آذربایجان جمهوریتی اردوسونو گوجلندیردی

تك توران : آذربایجان جمهوریتی ایسراییل‌دن ۱ میلیارد ٦۰۰ میلیون دو‌لارلیق حربی سورسات ساتین آلدی.

تورپاقلاری‌نین یوزده ایگیرمی‌سی ارمنی‌لرین ایشغا‌لی آلتیندا اولان آذربایجان جمهوریتی، سلاح‌لی گوجلرینی چاغین و بیلیمین گرک‌لرینه گؤره یئنیله‌ییر.

بو چرچیوه‌ده آذربایجان ایسراییل‌دن ۱ میلیارد ٦۰۰ میلیون دو‌لارلیق حربی سورسات آلدی. آچیقلاما، استکهلم اولوسلارآراسی باریش آراشدیرما‌لاری انستیتوندان گلدی. ۲۰۱۱.جی ایلده ایمضا‌لانان آنلاشمایا گؤره ایسراییل، آذربایجانا بیر عدد "باراک - ۸" تیپی موشک سیستمی و ۷٥ موشک ساتدی. آنلاشما چرچیوه‌سینده آذربایجان، اوردوسونو گرین پین رادار سیستمی، گمی هوجوموندا ایستیفاده ائدیلن قانادلی موشک‌لر و ۱۰ عدد پیلوت‌سوز هاوا آراجی ایله گوجلندیردی. راپوردا آذربایجانین ۲۰۰۸.جی ایلدن بری ایسراییل‌دن سورسات آلدیغی ایفاده ائدیلیر. تورکیه، روسیا، آمریکا و گونئی آفریقا، آذربایجانین سلاح آنلاشماسی ایمضالادیغی دیگر اؤلکه‌لر.