تک توران : قوزئی آذربایجاندا ژورنالیست خدیجه خانیم ایسماییلووایا قارشی تهدید و شانتاژلاری پیسله‌ییب، بئله داورنیشی قوزئی آذربایجاندا ژورنالیست و ژورانلیسمه قارشی قیمتلندیریب محکوم ائدیریک.
سؤز و ژورنالیستیک آزادلیغی بیر اؤلکه‌نین اینسانی و دئموکراتک
پرینسیب‌لر اساسیندا قورولموش سیستیمینی اولوسلارآراسی گؤزو اؤنونده سرگیلییر و میللتی‌نین
مدنیت سوییه‌سی‌نین یؤکسلیشینی گؤستریر. موستقیل و دئموکراتیک گوزئی آذربایجان
جومهوریتینده ژورنالیست‌لرین فیزیکی و معنوی ایشگنجه‌لره معروض قالیب و اؤلوبیتمه‌لری،
میللتیمیزه قارشی و اینسانلیق‌دان اوزاق اولان داورانیش‌دیر. بو گون یورویژئنین
قوزئی آذربایجاندا گئچیریلمه‌سی اؤلکه‌میزی دونیا دقتی مرکزینه یؤنتمیش‌دیر.بو
فورصت‌دن ایستیفاده ائدیب دئموکراسیا سایقی، مدنیت یولچوسو اولدوغوموزو دونیا گؤزو
اؤنونه سرگیلمگ و سؤز آزادلیقینی اؤلکه‌میزده تامین ائدبیلملک قابیلیتینی حاکیمیت
اثبات ائتمه‌لی‌دیر. ژورنالیست‌لرین تهلوکه‌سیزلیگینی تامین ائتمک شرف و لیاقتینی قوروماق
حاکیمیتین گؤروی‌دیر. خدیجه خانیم ایسماییلووایا یؤنلئن چیرکین شانتاژ و داورانیش‌لارا
سون قویولماقی طلب ائدریک.
اونودماماق لازیمی‌دیر تاریخ هم شرف‌لی، پارلاق و هم چیرکین و ایرنج
امللریمیللتین و او گونکو حاکیمیتین تاریخینده ثبت ائدیر.
حؤرمتله
ائیواز مدبر
