تك توران : باخیشدا، مین کدورت وار، کونول ناشاد اولان یئرده
اورک لر قان
اولور، جوریله، استبداد اولان یئرده
گول اوسته،
قورخودان بولبول، قونانماز، قول قاناد آچماز
کمینده گیزلنیب،هریاندا
بیر صیاد اولان یئرده
چکیب لر ظلمیله،
تورکی دیلین، زنجیره ایران دا
کونول دلشاد
اولار البته دیل آزاد اولان یئرده
صفا و صدقیله مین
لر چکر ال، جان شیرین دن
وفا کویینده، جانین
دن گئچن، فرهاد اولان یئرده
نئجه انسان یاشار
آسوده خاطیر، غصه سیز ، غم سیز
حساب سیز، حد سیز،
تبعیضیله بیداد اولان یئرده ؟
چاغیرسا خلقی عصیانه ، چکر لر شاعیری داره
چماق و اختناق و
سانسور و "ارشاد" اولان یئرده
قیام کوتله وی دن
باشقا، یوخدور خلقه بیر چاره
حکومت باشچی سی ،
بیر قان سوران جلاد اولان یئرده
یقینیم وار کی بیر
باش ظولم ائوی، ویران اولار بیرگون
فشار و ظولمه
قارشی، شورش و فریاد اولان یئرده
