بیز هئچ تک قالمادیق / عطیه طاهری

تك توران : خبر وئردیلر سعیدی آپاریبلار اینفیرادی یه . چوخ دیسکینمه دیم. آخی سعید تک لیگیله یولداشدی. 86 نجی ایلده 7 آی یاشایب بونو . تانیش دی او سلول لاریلا. قول بویوندو تکلیگله .

تکلیکدن دانیشاندا همیشه منی اینجیدردی، توتولاردیم.

بلکه ده دوز دئیرلر "نئجه فیکیرلشسن اونو گؤره جکسن" . سعید دئیردی آداملار تک دیلر . منی اینجیدردی بو سؤز . آخی سعیدین یانیندا من اؤزومو تک گؤرمزدیم، بونا گؤره بو سؤزدن چوخ داریخاردیم ، بوغولاردیم بو سؤزدن . آمما نه فایدا، سعید دیدیگین دییه ردی، آداملار تکدیلر .

سانکی بیلیرمیش باشییمیزا نه گله جک ومنی بو گونلره حاضیرلاشدیرارمیش .

تکلیک اؤزونو یامان چیرپدی اوزونه و اوزومه . دیدی سیزه دوشوندورورم آجیلیغیمی، دوشوندویونوز کیمی دئییلم. من قات قات فیکیلرده کیندن آجییام . قات قات فیکیرلرده کیندن آغیرام . قات قات چتینم . قات قات بئل بوکنم ...