 |
تك توران : من تورکم ایگیدم ساواشدا جوشارام
دره نی تپه نی بوزقورد تک آشارام
اوچارام یوردومون
گویونده قارتال تک
دوشمنه دیزچوکمم،
اوزگورجه یاشارام
من تورکم، شانلی یام
سویلو تورانلی یام
نه روسام نه چینلی نده ایرانلی یام
اوزبه یم اویغورام
تورکمنم قاشقایلی
قوزئیلی، گونئیلی،
آذربایجانلی یام
من تورکم
اوغوزام، بللی دیرهارالی یام
تبریزلی، باکی لی،
من آنکارالی یام
پارچالانمیش ائلیم
وار بولونموش یوردوم
قارداشیم اوتایدا
هیجراندان یارالی یام
من تورکم اولویام توره مه باغلی یام
سهند تک ساوالان
تک قوتسال داغلی یام
ناموسوم شرفیمدیر
توپراغیم یوردوم
وطنیم ایشقالدا
اوره یی داغلی یام
من تورکم قدیمم
اسکی تورپاقلی یام
اصیلم کوکوم وار،
داللی بوداقلی یام
کونلومده آی
اولدوز، خیالیمدا اوچ رنگ
گوی قیرمیزی یاشیل، شانلی بایراقلی یام
من تورکم تورکچویم
هپ ایستقلالچی یام
نه ایرانچی تورک،
نده فئدئرالچی یام
باشکندیم تبریز،
اولکه مدیر آذربایجان
اوغروندا اولومه
هرآن ایستیقبالچی یام
آتیللا تورک
