اینگیلتره اسکی باشباخانی تونی بلیر، دموکراتیک تورکیه‌نین "عرب باهاری" اؤلکه‌لری اوچون رول مودئل اولدوغونو سؤیله‌دی.
ایستانبولدا، ت.ر.ت خبر گنل یایین یؤنتمنی احمد بؤکن-ین سوال‌لارینی جاوابلاندیران بلیر، اورتا شرقداکی گلیشمه‌لردن، تورکیه‌نین بؤلگه‌ده‌کی رولونا؛ آوروپا بیرلیگیندن اقتصادا قدر گونجل گلیشمه‌لری قیمتلندیردی.
تورکیه‌نین اولوسلار آراسی آرئنادا آرتان اهمیتینه دقت چکن بلیر، تورکیه‌نین شرق ایله غرب آراسیندا یئرینه ده وورغو ائتدی.
بلیر، تورکیه‌نین غرب ایله دموکراتیک سیستملری، شرق ایله ده اینانج سیستملرینی پایلاشان بیر اؤلکه اولدوغونو وورغولادی.
تورکیه‌نین اؤزونو شرق ایله غرب آراسیندا سئچیم ائتمک مجبوریتینده حس ائتممه‌سی لازیم اولدوغونو ایفاده ائدن بلیر، "اسلام، دموکراسی ایله تام معناسییلا اویغون" دئدی.
بلیر "حال-حاضیردا اینگیلتره‌ده باشباخان اولا‌راق وظیفه‌ده اولسایدینیز لیبیا عملیاتی‌نین بیر پارچاسی اولار ایدینیز می" سوالینا وئردیگی جاوابیندا، "قذافی، صدام، اسد کیمی دیکتاتورلار، بو شکیلده حرکت ائتدیکلری مدتجه اولوسلار آراسی بیرلیک ده اولدوقلاری یئرده دایانا بیلمز. بو نقطه‌ده، البته کی، دگیشیک‌لیک رئاللاشماسی باخیمیندان معین قرارلار آلینماسی لازیمدیر. بیر اؤلکه‌نین بو شکیلده بیر باسقی آلتیندا قالماسی یئرینه بئله حرکتلرین ائدیلمه‌سی لازیملی و لازیملی "دئدی.
"بعضی محافللر طرفیندن اولوسلار آراسی بیرلیگین سوریه‌ده سس‌سیز قالدیغی ائلشدیریسینه قاتیلیرسیز؟" سوالینی بلیر، "بونا سسسیزلیک دئمه‌یک. بورا‌داکی پروبلئم، اولوسلار آراسی بیرلیک بؤلونموش وضعیتده. چئوریلمه‌نین اؤنو آچیلما‌لی. چئوریلمه‌نین قارشی‌سی آچیلمازسا انقلاب کیمی باشقا یول‌لارا مراجعت ائتمه ضرورتی اورتایا چیخماقدا. انسان‌لارا امکان وئریلمه‌لی" شکلینده جاواب وئردی.
