تک توران : دئکابرين 13-ده تورکييه‌نين ايزمير شهرينده ايراندا سيد جعفر پيشورينين رهبرليگي آلتيندا قورولموش آذربايجان ميللي هؤکومتينين يارانماسينين 66-جي و سوقوتا اوغراديلماسينين 65-جي ايلدؤنوملرييله علاقه دار کونفرانس کئچيريله‌جک.
آپا- نين معلوماتينا گؤر، ايزمير آذربايجانليلاري مدنيت مرکزينين تشببوسو ايله کئچيريله‌جک تدبيرده تورکيه استراتئژي آراشديرمالار مرکزينين (تورکسام) ائکسپئرتي، دوکتور عاريف کسکين و تورکيه‌نين بير سيرا عالي تحصيل موسسيسه‌لري ايله امکداشليق ائدن دوکتور گولاره يئنيسئي معروضه ايله چيخيش ائده‌جکلر. يئرلي واختلا ساعات 19:30- دا کئچيريله‌جک کونفرانس ايزمير گنجليک تئاترينين سالونوندا باش توتاجاق.
قئيد ائدک کي، 1945-جي ايل دئکابرين 12-ده سيد جعفر پيشه ورينين رهبرليگي آلتيندا ايراندا آذربايجان ميللي هؤکومتي ياراديليب. بير ايل سونرا، يني 1945-جي ايل دئکابرين 17-ده ايران شاهي محمدرضا پهله وينين رهبرليگي آلتيندا تبريزه قوشون يئريديله‌رک آذربايجان ميللي هؤکومتي دئوريليب.
