تك توران: ال اله وئرسئیدی گئجه اولدوزلار
قادالی قارانلیق
ایتیب باتاردی
گونش لر دوغاردی
سایسیز اوفوقدن
اوزانان ظولمتی ایشیق
اوداردی
قول قولا
وئرسئیدی زینه بولاغلار
چاغلایب سئلله
نیب دنیز اولاردی
گؤزلری یول
چکن قوراقلیقلارین
حسرتلی سینه سی
دویوب دولاردی
سس سسه وئرسئیدی
یالنیز هارایلار
داغلاری اوینادان توفان اولاردی
یاراردی سینه
سین ظالیم زندانین
زنجیرلر قریلیب قوشلار اوچاردی
ال اله قول قولا سس سسه وئرسه
تاپدانان ازیلن
سویولان ائللر
قودورقان قارانلیق
قوراقلیق قاچار
قورتولوش یازیندا آچیلار گوللر
اسماعیل جمیلی
