بوتون دوستاقدا اولان میللی چالیشقانلارا ایتحاف- قارتال تورک اوغلو

تك توران : یانیزا گلمک ایسته ییرم

بورادا هاوا بوغور بیله می، یوخو گوزومده ن قاچیر، آغری اوره گیمی بورویوب، ساواشان اللریم سویوقدان بوز باغلاییب، آخی سیزی اوز یانیمدا گوره نمیره م.

یانیزا گلمک ایسته ییرم، ائشیگه چیخارکن ساختاکار اینسانلاری گوروره م، یالانچی و بوش بوش دانیشانلاری، اوزومو یا گرک اونلارا قاتام یا گره ک یانیزا گلم. اوزموده ن یوخ، آیاق قویدوغوم توپراقدان، دانیشدیغیم دیلده ن، اوخودوغوم یازیلاردان، ائشیددیگیم اولو سوزلرده ن، فخر ائتدیگیم کئچمیشیمده ن اوتانیرام. نئجه سسله ییم، نئجه باش اوجالدیم و نئجه دیله گتیریم کی من" آتا بابکین، آنا تومروسون سویوندانام" نئجه دئییم کی من ستارخانین یاشادیغی توپراقدا دوغولوب بوی آتمیشام، اوندا کی یولداشلاریم دوستاقلارا گون کئچریدیر و من هله اویونجاقلاریمی آختاریرام، هله گیزلن پالانج اویناییرام.

یانیزا گلمک ایسته ییرم، ایزین وئر بیر اومود سوزو دانیشیم، آماندی داریخمایین سیزین فیکیرینیزی داشییانلار سیزه گوره هر گون چابالاییرلار و منده اونلاردان بیری!! هر گون توپلاشیب و سیزین آزادلیغیزی هارایلاییریق!! آمما بیر آز گیزلیجه!!!!

سیزین اوردا قالماغیزین نده نی بیزیک، بیز یاتارکن سیزده اوردا قالمالیسیز و هله ده کی وار بیزیم یوخوموز گلیر.

هاوا توتقون، آغیر یئل اسیر، دوزلا دولو، اورمودا جانا گلدی، بیزده ن ال اوزوب گویده کی بولودلارا گوز تیکیب، اوندان داها چوخ اوتانیرام، اودا دوستاقدا، اونادا سو چاتمیر، اودا یاردیم ایسته ییر آمما کیمسه دویمور.

منی ده یانیزا آلین، یانیزا گلمک ایسته ییرم.