لیبیانین دئوریک لیدری معمر قذافینین اؤلدورولمه‌سی‌نین آردین‌دان گلیشمه‌لر، بؤلگه اؤلکه‌لری طرفیندن ده یاخین‌دان ایزله‌نیر.
قونو، خاریجی ایشلری باخانی احمد داوود اوغلونون ایران خاریجی ایشلری باخانی علی اکبر صالیحی ایله اورتاق مطبوعات توپلانتی‌سیندا گوندمه گلدی.
هر ایکی خاریجی ایشلری باخانی، خالق‌لارین مشروع طلبلرینه قولاق وئریلمه‌سی‌نین اؤنمینی وورغولایاراق آغیل‌لارا سوریه‌ده‌کی آجی تابلو گلدی.
خاریجی ایشلری باخانلیغینین معمر قذافینین سونو اوچون "آجی بیر درس" آچیقلاماسینی یاپماسی‌نین آردین‌دان، داوود اوغلو دا اؤز دگرلندیرمه‌سینی سؤیله‌دی.
داوود اوغلو،
"قذافی سونراسی یئنی دورومو اله آلدیق. اورتادوغوداکی قارداش خالق‌لارین دموکراتیک طلبلرینی ان باشین‌دان بری دستکله‌دیک. اوماریق لیبیا ان قیسا سوره‌ده دموکراتیک گوجلو بیر اؤلکه اولاراق یئرینی تاپار"دئدی.
ایران خاریجی ایشلری باخانی صالیحی ایسه، "حکومتلر اؤز خالق‌لاری‌نین مشروع ایستکلرینه آغیللیجا جاواب‌لار وئرمه‌‌لی، رفورم‌لاری یئیینلندیرمه‌لی، باشقا اؤلکه‌لر ده موداخیله ائتمه‌مه‌لی" سؤزلری ایله آد چکمه‌دن سوریه‌نی ایشاره ائتدی.
داوود اوغلو،
"اؤز خالقینا ظولم ائدن رژیملرین آیاقدا دورماسی مومکون دئییل. سوریه‌ده‌کی دموکراتیک دؤنوشوم سورجی‌نین حرکته گئچیریلمه‌سی اوچون چالیشمایا داوام ائده‌جه‌ییق"دئدی.
اورتاق مطبوعات توپلانتی‌سیندا،ایرانین، سعودی عربیستانین واشینگتون بؤیوک ائلچیسینه سوئی قصد حاضیرلیغی ایچینده اولدوغو ایدیعا‌لاری دا گوندمه گلدی.
ایران‌لی باخان، "آمریکا بیرلشیک دؤلتلرینین ایدیعا‌لاری او قدر بوش کی دگرلی زامانینیزی توتماق ایسته‌میرم" دئمکله یئتیندی.
داوود اوغلو،
"شفافلیقلا بو جور اولوسلار آراسی بحرانلار آشیلیر. ایرانین بئله بیر توتوم ایچینده اولماسینا اینانمیریق. آما آمریکا دا اللرینده دلیل اولدوغونو سؤیلور سعودی عربیستانین دا ایدیعا‌لاری وار. بوتون ایلگی‌لی طرفلر اللرینده‌کی دلیللری پایلاشاراق بحرانین تیرمانماسینی اؤنلمه لیدیر.
تورکیه اولاراق گئریلیمین آشیلماسی اوچون بو قونودا چالیشمایا حاضیریق"دئدی.
تی آر تی
