آنکارادا بیل کنت بیلیم یوردوندا "گونئی آزربایجان و اورمو گؤلو اکولوژیک فاجیعه سی" قونولو کنفرانس کئچیریلدی
بیل کنت بیلیم یوردونون تورک دونیاسی آراشدیرمالاری توپولولوغو (ت.و.د.ا.ت) طرفیندن دوزنلنن کنفرانسدا کونآسکام آدینا داوود توران و مجید آراز چیخیش ائتدیلر.
تبریز سسی خبر قوروپونون آراز نیوز ا اساسن یایدیغی معلوماتا گوره ، 20 ائکیم (20 اوکتیابر – 28 مهر) جوماآخشامی گونو ساعات 18:00دا ترتیب ائدیلن بو ائتگینلیک قالابالیق بیر دینله ییجی قوروپو طرفیندن ایزلندی. تدبیرده معروضه چیلر گونئی آزربایجان، آزربایجان میلی حرکتی و اورمو گؤلو مسئله سی ایله باغلی اطرافلی بیلگیلر وئردیلر. فیلم و سلاید گؤستریمی ایله دستکلنن سونوم قیسمیندان سونرا کنفرانس سورو-جواب بؤلومو ایله دوام ائتدی و ساعات 20:00ده باشا چاتدی
کنفرانسین بیتیمینده ت.و.د.ا.ت باشقانی اوغوزخان داشقین و یؤنتیم عضولری گول چلنگی ایله گونآسکام و معروضه چیلره تشکور ائتدی
