تك توران : آذربايجانا ايلک سفري زاماني آمریکا دؤولت کاتيبي هيلاري کلينتون اؤلکه‌لر آراسينداکي 20 ايلليک موناسيبتلرين حؤکومتلر، بيزنئسلر و خالقلار آراسيندا مؤحکم علاقه لر ياراتديغيني بيلديريب. خانيم کلينتون آذربايجان سفري زاماني پرئزيدئنت ايلهام علي يئو و خاريجي ايشلر ناظيري ائلمار محمدياروولا گؤروشوب. او، موذاکيره‌لرين تهلوکه‌سيزليک، ائنئرژی و دئموکراتيک ايصلاحاتلارا حصر ائديلديگيني بيلديريب. دؤولت کاتيبي آذربايجان رهبرليگينه افقانيستان، عيراق، کوسووو موناقيشه‌لريند، خوصوصيله ده افقانيستانا تجهيزات داشينماسيندا گؤسترديگي يارديما گؤره تشککورونو بيلديريب. خانيم کلينتون سون زامانلار آذربايجان-ائرمنيستان سرحد زونالاريندا باش وئرن اؤلوم حاللارينا گؤره تأسوفونو ديله گيتيريب. آمریکا دؤولت کاتيبي طرفلري صولحون برقرار ائديلمه‌سي ايستيقامتينده ايره‌ليله‌مه‌يه چاغيريب.
او دئييب کي،
آمئريکا و آذربايجان ائنئرژي تهلوکه‌سيزليگي ساحه سينده سيخ امکداليق ائدير.
هيللاري کلينتون آذربايجانين نئفت و قاز تاميناتي ساحه سينده‌کيآپاريجي رولونو
يوکسک قييمتلنديره‌رک، آوروپانين نئفتله تامين ائديلمه‌سينده جنوب مارشروتونون
ياراديلماسي سعيلريني آلقيشلاييب. خانيم کلينتون وطنداش جمعيتينين گوجلنديريلمه‌سي
و دئموکراتيک ايصلاحاتلارين واجيبليگيني وورغولاييب.
او، سفري زاماني
يئنيجه حبسدن آزاد ائديلن بختييار حاجييئوين و وطنداش جمعيتينين ديگر عوضولرينين
ايشلريني داوام ائتديره‌جگيندن امين اولدوغونو دئييب. "بيز اينانيريق کي،
21-جي عصرده چيچکلنن اؤلکه‌لر قانونون عاليليگي، مطبوعات آزادليغي، ايفاده
آزادليغي و ديگر اونيوئرسال حوقوقلارا رعايت ائدن اؤلکه‌لر اولاجاق. من
آذربايجانين ايقتيصادي ترققي و سياسي ايصلاحاتلار يولوندا ايره‌ليله‌يه جيندن
امينم"-دئيه آمریکا دؤولت کاتيبي هيلاري کلينتون بيلديريب
