تك توران : کیریم تاتارلاری کراسنیی رای دیرنیشی‌نین ۲۰.جی ایلینده، آنا وطن مباریزه‌سی اوغرونا یاشادیق‌لاری اولایلاری آنماق اوچون "دمیرچی داغی"نا دیرمانیش دوزنله‌دی.
۱۹٤٤.جو ایلده کیریم
تاتارلاری‌نین اؤزبکیستان و سووئتلر بیرلیگینین باشقا بؤلگه‌لرینه سورگون ائدیلمه‌سی‌نین
آردین‌دان، آناوطنه دؤنوش‌لری چتین بیر مباریزه دؤنمینی اؤزو ایله گتیردی. کیریم
تاتارلاری آناوطن‌لرینده یئرلشمک اوچون آلوشتا بؤلگه‌سین‌دکی کراسنیی رایدا
تورپاق طلب ائتدی. بورادا قوردوق‌لاری گئچیجی قونود‌لار و چادیرلار، ۷ جولای ۱۹۹۲.جی
ایلده گوونلیک گوج‌لری‌نین دوزنله‌دیگی عملیاتلا ییخیلدی. گوونلیک گوج‌لری ایله چیخان
چاتیشمادا ۲۸ کیریم تاتاری توتوقلاندی، دؤردو دا آغیر یارالاندی.
کیریم تاتارلاری
بو گلیشمه‌یه سرت تپکی وئردی. کیریم پارلمانی اؤنونده توپلاشدی‌لار، سویداش‌لاری‌نین
سربست بوراخیلماسینی ایسته‌دی‌لر. کیریم تاتارلاری‌نین پارلمان بیناسینا گیرمک ایستمه‌سی
اوزرینه پلیسله چاتیشما یاشاندی و چوخ ساییدا انسان یارالاندی. اولایلار سونوجو توتوقلانان
کیریم تاتارلاری سربست بوراخیلدی آنجاق کراسنیی رایا یئرلشیلمه‌سینه ایجازه وئریلمه‌دی.
کیریم تاتارلاری‌نین ۱۹۹۲.جی ایلده یاشانان‌لاری آنماق اوچون آلوشتا بؤلگه‌سینده بیر
آرایا گلدی. آنما ائتکینلیگینده مین ۲۳۹ ارتفاعلی دمیرچی داغینا دیرمانیش دوزنله‌ندی.
داغین ذیروه‌سینه کیریم تاتار بایراغی دیکیلدی و دعا‌لار ائدیلدی.
تي آر تي
