بو گون آذربايجانين خوجاوند رايونونون ارمنيستان سيلاحلي قوووه‌لري طرفيندن ايشغال اولونماسيندان 19 ايل اؤتور.
ساحه سي 647 145 هکتار اولان آذربايجانين خوجاوند رايونو 1992-جي ايل اوکتيابرين 2-ده ائرمني ايشغالچيلاري طرفيندن ضبط اولونوب.
خوجاوند رايونو 1991-جي ايلده داغليق قاراباغ موختار ويلايتي لغو ائديلديکدن سونرا مارتوني و هادروت رايونلارينين بازاسي اساسيندا ياراديليب. رايونون ساحه سي 1458 کيلومترکاره، اهاليسي 216 41نفردير. رايوندا بير شهر (خوجاوند شهري - رايون مرکزي)، ايکي ايري قصبه(قيرميزي بازار و هادروت)، 83 کند وار.
خوجاوندين يوزدن چوخ ساکيني وطن اوغروندا دؤيوشلرده شهيد اولوب.
آذربايجان ائکولوگييا و طبيعي ثروتلر باخانلیغینین "ايشغال اولونموش آذربايجان اراضيلرينده اطراف موحيطه و طبيعي ثروتلره داغيديجي تاثيري موعينلشديرن (ايزله‌ين) اوپئراتيو مرکزين الده ائتديگي معلوماتلارا اساسن، رايون اراضيسينده اکيليب-بئجريلن نارکوتيک واسيطه‌لر موختليف اؤلکه‌لره ساتيلير، اراضيلر مونتظم يانديريلير، فاونا و فلورا تاماميله محو ائديلير، يارارلي آغاجلار قيريلاراق ايروانا آپاريلير و ديگر اؤلکه‌لره ساتيلير.
