تك توران : تیراختور بیر حقیقتین سسی دیر; کی بولاغ کیمین آخیب و وقاباغیندا اؤلان مانع لری بیر بیر آتیب و اؤز یولونو بؤلماخدادیر. چوخلاری بو حقیقتین قاباغیندا دایانماغ و اؤنا داش آتماغ ایستییب لر اما تیراختورون سئچتیی هدفینین بویوکلوغونون قاباغیندا هله ده دایانا بیلمییب لر.اما اونلارین بو حقیقتین قاباغیندا دایانابیلمدیخلاری; چالیشمادیخلاری آنلامینا گلمز!
تیراختورچولارینین
بیرینجی لیگ ده ن یانیندا اولانلارن هامیسی بیلیر لر کی بیزی هدفیمیزه چاتدیران و
ایرلی آپاران تکجه, ایتحادیمیز و آذربایجانیمیزی سئومک ایدی و تیراختورون
قاباغیندا دایانماق ایستیینلر بیزیم الیمیزدهن تکجه بونلار آلماخ ایستییردیلر.اما
باشارا بیلمدیلر و بو ایتحادیمیز بیزی برتر لیگه یئتیردی.
بیزیم
ایتحادیمیزی الیمیزده ن آلماغین تکجه یولو بیزیم آرامیزا ایکی دسته لیخ سالماخ و
هدفیمیزدهن جایدیرماغدیر کی بیزده ن سونرا هئچ کیمسه الیمیزده ن آلا بیلمز و
تیراختورو سئومین اینسانلاردا بونو بیلرک اؤز ایچریمیزده ن بیزیم بیرلیقیمیزی و هدف ایمیزی الیمیزده ن آلماغا چالیشمایا
باشلییب لر.
تیراختورچیلارین
هدفی بیرینجی لیگ ده اولاندا نمنه ایدی ؟اینیدی هدف ایمیز نمنه دیر؟
بیرینجی لیگ ده
تیراختورچولارین ان بویوک هدفی تراختورو آذربایجانا گؤره سئوماخ و اونا اولان سئوگیلرینی
سسلدیقیلاری تورکجه شعارلارینان گؤسترملری ایدی.
اما تاسف له 8
ایل هدفمیزین قاباغیندا دایانان و تیراختورو اؤزلرینه دؤشمان بیلن اینسانلار ایندی
تیراختور هواداری لباسی آلتیندا تیراختورو آذربایجانا گؤره سئومک یؤخ
,بیرینجی اولماغ ایچین تیراختورچو الدوخلارینی
یایماخدادیلار و نه یازیخ کی بیر تعداد هوادارلاریمیزدا تیراختورچولوخلارینین هدف
لرینی صیرف قهرمان اؤلماق ایچین قوربان وئرماخ ایستییب و بولارین سیرالارینا
قوشولوبلار.
تیراختورون
قهرمان اولماغی و ایرلیه گئتماغی هر بیر تیراختورچونون بویوک آرزوسودور اما
بوقهرمانلیلاری ; هدف لریمیزی قربان وئرماغینان الده ائتمسی دؤشمانلاریمیزین ان
بویوک آرزوسودور.
بیرینجی
لیک(قهرمانلیق) ,آذربایجانی سئومک و
اونونان پارالئل اولاراخ الیه بیلر کی بیزی بو بویوک تهلوکه ده ن قؤروسون و بیر
یئره توپلاسین ;و بولارین هر بیرینین تکجه قاباغا گئتدیقی زامان بیزی یؤخ
دوشمانلاریمیزی ایستدیخلارینا چاتدیراجاخ.
بیرینجی لیگده
هوادارلارین بیر بیرینین اؤزونه باخماسینین نه دنی یاشاسین آذربایجان شعارینی
سسلندیرمک ایدی, اما ایندی بیر سیرا اینسانلارین نظرینده منیم تؤرکجه سسلندیقیم
شعارلار و مارشلار تیراختورون قهرمانلق یولوندا اؤلان بویک انگلدیر(مانع دیر).
گلاخ و تراختور
قهرمانلیقلار الده ائلدی(هدفیمیزه گؤز یومماغینان) آیا بو قهرمانلقلارین اؤدولو
بیزه اورمو گؤلون دولدورماق و اونون جانینی قوتارماخ اولاجاخ؟و ایر اؤنون اؤدولو (جایزه
سی)اؤ دییرسه پس دریاچه قوریانان سورا بیز
هاردا گئدیب و قهرمانلیقیمیزی قئد الیجاغوق!؟دؤغورداندا بیزیم هدفیمیز تیراختورو
حیمایت الماغ بو شکیلده قهرمانلیقلاری الده ائلماخدیر ؟
آیا بیز ایستروخ اوشاخلارمیزی ایستادیوما
آپاراندا الیمیزده ن آلینمیش مدنیتیمیزی
اؤیرنسین یا منیم مدنیتیمی و دیلیمی الیمنن آلان میلتین مدنیتینی اؤیرنسین؟
اوشاخلاریمیزین یاشاسین آذربایجان صداسینی سسلندیرمسی بیزه یاخجی دیریا دا کی
اوتوزانان سورا صیرف قهرمانلیقین سونوجو اولان آذربایجانا یاراشمیان شعارلاردیر؟
منجه بیزی بیزه قایتاران
تکجه بیر شی واردیر .بیرینجی, لیگی(دسته بیر) یادیمیزا سالماخ واونونان قازانیلمیش
اؤغورلاری ایندی کی قازاندیقیمیز اؤغورلارینان توتوشدورماخدیر.
بیزلر درس آلماغی
اویرنمیش بیر اینسانلاریق و بونو اثباتلاماق اؤچون هدف لریمیزی بیر داها گؤزده
گچیرممیزده فایدا وار
بونا گؤره بو
باره ده گئرک تیراختور سایت و بلاگلاریندا داها دا آرتخ یئر وئریله تا بیزی
هدفیمیزده ن جایدیرماغینان المیزه بیر پوله جه (بادکنک) وریب سورا ساقالیمیزا
گؤلمسینلر.
یاشاسین
تیراختور-یاشاسین اورمو گؤلو-یاشاسین آذربایجان
http://azarpaniz.blogfa.com
