تك توران : دئمک آنا بیر بویوک وارلیقدیر هر اینسانا، اونو الده ن وئره ن داها چوخ بونو آنلایار. آناسیز یاشاماق چوخ آغیر اولار، اونو آناسیز بالاردان سوروش. مسعود بئی آنا نعمتینده ن محرومدور، او اوز آناسینی الده ن وئریب آمما چالیشیر آنا وطنی الده ن گئدمه سین.
ازه ل آناسین الینده
ن آلدی آمما آنا وطنین، چاققاللار الینده ن آلماق ایسته ییرلر. او بو ساواشدا داها
گوجلودور و بونا گوره ده ایندی 50 گونده ن آرتیقدیر کی چاققاللارین جایناغیندادیر.
مسعود بئی سنی آلقیشلاییرام و سنه باشاریلار دیله ییره م. سن بو ساواشدا ظفر قازانیب
آنا وطنیمیزی و اونون بالالارینین اوزگور اولماسینا دوغرو یورویه جکسن. بیلیره م
دایاناجاقسان، بیلیره م سیندیراجاقسان او جایناقلاری کی سنین توپراقینا ال آتیبلار،
کور ائده جکسن او گوزلری کی آنا وطنیوه خور باخیرلار، یوخ ائده جکسن او مانقوردلاری
کی اوزگه چیراغینا یاغ اولوبلار و آییلداجاقسان او کورپه لری، ایگیدلری و میللتی کی
آنا وطنی اوچون اوره گی چیرپینیر. بیر گون او قاپیلار آچیلیب و سن اوردان دیشاری چیخاجاقسان
و اوندا سنی باش اوجا گورمک ایسته ییره م و آرخایینام کی ائله ده گوره جه یم.
قورخما، او مانقوردلار و چاققاللار اوزلرینی یالنیز بئش قیران پولا ساتیبلار،
اونلاردا اورهک قورخوسو وار، اونلار نه قده ر ده گوجلو اولسالاردا بئش قیران
پولونان آلینیبلار، گوجلو اولان سنسن.
سنی یئنیده ن
اوزگور گوروب آزادلیق گونونو گوزله یه ره ک هله لیک.
گله جک بیزیمدیر
ووقار سره سکندلی
