"انجمن قلم آذربایجان جنوبی (ایران) در تبعید" با تمام نیرو و با نهایت انزجار این جنایت ضد بشری را محکوم می کند و از کلیه سازمان ها و تشکلات دموکراتیک و آزاده انتظار دارد تا دوشادوش هم در مقابل این جنایات ضد اندیشه ایستاده و با مبارزات خود لجام گسیختگی مرتجعین را افشاء نمایند.
انجمن قلم آذربایجان جنوبی (ایران) در تبعید
یئنه بیر قلم سیندیردیلار کی، بوغونتو دؤورانی باشا چاتماسین!
قلمه قارشی خنجر؛ فیکره قارشی ایشکنجه، زیندان و اعدام؛ بیلیم و علمه قارشی خرافات، ایکی اوزلولوک و دغلبازلیق؛ بودور خفقان دؤورانی‌نین حاکیملری‌نین منطقی؛ بودور انگیزیسیون کیلیسالاری‌نین یولونون ایسلام آدی آلتینداکی طبیعی و دوغال سونوجو!
یئنه اؤزگورلوکچو بیر یازارین قانی، قارانلیق دونیالارین قاراووللاری‌نین بیچاقدان و زوربالیقدان باشقا دیل باشا دوشمه‌ینلرین سویوندان بیرسویسوزون الی ایله تؤکولدو. موللا فاضل لنکرانی‌نین فتواسی ایله اؤلومه محکوم ائدیلن آذربایجانین آدلیم یازارلاریندان رافق تقی نوامبر آیی‌نین 19-دا ساتقین بیری‌نین بیچاق ضربه‌لری نتیجه‌سینده جانیندان اولدو. رافق تقی اوزون زاماندیر کی، یازدیغی آیدینلادیجی و افشا ائدیجی مقاله‌لر و یازیلاری ایله ایسلام جمهوریتی‌نین هدفی حالینا گلمیشدی. دؤلتلر آراسیندا اختلافلارین یوکسلدیگی بو گونلرده، اونلار ایلک قوربانلاری یئنه قلمدن باشقا سیلاحی اولمایان یازارلاردان و اؤزگور فیکیرلیلردن سئچدیلر. بو، اونلارین نه ایلک نه ده سون جینایتلری اولاجاقدیر. آما اینسانلار چوخ یاخشی بیلیرلر کی، اورتاچاغین قارانلیق انگیزیسیون و پهلوی‌لرین زوربا اؤزباشینالیق و بویورقانلیق دؤورانی سونا چاتدیغی کیمی، بو قارا دؤوران دا تاریخین حؤکمو ایله سونلاناجاقدیر. بیز اینانیریق کی، تاریخین دؤنن تکری ایره‌لیله‌یه‌جک و قولدورلوقدان و جینایت منطقیندن باشقا بیر منطق چنته‌سینده داشیمایان هئچ بیر رژیم اؤزگورلوک ایدئاللارینی آرادان آپارماغا گوجو یئتیشمه‌یه‌جک.
سورگونده گونئی آذربایجان (ایران) قلم انجومنی اینسانلیغا قارشی ایشلنمیش اولان بو جیناتی بوتون گوجو ایله و نیفرتله محکوم و تلعین ائله‌ییر و انتظاری وار کی، بوتون دموکراتیک و اؤزگورلوکچو تشکیلاتلار دوشونجه‌یه قارشی ایشلنن بو جینایتلری محکوم ائله‌ییب و اؤز موباریزه‌لریله مرتجعلرین قاباغیندا دایانالار.
