بیر یارالی جیران کیمیدیر
الی آیاغی باغلانیبدير
بیر گولون قوینوندا سوسوز
اوچو اونو بوراخیبدیر
نه گلن وار نده گئدن
یانلیز دوشوب بیر دوزلاقین اورتاسینا
گوزو قالیبدیر آرخادا
بیر کندین پارلاق چراغی
اومودلارین گوجلندیریر
باشین قویوبدور قوینونا
مله یر کی من سوسوزام
آهای کندین آداملاری
هارای هارای من سوسوزام
کیمسه گلمیر فریادینا
ساعاتلار کچیر اولور گجه
تام ایوم هاواسیندا ائشیدیر
یاخیندان بیر لای لای سسی
_لای لای بالام لای لای
گوزل آرتیمیام لای لای
آنا سی کفن گئیدیریر
بیاز گلین دونلوغوندا
سوسوز قالان بالام لای لای..
دغرودور من سویام اوزم
سو ایچینده چوخ سوسوزام
او قدر سوسوز قویولموشام
پاتلایبدیر دوداقلاریم
هارای چکیر گوزل گلین
یاغروما رحم ائدین باری
منه سویو باغلاسازدا
منی سوسوز بوراخسازدا
آماندیر کورپه می(آرتیمیا) سوسوز
بوراخماین آی آداملار
اوچو دوروبدور باشیندا
الین ویریر دیزلرینه
قاه فاهاسی آجی وئریر
گوزل جیران کورپه سینه(آرتیمیا)
آرتیمیا سوسوز قالیپ
اوچو اونا اوخون ساچیب
دیلین تیکیبدیر دوزلاقا
بوغازیندان که لف(بیر جور ایپ) سالیب
آهای کندین ایگیتلری
کیمسه یوخکو گوجو چاتسین؟
بو اوچونون آرخاسینی یئره چاپسین؟
الین آتیب او که لفین دویونون آچسین؟
آرتیمیا گوزلینی آزادلیغینا بیر بوراخسین؟
یوخمو منیم دردیمه بیریسی یانسین؟
آهای شهر آداملاری سیزده نئجه؟
ایگیتلرین قوچاق لاری سیزده نئجه؟
ستارخانین نوه لری سیزده نئجه؟
اولمیا سیزیده اوچو، توتوبدور گیرووا
اولمیا تیکیبدیر دیلینیزی بیر اوخونا
بلکه ساچیبدیر کسرین(پیچاق) غیرتی اولان داماریزا؟
سن اوی گوزل کورپم منیم
کیمسه اویاق دیل هله
بلکه گورور گوزلری آما اویاق دیل هله
باشیوی قوی قوینوما
کورپه آرتیمیام منیم
سنه یانان من(اورمو گولو) اولموشام،
منه یانان دا سن(آرتیمیا) اول باری
داها سس سالمایاق ساقین
کندین مورگولو آداملاری
راحات راحات اویا بیلسین
شهر آداملارینادا
بیر اورنک اولا بیلسین
بیزیم –یول 6/8/90
