تک توران : سورگونده گونئي آذربايجان (ايران) قلم انجومني
روزبه سعادتي
آذربايجان اولوسال ساواشينين ائيلمچيسي، شاعير، بلوقچو، آذربايجان ديلي و
تاريخينين اؤيرتمه‌ني، ميانا شهرينين آزاد بيلييوردوندا برق و ائلئکترونيک
اوخوموشدور، داها سونرا تبريز شهرينين بيلي يوردوندا ايقتيصاديات فاکولته‌سينين
اؤيرنجيسي اولموشدور.
مييانادا
دوغولموش ميللي فعال روزبئه سعادتي، 1390.جي ايلين بهمن آيينين دؤردونده تهلوکه‌سيزليک
اورقانلارينين الييله دوغولدوغو شهرده ياخالانميشدير. رسمي اولامايان خبرلره گؤره
ميللي فعال روزبه سعادتي تبريزين ايطيلاعاتينا گؤندريليبدير. او داها اؤنجه ده بير
نئچه يول آيري آيري بهانه‌لرله ياخالانميش و سورغولانميشدير.
ايسفند آيينين
17.سي 1389.جو ايل، دونيا قادينلار گونو اولاراق، سايين سعيد متينپورون حیات
یولداشی اولان سئوگيلي عطيه خانيم طاهيرينين آغيرلاما تؤره‌نينده 14 باشقا ميللي
فعاللا بيرليکده ميانا – زنگان يولو اوستونده اولان گلوقاه پوليس بؤلمه‌سينده
ياخالانميش، سورغولاناراق ايچري آلينميشدير.
ايران ايسلام
رئسپوبليکاسينين ايطیلاعات اورقانلاري روزبه سعادتينين آتا آناسيني دا دينج
بوراخماميشدير. بير نئچه يول ائولرينه تئلفون آچاراق اونو ياخالاياجاقلاري
قورخوسويلا حدله‌ميشلر.
روزبه سعادتي بير
اولوسال ائيلمچي اولماقلا بيرليکده، تبريز بيلييوردونون آذربايجان بيليمي درنگينين
چالیشقان اويه سي، اؤيرنجيلره اؤزل اولان چاغداش ايران و آذربايجان تاريخينين
آراشديرماسي کوميته‌سينين فعالی اولاراق دا تانينماقدادير. اونون بير چوخ علمي
آراشدیرما مقاله‌لري اؤيرنجيلرين و يئرلي درگيلرين بزگي اولموشدور. روزبه
سعادتينين اؤزل بلوقونون دا آشاغيداکي آدرئسده ايزله‌يه بيلرسينيز:
http://ruzbeh-s.blogfa.com/
سون اولاراق
سايين روزبه سعادتينين معده ناراحاتليقلاريني بيلديره‌رک اونون اوزون سوره
دوکتورلاردان اوزاق توتولماسي اونون ساغلامليغينا چوخ پيس ائتگيلري اولاجاغيني دا
وورغولاييريق.
بيز، سورگونده
گونئي آذربايجان قلم انجومه‌ني اولاراق روزبه سعادتييله بيرليکده بوتون سياسي،
مدني فعاللارين آزادليغا بوراخيلامسيني ايسته‌ييريک.
Suç
سوچلاریم
ساچلارینی دوشونور
من کپنک‌لری
اوچه بؤلور فلسفه‌می
دونیا سونوندا
یالین آیاق بیر
کیشی
مفتیل توخویور
نغمه‌لره
ومن
هر آخشام ...
اللری قانلی
ساهات سسینه
اومدوقجا
شاعیرله‌شیرم
Heyva Ağacları
بیر بئیینلیک
بئتون
تؤکورم
یالنیزلیغینا
هئیوا آغاجلاری
قاچیر
دوغولور گوزگو
کؤپه‌یی، قابیق سرگیسی
اوزاقدا کؤلگه
دوغور اینجه‌لیک
من دوشوندویومدن
داها گؤزل
آخیر ساچلارینا
ساهات سسی
و دیشدا
آغ بیرچک
بیرقادین
آغزیندا آلقیش
بوینوندا نرگیس
دؤیور تاختا
قاپیمیزی
