تك توران : بیرینجی بولوم:
سون گون‌لرین سئویندیریجی
خبرلرین دالقاسی ،بؤیوک بیر ائتگی بوراخماقدا .ایران دؤولتینه باغلی اولان موبیل ایلتیشیم
فیرماسی یئنی بیر سیستئم و کامپانیا باشلاتمیش .بو کامپانیا دا ،ایلک دفعه اولا‌راق
ایران رئژیمی یوموشاق اوزونو و ایراندا یاشییان تورک‌لری گؤرمه‌یه باشلامیش.بو
شوپهه‌لی دورومو گؤزدن گئچیررسک بونون ندن‌لرینی آنلاماق اولار .
یاخین بیر گئچمیشه
گئری دؤنوب باخارساق ، ایرانین ندن آسی اوشاق اولدوغونو آنلاماق مومکون‌دور .
ایرانین و آمئریکانین
دؤولت ماراق‌لاری اوغروندا ،فیلیستین و ایسرایل ساواشی قورتارماق بیلمز ایکن ،ایران
دؤولتی نووه ائنئرژی‌سینه ال تاپماق اوچون ،اوراتا دوغو پروژئسی‌نین سئناریو قورال‌لارینا
قارشی چیخدی .بو قونودان راحت‌سیز اولان آبد نین درین دؤولتی بو رولو(ایرانین اسگی
تئروریستی یاردیم‌لاری) و اورتا دوغودا آت اویناتما حاقینی علین‌دن آلدی .دوغال
اولا‌راق بو میدان بوش قالماماسی گرکیر .سون زامان‌لاردا گؤردوغوموز و هر حالین‌دان
بل‌لی اولان ،تورکییه‌نین اراضی بوتؤو‌لوگو و پارچالانما تهلوکه‌سی ،تورکییه دؤولیتینی
درین‌دن دوشوندورور .بو پروبلئم‌لری یاتیش‌دیرماق اوچون ،میللتینه قارشی گوناهکار
هیسسی‌لری ایله یاشییان تورکییه اقتداری ،درین دؤولتین بیرگه قراری ایله ،رجب تیییب
اردوغانی ،دؤولتین یوموشاق و باغیشلاییجی اوزو کیمی اورتایا چیخاردیر .کورد مسئله‌سی
و تئرور اؤرگوتون حلی یولوندا ،اولوم‌لو آددیم‌لار آتماقلا یئنی بیر دؤنم باشلامیش
اولور.
90% دن چوخ سوننی مذهب‌لی موسلمان
بیر اولکه کیمی ،گئچمیش‌دکی یانلیش‌لیق‌لاری دوزلتمک اوغروندا ،میللتچی‌لیک یئرینه
،اوممتچیلیک فلسفه‌سی آنلاییشی ایله توپلومو باریشا دعوت ائتمه‌یه باشلارکن ،بینیلن
سونوچ‌لاری آز اولسادا بئله ،الده ائتدی .سوننی اوممتچیلیک آنلاییشی ،تورکییه
دؤولتینی ،اسگی عثمانلیدا اولان گوجونو ،اونا یئنی‌دن خاتیرلاددی .دولایی‌سی ایله
اورتا دوغودا یئنی‌دن دنگه قورما گوجونو اونا هیسس ائتدیردی .
باتی اولکه‌لرینه
،اؤزل‌لیکله آبد نه اوگئی اولمایان بو قونو ،یئنی عثمانلی سیستئم‌لی تورکیینی ،یئنی‌دن
وار سایماغا و بؤلگه‌نین (اورتا دوغو) بیرینجی گوج‌لو آلتئرناتیو کیمی ،ایرانی بیر
کئنارا قویماقلا ،دونیایا تقدیم ائدیرلر .تورکییه‌نین،فیلیستینه گؤندردیگی یاردیم
گمی‌سی و آردین‌دان، ایسرایلین او گمییه سلاح‌لی سال‌دیری‌سی ،بو اولان‌لارا دستک
قولو آتدی
.
مصر دان سونرا
،صورتله دییشیم‌لر و آردیجا سورییه‌نین ایچ ساواشی ،تورکییه‌نین رولونو و ایستابیللیغینی
و ایرانین دئاجتیو اولماسی ،بوتون دونیا کومو اویوندا ،فرق‌لی یوروم‌لار و باخیش
آچی‌لاری یاراتدی .اینزیوایا چکیلن ایران دؤولتی ،گون گئچدیکجه ،داها قوروما‌سیز و
اسبی دورام گلیر ،تبی ائکونیمیک باسقی‌لار ،تهریم‌لر و دونیا تیجاری ساحه‌لرینده
اونا بلوکا قویولماسیدا اثرسیز ساییلماز .
قیسساجاسی ،بو
معاصر گئچمیشه باخاندا ،باشقا اولای‌لارادا تانیق اولا بیلریک ، او جمله‌دن ،ایرانین
موناسیبت‌لری ،تورکییه،آذربایجان و سورییه ده اولان ایلیشگی‌لر ،هم میللت و همده
دؤولت یانیندا اعتبارسیز و گوون‌سیز بیر حاله دؤنوشور.
ایران دؤولتی ،
داهادا سالدیرقان و چاره‌سیز دوروما گله‌رک ،زامان زامان آذربایجان و تورکییه ایله
کونفیلیکت‌لی موباهیسه‌لره و موزاکیره‌لره ال آتیر و هابئله اورتا‌لیقدا قارغاشا چیخارتماغا
ندن اولور
.
گونوموزه گلدیکجه
،آمئریکانین علی ایله قلمی سینان ایران ،ایچ موخالیف‌لر و قارشی چیخما‌لارا داها
دا آغیر وضعیتده تانیق اولور ،هابئله دونیا طرفین‌دن اویغولانان ائکونومیک تهریم‌لر
،قیمت‌لرین یوکسلمه‌سینه و باهالیغا ندن اولور و اورداکی اینسان‌لارین آیاقلانماسینا
قوت وئریر.
ایران دؤولتی ،دئموکرات
اولمادیغی کیمی ،عینی حالدا فاشیست و ایرقچی بیر سیستئمه‌ده صاحب‌دیر .اینسان‌لارین
دوغال ایستک‌لرینی قارشی‌لییا بیلمه‌ین ایران حکومتی ،ایکی فرق‌لی طرف‌دن باسقی
آلتیندا قالسادا ،موللا‌لارین چؤزوملمه‌لری ایله حالن آیقدا دورماغی باشارا بیلمیش‌دیر .
میللی و اولوسال
ایستک‌لر ،ایرانا ان بؤیوک تئهلوکه‌لردن بیری‌سی ساییلیر .بو اولکه‌ده ،قئیری فارس
میللت‌لر آنلاییشی دیه بیر شئی یوخ‌دور .تورک ،عرب ،کورد و هابئله بلوچ‌لار ،جدی
اعتراضلار ائتمکده‌دیرلر و بو ائتیرزاجی میللت‌لرین ایچینده ،سای و یارادا بیلجغی
تهلوکه باخیمین‌دان ،تورک‌لر داها دا چوخ اؤنم‌لی رول داشیماقدا‌دیرلار .
ایراندا 30 میلیون‌دان
چوخ آذربایجان تورکو یاشیییر و بیلدیغینیز کیمی فارس دیلین‌دن باشقا ،نه رسمی بیر
دیل وار و نده کی تسیل آلینا‌جاق باشقا بیر دیل و اگر بو قونویا منتیقسل یاناشساق
،یا تورک دیلی رسمی اولما‌لی‌دیر ،یادا کی اونون تحصیل و تدریس اولونماسینا ایزین
وئریلمه‌لی‌دیر .تبی کی دیل مسئله‌سی‌نین یانیندا ،تاریخ و کولتورون ده یایقین
اولماسینا خور باخیلماما‌لی و گونوموزده اوتانج قایناغی یوخ ،بلکی رئکلام اولما‌لی‌دیر.
هر زامان کی کیمی
ایران دؤولتی ،سون چاره اولا‌راق ،بعضی دویقوسال و کوتله‌نین روهیاتینا اویغون و
تئزلیکله منیمسنیلن تشبوس‌لارا ال آتیر .بو ایشلردن بیری‌سی کی چوخ‌لو ماراق
قازانمیش‌دیر ،موبیل سئرویسلئری ایله دیل اؤیرتیم مسئله‌سی‌دیر .بو شوپهه‌لی و
آلداتماجا‌لی دوروم ،چوخ سینسی‌لیک و اینجه‌لیکله ایشلنیلمیش و میللته سونولموش ،
حتی ایناندیریجی و اونو صرف تورک میللتینی دوشوندوغون‌دن دولایی گؤرونسون دیه
،فورمال و یالانجی اویون‌لار اوینانیلماقدا و چوخو زاماندا باشارلی اولورلار ،یانی
اینسان‌لاری راحتجا آلداتیب و اؤز چیرکین اویون‌لارینا آلت ائدیرلر.
بو قونو یانلیز اینسان‌لاری
آلداتیب و اؤز اؤمرونو اوزالتماکلا بیتمیر ،دئمک اولار کی بو اویون داها یئنی
باشلامیش و چوخ‌لو درین و جدی موباهیسه‌لره ندن اولا‌جاق‌دیر .ایران اولکه‌سینده
چوخ فرق‌لی دوشونن دؤولت موخالیف‌لری و هابئله باغیم‌سیزلیق ایسته‌ین‌لر وار .تبی
کی بون‌لارین هامی‌سی،بو قونویا عینی یولو سئچمیرلر و فرق‌لی یول‌لار و ایستراتئژی‌لر
ایله یاناشیرلار ،او جمله‌دن عرب‌لر ،کوردلر و تورک‌لر ی دئمک اولار .آدینی چکدیگیم
بو میللت‌لر ،ایرانچی ،فئدئرالچی و ایستیقلالچی دوشونجه‌لی سیاسی تشکیلات‌لارا صاحب‌دیرلر .
ایران دؤولتینه
گؤره ،جدی تهلوکه و اؤنم داشییان میللت‌لردن بیری‌سی ،آذربایجان تورک میللتی‌دیر کی
هر زامان بونو اثبات ائتمیش‌لر و بونا یاشیل حرکاتیندا تانیق اولدوق ،یانی اگر
آذربایجان اولوسو آیاقلانماغا گؤنول‌لو اولمازسا و دیگر اوپوزیسیون‌لارا دستک
اولمازسا ،جدی بیر ترپنیش اولمایا‌جاق‌دیر .آما بو سفر ،فرق‌لی بیر دوروم وار و
بونو ایران دؤولتیده بیلیر کی ایپین اینجلدیغی نوقته‌یه یئتیشمیش .
گونئی آذربایجاندا
دا ،فرق‌لی دوشونن‌لر وار کی آذربایجان و تورکلوک منفته‌لری اوغروندا ،دییشیک چیخیش
یول‌لارینی اورتایا قویورلار و البته کی ایرانین فاشیستی سیاستی‌نین آلتیندا آسئمیلئ
اولان‌لار،سای باخیمین‌دان ان بؤیوک بؤلومونو اؤزونه آییرتمیش و ایرانچی آنلاییشینی
داشیماقدا‌دیرلار
.
یازار، آیدین تقی
اوغلو
رئداکت، بابک
سلطانی
