بير ميثاللا بلکه اوسته دئديگيمي داها آيدين گؤستئرمه شانسيم اولار. بير آداني تصوور ائدين کي، اوردا يالنيز بير اينسان ياشايير و او اينسانين ياشاديگي آدادان باشقا تانيدغي بير دونيا يوخدو،و زامان هر کس تصديق ائده‌جک کي بوردا حاقدان دانيشماق آنلامسيز اولاجاقدير. قالسين کي، سياسي، ايجتيماعيي، مدني ،جمعي و ساييره حاقلار..
بوتون تاريخي و علمي فاکتلار اينسانين ائن آزيندان تاريخ سونراسي، دؤنميندن بئري، توپلو شکيلده ياشاديغيني گؤسترمکده‌دير.اونون اوچونده ائله او زاماندان هاق و حوقوق دوگموشدور. باخماياراق کي، بو گونه قدر هله حوقوق، حقيقي يئرني بولاماميشدير و سيياست، ايقتيصاد و حوقوق دنگله‌مه‌سيند، اوستونلوک سيياسئت و ايقتيصادلا اولموشدور.
بو دنگه‌سيزليغه باخماياراق، هاق و حوقوق نورمالاريندا، ياشاديقيميز دؤنمده بؤيوک گليشمه‌لر و دگيشمه‌لر اولموشدور. اونون اوجون حاقيندا، مفهومو، چئشيتليليغي، ماهيتي و...گونو گوندن داها گليشمک و ... آيدينلاشماقدادير. عومومي بير قناعتده حوقوقچولار حاقي، ياسال گوج اولاراق، تانيملاماقداديرلار. اونون اوچون حاق اؤزلوگونده بير گوج قايناقيدير و بو گوجوده قانوندان، آلماقدادير.قانون دئنيلديغينده. اؤزل بير اؤلکه‌نين قانونو نظرده توتولماماقدادير.باخماياراق کي، اؤلکه‌لر قانونو اؤز هؤوزه‌سينده سؤزو گئدن مشروع گوجه جيدي سانکيسيون ساغلاماقدادير.
حوقوقچولار گئنئل بير آلاندا حاقي بيرئيسل (فردي)،جمعي و ميللي حاقلار اولاراق بؤلمکده‌ديرلر.
بيرئسل هاق او هاقلاردير کي، اينسان فرد اولدوغو اوچون بوتون مدني،سياسي،کولتورئل و توپلومسال حاقلاري "تئمئتتؤئن" و "ايستيفائن" صاحيبدير. بو هاق فردين بوتون حايات آلانلاريني، قاپساماقدادير. بو حاقا يئني سياسي سؤيلمده وطنداشليق حاقي (جيويل ريگه تس) دئييلمکده‌دير.
جمعي حاق، او حاقلارا دئييلير کي، فرد بير قوروپ و جريان ويا جينسه و يا اؤرگوته باغلي اولدوغو اوچون ،و هاقدان يارارلانماقدادير .پارتييا ،درنک،سئنديکا و،...قوروپ و يا او جمله ره قاتيلما و يا اوردان آيريلما حاقي و يا قاندين حاقلاري بو قورورپدا يئر آلماقدادير.
ميللي و ائتنيکي ويا توپلو حاقلار، او حاقلارا ايشاره ائتمکده‌دير کي، اينسان بير ائتنيکه و ميللي آزينليغا ،ميلته ،مذهبه و... باغلي اولدوغو اوچون او هاقلاردان يارارلانماقدادير. اؤز موقددراتيني بليرله‌م، آنا ديليني اؤیرنمه و اؤیرتمه ،ديني و مذهبي، ويجداني و اداتلردن اؤزگورجه‌سينه يارارلانما بو بؤلومده يئر آلماقدادير.
بو گئنلله‌مه‌ني نظرده توتاراق، آرديجيل يازيلاردا ،هئر اوچ اؤنملي حاق قوروپلاريني "گونئي آذربايجان ميللي حرکتينده" ايليشکين توخونوب و بو باگلامدا جرايان ائدن اولايلاري نئزئرئ آلاراق، قناعتلئريمي. پايلاشاجاگام.
اوسته گئدن اوچ چئشيتلي حاقين اؤنمينه گلينجه دئمه‌لييم کي، حوقوقي اولاراق، هر اوچوده بير درجه اؤنمه ماليکديرلئر. آنجاق!هر اوچو ده ،گه‌ليشيم سورجلري ،سانکيسيونال دوروملاري و اؤزلليکه آذربايجان ميلتينين دورومو آچيسيندان فرقلنمکلده‌دير.
بو گونه قدر بوتون يازيلي و شيفاهي چاليشمالاريمدا ميللي هاقلارين اوزرينده چابا گؤسترمه‌يه جهد ائتميشديم. آنا ديلي حاقي، اؤز موقددراتيني تعيين ائتمه حاقي، ايستقلال حاقي، 21 آزر سويقيريم مسله سي، چئوره حاقي (ورمو گؤلو ايله ايلگيلي) و... بو دوگرولتودا اولموشدور. بو دوگرولتودا احتيياجلار و ضرورتلر دئوام ائده‌رک ،حرکتين اينديکي دورومو، 2 باشقا هاق قوروبلاريني اؤزلليکه بيرئيسل هاقلاري گونه‌دهمه گتيريلمه‌سيني و حرکت اوچون اؤنميني ،داها قاباريق شئکيلده آيدينلاشماسيني گرکديرمکده‌دير. باخماياراق کي، ايلکه سل اولاراق، فردي هاقلار هئچ زامان آذربايجان ميللي حرکتينده هئچ بير موخاليفتله قارشيلاشماميشدير و يازار بير اينسان هاقلاري آکتيويستي اولاراق فعالييئتلئرينين چوخ بؤلومونو عملده بو ساحه ده صرف ائتميشدير. آنجاق! اعتيراف ائتمک گره‌کي رسه قبول ائتمه‌ليگيک، بو ساحه ده لازيملي قدر چاليشيلماميشدير و بو بوشلوق حرکتين ساغلام ايستيقامتده سئير ائتمه‌سينه جيدي ضربه وورموشدور.
بو ساحه ده، حرکت ايچي دئموکراسي، پلوراليزيم، تساهول، اينساني کرامئت، فرد و آييله و اؤزل ياشام ،گوونليگي،حرکت ايچي سؤز آزادليغي و بونا بنزر جيدي مسله‌لر عومومي اولاراق، تارتيشيلماميشدر. بعضي داغينيق چاليشمالار شخصي ايختيلافلارا، بولاشديقيندان دولايي، جيدي بير عومومي موباحيثهوه تهقيق آلاني اولوشدوراماميشدير. بو ندندن دولايي، بير جوخ اينسان و ميللي فعاليميز اؤزو و آييله‌سي اؤزل ياشام و دوشونجه و اينانج حاقي ازيلمه‌سينه معروض قالميشدير.
دئموکراتيک و فردي حاقلارين لازيمي گدر درينلشمه‌مه‌سيندن دولايي ،حرکتين عومومي گؤرونتوسونه هم آذربايجان ميلتي نزدينده همده باشقا ميلتلر و جرايانلار ايچينده يالنيش گؤرونتو يارانميشدير و بو وسيله ايله حرکت جيدي موتزرير اولموشدور. بوتون بونلار بو ساحه نين نه قدر اؤنملي اولماسينا يئترلي دليلدير. بو ساحه نين گئنيشلنمه‌سي و درينلشمه‌سي اينساني دیرلرين يوکسلمه‌سينه جيدي قاتقي ساغليياجاغينا اينانيرام.اونون اوچون توخوندوغوم قونولاردا شخصي داوالاري بير طرفه بوراخيب ،وومي مسله‌لره توخوناجاغيم. آنجاق شخصلرين حوقوق ديشي اممللئريني تنقيد وئ قيناماقداندان واز گئچمه‌يه جغيم. سونرا کي، يازيم بو دوغرولتودا اولاجاقدير.
صالح کامراني
ايسوئج
