تک توران : یئنه ده فارس
شؤونیزمی و چیخارلاری کسینلیکله سیزده خبرلری سیر ائتدیگیزده اویوشدوروجو ایله
ایلگیده چوخ خبرلر ائشیدیبسیز، و سون زامانلار مسئولاردان چوخو بو قونونون توپلوما
بؤیوک بیر تهدید اولدوغونو آچیقلاییب لار، یا بعضی سی کیفری جمعیتین یارییا
یاخینینین اویوشدوروجو و یا اونون سببی ایله اوز وئرن جورملردن اولوشماسیندان خبر
وئریرلر.
(من بو خبریقیساجا دوزلتمه لیم کی بلکه یاریدان آرتیغینی سادجه
اویوشدوروجو جورملری و بیرده اونون سببی ایله اوز وئرن جورملری آرتدیرساق، راحاتجا
دئمک اولار. یو آمار کیفری جمعییتینین دؤرتده اوچودور) ایندی اؤزوزدن بیر نئچه
سورو سورون، ندن اویوشدوروجو بو قدر یول تاپیلیر؟ گئجلریمیز ندن اونا دوغرو
گئدیرلر؟ باشقا میللتلرله موقاییسه ده ندن میللتیمیز بو قدر راحاتجاسینا اونا
دوغرو گئدیر؟ میللتیمیز اولان ضررلری نلردیلر؟
نئچه ایل اؤنجه
یه قاییذارساق اویوشدوروجو جونون سادجه تیریک وحشیش دن عبارت اولدوغونو راحاتجا
آنلایا بیلریر. بو اویوشدوروجو جولارایستی یئرلرده او جومله دن فارس جوغرافییا و
غرب جوغرافییاسیندا عمومییتله راییج دیر، بئلئیکی قوناقلیق لاردا،توی
لاردا،شنلیکرده اورتا گلیب ایشلنیر. بونلارین یانیندا داوا(هئرویین) دا چوخ آز
اینسانلار آراسیندا ایشلنیردی. بو اویوشدوروجو تیریک دن آلینان مرفین دن عمله گلر.
بو نوع اویوشدوروجونون ایتیسحمالی باخیمدان، دونیا اوزرینده تانینمیش مرکزی
واردیرکی بو مرکزلرده بعضی ایشلملرله مرفین دن داوا عمله گلر و نه یازیقکی بو
مرکزلردن ایکینجی روتبه نی آلان بیزیم <<اورمو>> شهریمیزدیر. بو شهرین
یاخین کندلریندن نئچه سی، او جومله دن<<گچین>> کندی بو اویوشدوروجونون
مرکزی اولاراق تانینیر. بو دوروما گؤره طبیعی دیرکی بو اویوشدوروجو آذربایجان
جوغرافییاسیندا آرتیقراق ایشلنیلسین. آما سؤز بوردادیر کی بو اویوشدوروجو چوخ آز
اینسانلار آراسیندا ایشلنیر. بونا گؤره نه قدر ضررلی و گوجلو اولدوغونو یاخشی
بیلیرلر و اوندان دولایی اونو ایشلتمکدن قورخاللار.
نئچه ایل
سونرا(1385 دن باشلایاراق) یئنی عرصییه گلمیش اویوشدوروجو نوعلارینین یولو ایرانا
اؤزللیکله آذربایجان جوغرافییاسینا آچیلدی.بو اویوشدوروجولار او جومله دن
کراک(کریستال) و شوشه هرسی بیر نئچه دیلینین و ماهنالارینان جامیعه ده اؤزللیکله
گئجلرین آراسیندا یاییلمایا باشلاندی. اؤنجه کراک گلدی بو دیلینن کی قوللانماسی
راحاتدیر و نئچه ساهات منقل، بافیر باشیندا اوتورماق لازیم دئییل و ائتگی سی
اوبیری اویوشدوروجولاردان داها اوزون زامان قالارقی اولور. بو سؤز لرلهچوخ راحاتجا
گنجلرین و اؤنجه دن باشقا اویوشدوروجولارا آلیشقانلیق لاری اولانلارین آراسیندا
یاییلدی. دوغرو دئمیشدیلر قوللانماسی راحاتدیر اما ائتگی سی باشقا اویوشدوروجولارا
گؤره قات – قات گوجلو اما چوخ آز زامان قالارقی اولور. و آلیشقانلیق حیسسی ده چوخ
یوخاری درجه ده اولور. بئلئیکی چوخلارینابیراخیلا بیلمیه ن بیر باغیملیلیق اولور.
کراکدا سونرا شوشه گلدی و هر اینسان (ساغلام یا اویوشدوروجو آلیشقانلیغی اولان)
قادین،کیشی،اؤزللیکله گنجلرین آراسینا گیرمی راحاتجا باشاردی. بو دیلینین کی 1-
قوللانماسی راحاتدیر، هر زامان، هر یئرده، ماشیندا یورونیرک 2- آلیشقانلیغی یوخدور
3-شنلیک و انرژی وئریر4- یوخونو قاچیردیر 5- سئوگینی و محبتی آرتیریر 6- دیققتی و
تمرکوزو آرتیریر 7- جینسی رابیطه لری چوخ خوش و اوزون سوردورور 8-یوتالاری
آدیخلادیر و دوزگون انداما صاحیب ائدیر. دوغرو دئمیشلر قوللانماسی چوخ راحاتدیر
آما چوخ یوخاری درجه ده باغیملیلیغی وار.یوخونو قاچیرندیغی ایچین ذئکا(هوش) نی یوخ
ائتدیگی ایچین و چوخ دانیشماغا سبب اولدوغو ایچین هر سؤزون و سیررین دیله گلمسینه
سبب اولور و اوندان دولایی قوللانانلار بئله دوشونورلرکی اونلارین شنلیگینی و
انرژی سیمی آرتیریب ، هر سؤزون و سیررین دیله گلمه سیندن دولایی بئله سانیرلارکی
اونلارین آراسیندا سئوگی و محبت آرتیب دیر. دوغرودور دیققتی و تمرکوزو آرتیریر،
یئلئیکی اللرینده کی جیب تلفونونا یا چاخماغا ساهاتلارجا میخلانیب، قوتدالاییب
خارابلاییرلار و سونرا دوزلتمه یه چالیشیرلار و سونرا سین دا سیز دوشونون! دوغرو
دور جینسی رابیطه یه تمایولو آرتیریر و اوزون سوردورور، بئلیکی ثوللانانلارا چوخ
قادینلاری و قیزلاری راحاتسیز ائدیب یا زورلا اونلارا ال اوزالداللار کی سونوندا
جامیعه ده فیسادین آرتماسینا سبب اولور. دوغرودور آریخلادیر آما چوخ آریخلادیر
بئلئیکی یوخوسوز ساخلایاراق، یئمک مئیلینین آرادان آپاراق آریخلاماغا سبب اولور.
اما قوللانانلار آلیشقانلیغینی بیراخا بیلمه ییب چوخ آریخلاییرلار! نه چوخ قیزلار
و قادین لار کی آریخلاماق ایسته ییرن دولایی بو آلیشقانلیغین تورونا دوشوبلر. بو
آلیشقانلیغین تورونا دوشنلر آز زامان سونرا مونزوی اولمایا باشلارلار. توهوما
گئدیب باشقا اسم لرده یاشایارلار. یان یؤره لرینده اولان اشیالارین جانلی
اولدوغونو و اونلارلا دانیشدیغینی سانارلار. جین لرله دانیشدیقلارینی سانارلار.
کیچیک اینسانلارین اولدوغونونا و اونلارلا دوستلوغونا اینانارلار. کیمسه یه
گوونمزلر و هرکسه فلنین اولارلار حتی اؤز عاییله لرینه. ذئکانین الدن گئتمه سیندن
دولایی اؤزلرینن حاق و چوخ بیلمین سانارلار و اونون ایچین کیمسه نین سؤزونه
اینانمازلار و گوونمزلر و...
بو اویوشدوروجو
چوخلو ماده لر و اسیدلردن عمله گلیر و اونون ایچین توسدوسوده اسید کیمی دیر.
بئلئیکی قوللانلار توسدونوسورجاق ائشیه پوخاللار. آما یئنه ده توسدو ایشین گؤره ر
و دیشلری چورودوب آرادان آپارار. گئت گئده بئلیینین سلول لارینی و قانین آغ گولبول
لارینی اؤلدوروب اینسانی گئری ذئکالی و بدنین یارا دؤکمه سینه و یارالارین گئج
توخداماسینا و یا توخداماماسینا و میکروب قاپماسینا سبب اولارلار. بو
اویوشدوروجونون دونیا اوزرینده یئنی عرصییه گلدی زامان ایستیحمال مرکزی
<<مالزیا>> اؤلکه سیدی. آما فارس شوونیزمینین میندا سیاستلری نتیجه
سینده بو اویوشدوروجو راحاتجا آذربایجان جوغرافیاسینا یول تاپدی و نئچه ایلدن
سونرا بو اویوشدوروجونون لابراتوارلاری بورادا ایشه باشلادی و او قدربوللاشدی کی
چوخلو اؤلکه لره اؤزللیکله مالزییا یادا صادیر اولور.
بیزیم جامیعه ده
چوخلو محدودیت لرین اولماسیندان و بعضی یانلیش . میندا سیاست لرین یورودولدویوندن
دولایی بو اویوشودوروجولار راحاتجا اینسانلارین آراسینا یول تاپیر و قوللانیر.
شنلیک و شنلیک عامیل لرینین اولماماسیندان و اویوشدوروجونون بول اولماسیندان
دولایی چوخلاری اؤزللیکله گنجلر، دردلرینه و روحی سینیخلارینا تسکین اولسون دئیه
بو اؤلومجون آلیشقانلیقلارا اوز گتیریرلر. اؤرنین الکل لو ایچگی لرین
یاساقلانماسیندان، تفریحی مکانلارین آزلیغیندان، قیز و اوغلان یولداشلیغینین
یاساقلانماسیندان، ایمان مکانلارینین آزلیغیندان، ایدمانا و ایدمانچیلارا ده یر
وئرممکدن ، درس اوخوماغا و ساوادلانماغا ده یر وئرممکدن، ایشسیزلیکدن، و داها
باشقا چوخ شئیلر ال اله وئره رک میللتیمیز کؤکدن ضربه وورورلار و بو
آلیشقانلیقلارا گرکن ایستیعدادی یارالدیرلار. آذربایجان جوغرافیاسیندا اویوشدوروجو
باغیملیغی اولان اینسانلارین سایی سی اوقدر آرتیب دیرکی اورتاق اولاراق آز قالسین
هر ائودن بی ایکی اویوشدوروجو باغلیمیغی اولان چیخیر و عاییله لر چئینلیکلر
یاراداق عاییله لری داغیدیر. اؤرنیین بونو قبول ائتملییک کی هئش بیر قادین
اویوشدوروجو باغیملیغی اولان آدی ایله اولماق و یاشاماق ایسته مز. نه چوخ
ائولیلیکلرکی بوشانماغا چاتدی و نه چوخ قادینلار کی یولدان اولدولار. وم نه چوخ
اوشاقلار کی صاحابسیز قالیب یانلیش یوللارا چکیلدیلر.گنجلریمیز گؤزوموزون اؤنونده
الدن گئدیرلر، عاییله لر داغیلیرلار، فیساد و فحشا و لواط آرتیر، اؤزل خسته لیکلر
آرتیر،اوشاقلاریمیز صاحابسیز قالیر،جوره به جوره جوملر عرصییه گلیر و
دوستاقلاریمیز دولورو...
بو
گؤدوکلریز،دویدوقلاریز و بیلدیکلریز فارس شوونیزمینین یوروتدویو میندارسرکوب
سییاست لریندن بیرینین نتیجه سی دیر. بئله لیکله میللتیمیزین
ساغلاملیغینین،ساوادلانماغینین ، گلمیشمسینین سییاسی شوعورونون
آرتینماسینین،گرچکلری گؤرمسینین وایعتیراضینین اؤنو آلاراق، میللتیمیزین ایلکین و
طبیعی حاخلارین راحاتجا تاپدایا بیلیر.
فردین مرادپور
(سابوتای)تبریز دوستاقی
