۱۳۹۰ اسفند ۲۷, شنبه

وحید حبیب چشمه و سالارطوری بی لریمیزه ایتحاف- حسین ماکولو

تک توران :
 بوردا
گونش دوغولاندا اولانلار دوستاغين قارانليق لاريندا ديلار، اؤز آنا ديللرینده دانیشماق جورم اولاراق آغيزلاري زنجيره چكيليب،ظالیم لر  يول لاريندا بير تيكان تك يولچولارين آياقلاريندان قان آخدیریرلار، سئوگي لری اوركلرده قانا چئويريلير،سسلري بوغازلاردا بوغول لار و.....


آمما مين بئله ائله سلرده بوغانمازلار،زنجيره چكنمزلر،دوستاغا سالانمازلار دوشونجه لري.اؤزگورلوك و حاق دالسيندا اولماق دوشونجه سي بو تورپاغين هر بير يئرينده دوغولماق دادير و بونو دوشونموشوك کي« حق آلمالي دير ، وئرمه لي دئيير ».

وطن اينسانا بير بؤيوك آنا دير. بو آنا « وحيد لر و سالار لار» كيمين ايگيد اوغلانلار دوغوب و اؤز باغريندا بؤيودوبدور، بو گونش لر قارانليقلاري اؤز ايشيقلارينان محو ائده جك لر.«دونيادا قارانليق لار بيرلشه باهم، بير خيرداجا شمعين ايشيقين سؤندوره بيلمز».«وحيد بي» سني بير بؤيوك دنيز كيمين ده رين آمما آرام گؤردوم.سؤزلرين اؤز كيمليگينن و وارليغيندان سؤيلوردو.ايندي سني دوستاقدا گؤرورم و بئله دوشونورم كي گؤر سنين اؤزگور اولماغيندان نه قدر قورخوللار كي سني الي باغلي دوستاغا ساليب لار.

«سالار بي»بيز بير يولون يولچوسويوق،بير دوشونجه دير كي بيزي تانيش ائلييب دير، بو يول اؤزگورلوك يولوموزدور، بو يول ميللتين حاققينين اوستونده ساواش يولودور.و بيزلر او زامانا كيمين كي اؤزگورلوك گونشي بو تورپاغا ساچا ساواشچي ييق.