TEKTURAN : Hörmətli "Dana Rohrabacher" Birləşmiş
Ştatlar Konqressmeni
12 Oktyabr 1813 tarixində, böyük Azərbaycan
millətinin iradəsi xaricində ana yurdum olan böyük Azərbaycan, Çar Rusiyası və
Qacar dövlətləri arasında bölüşdürülərək millətimin taleyi acılar və
ayrılıqlara tərk edilmişdir. Bu hadisədən 112 il sonra isə bir dövlət çevrilişi
nəticəsində, millətim
in Güney Azərbaycan ərazisində yaşayan parçası çox
ağır asemilasiya siyasətlərinə məruz qılınıb kimliyi bütünüylə inkar edilmiş
,milli təhqirlər və şovinist davranışlarla baş başa qalmışdır.
Əziz millətim bu tarixdən etibarən dəfələrlə öz
milli iradəsi və millət ruhuna dayanaraq azadlığı uğruna mübarizə səngərlərinə
sığınıb hürriyyət və istiqlalını müdafiə etmişdir ancaq hər dəfə dikta rejimi
və xarici güclərin manelər törətdiyi səbəbiylə millətimin öz qədərini öz
iradəsiylə bəlirləmə çabaları uğursuzluqla sonuclanmışdır.
Bütün bu səylərə rəğmən,İrandakı faşist sistemlər
tərəfindən dəfələrlə qətliam və soyqırımlara uğramış bu millətim, özgürlük və
mübarizəyə olan inamını itirmədən bir millətlər zindanı olan İranda böyük
inqilablar və xalq hərəkətlərini başlatmışdır ancaq hər səfərində keçmişdən
daha bətər, sistemdən uzaqlaşdırılıb qurulan yeni hakimiyyət ,Güney Azərbaycan
olan yurdumun torpaqlarını , İran adlanan ölkənin içərisində parçalayıb
oralarda Azərbaycan adı və kimliyinin silinməsi doğrultusunda ciddi addımlar
atmışdır. Bu nədənlə sizin də Güney Azərbaycan olaraq qeyd etdiyiniz Batı
Azərbaycan və Doğu Azərbaycan əyalətləri , İran əsarəti altında inləyən Güney
Azərbaycan Torpaqlarının sadəcə üçdə bir hissəsini qapsadığını bəyan etmək
istəyirəm.
Hörmətli konqressmen , bu məktub vəsiləsiylə sizi
və məfkürəsində demokrasiya qavramını daşıyan digər əməkdaşlarınızı, əziz
millətimin bir səsi olaraq Güney Azərbaycanımın sahib olduğu milli və insancıl
dəyərləri uğrunda apardığı qızğın və alovlu istiqlal mübarizəsinin səsini
ölkənizdə duyurduğunuz və müdafiə etdiyinizdən ötürü , alğışlayıb təşəkkürlərimi
sunaraq Birləşmiş Ştatlar və qurulacaq olan Bütöv Azərbaycan xalqlarının sonsuz
barış və dostluq içərisində yaşamasını ümid edirəm.
Güney Azərbaycanlı yazar və Güney Azərbaycan Milli
Hərəkətinin Aktivisti
Mahboub AMRAHY(Alpay)
21 Sentyabr 2012
ANKARA
