تك توران : بیلدیگینیز
کیمی اوکتیابرین(ائکیم) 19-دا “آمباسسادور هوتئل”ده اولوسلاراراسی گونئی آذربایجان
کونسئیی (اوگاتک) “گونئی آذربایجان گرچک‌لری و اوگاتک-این هدفلری” باش‌لیغی آدی
آلتیندا بیر فوروم گئچیریمیش‌دیر.
بوگونکی اورتا
دوغو سیاسی دورومونو و ایران شووونیست رئژیمی‌نین، اؤزل‌لیکله سون زامان‌لاردا
میللی حرکته باسقی‌لارین آرتدیغی بیر دؤنمده اولدوقجا اؤنم‌لی و یئرینده بیر فوروم
اولدوغو کسین‌دیر. بئله بیر فورومون قوزئی آزربایجانین باشکندی باکیدا گئچیریلمئسی
و فورومون گئنیش‌لیگینی، مؤهتشم‌لیگینی نظره آلیرساق دئمک اولارکی بو گونه قدر
گونئی آذربایجانلا ایلگی‌لی ان بؤیوک ییغینجاق(فوروم) اولدوغو آیدیندی و او فوروما
قاتیلان دیرلی میللی و سیاسی شخسیت‌لریمیز،میللت وکیل‌لری و تانینمیش ضیا‌لی‌لاریمیز
و ائله‌جه‌ده بیر چوخ تانینمیش گونئی‌لی میللی فال‌لاریمیزین چئشیدلی اؤلکه‌لردن
بو فوروما قاتیلیب دستک اولماسی، بو فورومون دیری‌نین اؤنم‌لی بیر گؤسترگه‌سی اولدوغونو
دوشونورم.
بو فورومدا گونئی
آذربایجاندا باش وئرن سیاسی و ائله‌جه‌ده ائکولوژی اولای‌لار اله آلینا‌راق
دیرلندیرلمیش‌دیر.
فورومدا
آذربایجان هیمنی اوخوندوق‌دان سورا گونئی آزربایجالا ایلگی‌لی گوندم اولای‌لار
حاقدا حاضرلانان ویدئو سلایت ایشتیراکچی‌لارا نوماییش ائتدریلیمیش و فورومون
آچیلیشینی اعلان ائدن سایین مردان سئییدبی‌لی سونرا دیرلی عالیمیمیز و سیاستچیمیز
فیرودین جلیلوو فوروم حاقدا ایشتیراکچی‌لارا معروضه‌لر ائتمیش‌دیر.
گونئی آذربایجان
میللی حرکاتی‌نین هر زامان یانیندا اولان ضیا‌لی‌لاریمیز و میللی فال‌لاریمیز
اورمو گؤلو حاقدا ،گونئیده قاراداغ بؤلگه‌سینده باش وئرن دئپرم و ائله‌جه‌ده سیاسی
مهبوس‌لاریمیز حاقدا سون بیلگی‌لر و دیرلندیرمه‌لرینی پایلاشمیش‌لار.
و سونرادا قئید
ائتدیگیم گوندم قونولار حاقدادا سایین میللت وکی‌لی فرج قولیئو، سایین ائلدار
نامازوو و ایستیقلالچی میللت وکی‌لی و موساوات پارتیاسی‌نین باشقانی سایین عیسی
قنبر، سایین آریف رهیموغ‌لو، دیرلی گونئی‌لی میللی فالیمیز خانیم افسانه
سولدوزلو،تانینمیش گونئی‌لی میللی فالیمیز سایین دومان ساوالان، گادپ باشقانی
سایین محمود بیلگین ،آوروپا هرکاتی باشقانی سایین رامین هاجی‌لی، سایین میر محمود
فتتایئو، سایین روسلان ایزت‌لی، آذوح سؤزجوسو سایین امیر مردانی، ایراندا کئچمیش
سفیر سایین الیار سفرلی، کئچمیش میللت وکی‌لی سایین بابا تگیئو، گونئی‌لی فئالیمیز
سایین الیرزا امانبی‌لی،سایین آیدین مدتوغ‌لو و چوخ دیرلی دیگر ایشتیراکچی‌لاریمیزیندا
دیرلی بیلگی‌لر و فیکیرلرینی پایلاشمیش‌لار. و ائله‌جه‌ده منده اینتئرنئت آراجی‌لیغی
ایله قوشولوب فیکیرلریمی پایلاشمیش اولدوم.
توپلانتی
سونوندادا گونئی آذربایجان مارشی دینلدیک‌دن سونرا فورومون بیاناتی اوخوندو کی
بونودا سیزلرله پای‌لاشاجایام. عینی زاماندا سالوندا زلزه‌له قوربان‌لاری و سیاسی
مهبوس‌لاریمیزا عایید شکیل‌لریده سرگیلنمیش .
و بورا‌دان تکرار
فوروموموزا قاتیلان دئیئرلی اینسان‌لاریمیزا هم اؤز آدیما همده گونئی‌لی فال‌لار
آدینا تشککور و سایگی‌لاریمی بیل‌دیریرم.
و ایلگینچ‌دیر کی
او گون باکیدا مؤهتشم فوروم گئچیریلیرکن، گونئی اوچون 200 دن چوخ دیرلی ضیا‌لی‌لاریمیز،
میللی فال‌لاریمیز توپ‌لاشا‌راق ایچری‌دکی 40 میلیون اینسانیمیزین زولومه، اسارته
معروض قالمیش گونئی‌لی سویداش‌لارینا یاردیم ائتمه‌یه چالیشیرکن، بو آددیم بیری‌لرینی
ندنسه چوخ ناراحات ائتمیش و فورومون باش توتماماسی اوچون اؤزلرینی ساغا سولا وورا‌راق
و بیر سیرا صاف و ساده اینسانیمیزیدا یان‌لارینا چکه‌رک، دیرسیز یازی‌لار، بیانییه‌لر
یازا‌راق میللتیمیز اوچون آتیلان آددیم‌لارا گؤلگه دوشورمه‌یه چالیشدی‌لار کی بو
هم گونئی‌لی‌لره و همده او فورومدا توپ‌لانان دیرلی اینسان‌لاریمیزا بؤیوک سایگی‌سیزلیق
و ایهانت‌دیر.
و عینی گون جمال
مهمتهانوغلون یایینلادیغی سؤزده بیانیئسی قئیری حقوقی و قئیری آخلاقی اولا‌راق
دیرلندیریلمکده‌دیر.جمال بیین 3 آی اؤنجه سؤزچولوگو ایداره هئیتی سس چوخون‌لوغو
قاراری ایله آلینمیش‌دیر و بو گونه قدرده اونا قارشی ایفاده ائدیلن دیسیپلین
پوزقولوق‌لاری، اؤز باشینا آددیم آتماسی، گیزلی گؤروش‌لر گئچیرمه‌سی و س..، هئچ
بیرینه یئترلی جواب وئرممیش‌دیر، و ائله‌جه‌ده گئچن بو 2 آی ایچینده ایکی سفرده
کونسئی‌دن اؤز رضاسی ایله ایستئفا ائتمیش اولماسینا باخمایا‌راق بو چیرکین حرکت‌لرینه
سون ورممیش‌دیر.
ساختا ایه
اولوشتورا‌راق(کونسئی و ایه اویه‌سی اولمایان شخص‌لری اویه کیمی گؤستره‌رک) تمامن
یالان و گئچرسیز قارارلار و ایفاده‌لر ایلری سوره‌رک فوروم و کونسئیین آماج‌لارینا
و آتدیغی آددیم‌لارا گؤلگ دوشورمه‌یه چالیشمیش و کونسئیده، پارچالانما،داغیلما
واردیر دیه ساختا گؤرونتو یاراتماق نیتینده‌دیر. بو ایفاده‌لر، آلینان بو قارارلار
تمامن یالان و حقوقنده گئچرسیزدیر و اونا گؤره‌ده کونسئییده، بیزیده علاقه‌دار
ائتمز و شدتله قیناییریق.
آما آتیلان بونجا
چیرکین آددیم‌لارا باخمایا‌راق باکی فورومون گئچیریلمئسی هم اونلارا همده “افندی‌لرینه“
یوموروق کیمی بیر جواب اولدو.و نئجکی بون‌دان اؤنجه گونئی آذربایجان اوزرین‌دن
کیرلی اویون‌لار قورمایا چالیشا‌راق، تورک میللتی‌نین تاریخی بویو ازه‌لی دوشمان‌لاری
ایلئ گیزلی گؤروش‌لر،بازارلیق‌لار، آلیش وئریش‌لر و س…ل آتسا‌لاردا باشاری‌لی
اولابیلمه‌دی‌لر و بون‌دان سورادا اولابیلمیجک‌لر.
آرتیق میللئتیمیز
اویانمیش، تاریخ بویو یابانجی‌لارین بیزه ائتدیک‌لرینی اونوتمادی‌لار و بیر داها
بونون یاشانماسینا ایزین وئرمه‌یه‌جک‌لر.
و بو اولای‌لار
کونسئیین وارلیغی و اؤنمی، گونئیین سئسی اولا‌راق تکرار ایسباتلانمیش اولدو، اونا
گؤره‌ده بیزده بون‌دان سورا اسکی‌دن داها گوچ‌لو و دوغرو آددیم‌لارلا ایلرییه
دوغرو آدیملایاجاییق.
هادی موسئوی
بیاناتی
باکی شهری 19
اوکتیابر 2012-جی ایل
سون 200 ایلده
آذربایجان خالقی‌نین یاشادیغی اراضی‌لر داغیس¬تان، بورچا‌لی، ائرمنیستان، قوزئی و
گونئی آذربایجان آدلاری ایله آیری-آیری بؤلگه‌لره آیریلمیش و موختلیف دؤولت‌لرین
تابع‌لیگینه سالینمیش و زامان-زامان ائتنیک تمیزلمه اولایینا اوغرامیش‌دیر.
1991-ده قوزئی آذربایجاندا موستقیل دؤولت قورولسا دا، 35 میلیون سویداشیمیزین
یاشادیغی گونئی آذربایجان هله ده ایران آدلانان و شووینیست فارس رئژیمی ایله
یؤنتیلن بیر اؤلکه‌نین ترکیبینده قالماقدا‌دیر. سون بیر عصرده گونئی آذربایجان
دفعه‌لرله آزادلیق موجادیله‌سینه قالخسا دا، فارس راسیزمی طرفین‌دن قان‌لی تجاووزه
اوغرامیش، آنا دیلینده تحصیل آلماق حقوقو بئله اللرین‌دن آلینمیش‌دیر.
«گونئی آذربایجان گئرچک‌لری و
اوگاتک-این هدفلری» مؤوضوسوندا کئچیریلن فوروم دونیا آذربایجان‌لی‌لاری ایله
یاناشی، دونیا ایچتیمایتینه، بئینلخالق قوروم‌لارا مراجعت ائده‌رک بیلدیریر:
1. بشریت آرتیق XXI عصرده یاشاییر، 35 میلیون گونئی آذربایجان تورک‌لری‌نین آدیجه آنا دیلینده
مکتب آچما حقوقو یوخ‌دور.
2. دونیا مدنیتینه بؤیوک تؤهفه‌لر
وئرمیش بو خالق میللی کولتورون‌دان مهروم اولونموش‌دور.
3. تاریخبویو بؤیوک دؤولت‌لر
قورموش بو خالقین بوگون موستقیل دؤولت قورماق ایمکان‌لارینا فارس رئژیمی ایمکان
وئرمیر.
4. گونئی آزربایجانین میللی ثروت‌لری
ایله برا¬بر، اونون یئرالتی و یئروستو ثروت‌لری ده فارس بؤلگه‌لرینه داشینیر.
5. گونئی آذربایجاندا دئموقرافیک
آزالتما سیاستی ایله آغیر ائکولوژی فلاکته یول آچماق اوچون اورمو گؤلو قورودولور.
6. بیر آی اؤنجه گونئی
آذربایجاندا باش وئرن زلزه‌له‌دن زرر چکن اون مین‌لرله اینسان هله ده ائوسیز-ائشیک‌سیز
قالمیش‌دیر.
7. گونئی آذربایجان‌داکی تاریخی
یئر آدلاری فارسلاشدیریلیر
8. گونئی آذربایجاندا میللی فال‌لارا
کوتلوی شکیلده ایشکنجه‌لر وئریلیر، زین‌دانا سالینیر. آدیجه اینسان حاق‌لاری
تاپدانیر.
اوگاتک دونیا
ایجتیمایتینی، بئینلخالق قوروم‌لاری، دونیا دؤولت‌لرینی گونئی آزربایجانین آزادلیق
ایستیینه بیگانه قالماماغا چاغیریر.
http://www.turansam.org/makale.php?id=5294
http://dia.az/11269-konseydn-bak-forumu-kegdrdldb.html
http://www.newsmeeting.com/az/n/4763214-ugak-in-baki-forumu-kecirilib.aspx?fb_action_ids=108414312652319&fb_action_types=og.likes&fb_source=aggregation&fb_aggregation_id=288381481237582
http://sada.az/286-ugak-in-baki-forumu-kecirilib-foto.html
http://davam.az/index.php?newsid=6777
http://sosialxeber.org/index.php?option=com_content&view=article&id=5197%3Augak-moehtm-tdbir-kecirdi&catid=75%3Aguney#.UIGVpWINxHM.facebook
http://milliyyet.az/index.php?do=read_news&id=1080
http://www.publika.az/index.php?action=static_detail&static_id=23206
http://ucnoqta.az/sosial/58227.html
http://sia.az/az/news/social/317633
http://ann.az/az/guney-az%C9%99rbaycan-konseyinin-baki-forumu-oldu/
قايناق آذوح
