تک توران : رافيق تاغي دونن باکيدا «قورد قاپيسي»نداکي قبيريستانليقدا دفن اولونوب. دفن مراسيمينده عاييله عوضولري ايله ياناشي مرحومون دوست و همکارلاري دا ايشتيراک ائديبلر.
نويابرين19- دا بيچاقلانميش يازيچي رافيق تاغي چرشنبه گونو وفات ائديب. رافيق تاغي ناملوم شخص طرفيندن، گئجه ائوينه دؤنرکن آوتوبوس داياناجاغيندا بيچاقلانميشدي.
آتت-اين ( اوروپا تهلوکه‌سيزليک و امکداشليق تشکيلاتي ) مئديا آزادليغي اوزره نوماينده‌سي دونيا ميياتوويج آذربايجانلي يازيچي و کؤشه يازاري تاغينين اؤلومونه گؤره چوخ تأسوفلنديگيني دئييب. او بو کيمي حاللاري "مئديا و سؤز آزادليغينا ضربه" کيمي قييمتلنديريب: "بو جينايتلر دئموکراتييا نامينه ان تئز نتيجه‌سيني تاپماليدير. اوميد ائديرم کي، آذربايجان حؤکومتي آراشديرمانين نتيجه‌لي سونونا نايل اولاجاق".
"يئني نسيل" ژورناليستلر بيرليگي ده يازيچينين وفاتي ايله علاقه دار بيانات ياييب. بياناتدا تاغينين ايندييه کيمي اؤلدورولن 10-جو ژورناليست اولدوغو و اونا اولان "هوجومون پئشه فعاليتي ايله علاقه دار" اولدوغو بيلديريلير. بيرليگين صدري عاريف الييئو بی بی سی آذربايجانجايا دئديگينه گؤر، او، يازيچييا هوجومون خاريجي قوووه‌لرين و اؤلکه‌لرين دستگي ايله تشکيلي احتيمالينا اينانير: "لاکين امين دئييلم کي، بو مؤوجود سياسي وضعيتي قاريشديرماق اوچوندور، يوخسا کي، سادجه راديکاللارين ديني چيخيشلارا گؤره جاوابيدير".
