردي کي، بيز هميشه بير سما آلتيندا، بير يئرده
ياشاميشيق و يئنه ده بير يئرده ياشاماليييق. خويسکي فئورالين 1-ده چيچئرينه اؤز
حؤکومتينين رسمي فيکريني بيلديرميش و اونون تکليفيني رد ائتميشدير.
1920-جي ايل فئورالين 20-ده چيچئرينين
اوچونجو نوتاسي و مارتين 7-ده خويسکينين جاوابي عئيني مسئله‌يه حصر اولونموشدور.
مارتين آخيريندا چيچئرين سونونجو نوتاسيني گؤندرميش، آپرئلين 27-ده خويسکي آزربایجان
پارلامئنتينده جاواب نوتاسيني اوخويارکن اون بير قيزيل اوردونون باکييا
ياخينلاشديغي خبري آلينميشدير. بو حاديثه لردن سونرا فتحعلی خان اؤز عاييله سي
ايله بيرليکده طيفليسه گئتميشدير. 1920-جي ايلين اييونون 19-دا موزدلو قاتيل
طرفيندن آرخادان گوله ايله وورولموش و م. ف. آخوندوفون يانيندا دفن ائديلميشدير.
قایناق: آیتکین علیزاده نین فیس بوک صحیفه سی
www.dusuncemiz.arzublog.com
