تك توران : مقدمه (اؤن سوز): سون ایللر و گونلرده ایران حؤکومتین سانترالیست سول، ساغ ، سلطنت طلب و ايصلاحچی قانادلاری خاریجده جیددی اولاراق آتاقا گيریب و بؤیوک بیر ائتيلاف یارتماغا چالیشیرلار. ایرانین ميللی و سیاسی پروبلئملری خوصوصن سون باهالیقلار هر آن بؤیوک ائعتيراضلاری باشلادابیلر و بیزیم خالقیمیز دا دورومدان ائتگیله نه ره ک بو آخان سئله قاریشیب و بو واسیطه ایله حاکيمیتله بیرلیکده میللی حرکتین قازانجلاری دا یوخ ائدیله بیلر. مجاهدین خلق اؤرگوتو آمئریکانین تئروریست لیسته سینده ن چیخاریلماق اوزره دیر و رضا پهلوی گئدیر ایرانین کرزاییسي اولسون . بو آشامادا میللی حرکت دایانیب دوروب و چیخمازلاردا سئیر ائدیر. جیددی تشکیلات ضعفی و یئته رینجه کاریزماتیک ومیللی مشروعیتی اولان ائلیتلریمیزین اولماماسی بیزی چتین وضعیتده قرار وئره بیلر. بو آشامادا عاجیلن ، گوروپلار ، حیزبلر ، تشکیلاتلار و مووه جه میللی چهره لریمیز یاخینلاشیب بیر جيبهه کیمی بوی گؤستریب ، گؤزله گؤرونور و ال‌له توتولور فیزیکی وارلیق گؤسته رمه لیدیرلر. آمستردام ، بروکسل و ان سون آنکارادا گئچیریله ن اوتوروملار تقویت اولوب طبیعی ايختيلافلاری نظره آلمادان یئنی ايستئراتئژیلر اوره تمه ک لازیمدیر. منجه ، توم گوروپلار گوذه شته گئتمه لیدیرلر. تخریبات و شخصیت پرستلیکلره سون وئریلیب و چوخ گئج اولمادان سیاسی وارلیغیمیزی گؤسته رمه لییک . بو یازی بئله بیر گرچه یی اورتایا قویماق اوچون حاضیرلانیب و توم میللی فعاللاردان ایسته ییرم جیددی اولاراق عملی گوروپلار تشکیل وئریب ، رقیب ، دوست ، همفیکیر و یولداش حیزبلر و گوروپلارین هم گرایی و یاخینلاشماسینا جهد گؤسترسینلر. زامانی گلیب میللتیمیزین هئچ اولماسا یوزده ییرمیسین صحنه یه گتیره بیله ک . ذاتا توم دونیادا ايثبات اولونوب بیر جمعیتین یوزده ییرمیسی صحنه یه چیخسا ایش بیته ر و موفقیت گله ر. یوخسا تاثیریمیز گله جه ییمیز ه یئته رینجه اولمایاجاق و اوغورلاریمیز محدود اولوب و یا تمامن سیلینه جکدیر. آدین گتیردییم یوزده ییرمینی فعال اتمه ک اوچون سیاسی حزب ، تشکیلات و چهره لریمیزی جیددی اولاراق بو یازینی اوخوماغا و حیاتا گچیرمه يه دعوت ائدیره م .
سؤزون اصلی :
گئچه ن ییرمی بئش
ایل بویونجا قازانیلان اوغورلار و جنوبی آزه ربایجان تورک میللتینین وارلیغینین
یئنیده ن قازانیلماسی گرچه يی هئچ کیمسیه پینهان دئییل و بو یولدا مرارت و مشقتلر
اؤز میئوه سین وئریبدیر. بوگون بؤیوک بیر کیتله خالق اولاراق یارانیب و بؤیوک
عزمیله میللی منفعتلرین اوغروندا موجاديله وئریر. کاشکی بو کیتله رحمتلیک پیشه وری
دؤنه مینده اولسایدی و او گونون مؤحتشم ائلیتیله بیرلیکده بیزی قورتارسایدی. آمما
نه یازیق بوگون تابان گوجلو آمما تاوان گوجسوزدور. تاوانی گوجله ندیرمه ک و یئنی
سیاسی کادرو یاراتماق بیر شئیدیر کي زامان ایسته ر و زامان نه یازیق بیزیم
علئیهیمیزه ایشله مه کده دیر. بوگون آزه ربایجانی بیر چوخ موهوم مسئله احاطه ائدیب
و جیددی اولاراق میللی و فیزیکی حیاتینی هده له ییر. بو چیخمازلاری تانییب و
اونلاری حل اتمه ک اوچون یئنی ايستيراتئژیلر اوره تیب و یول خریطه سی چیزمه ک
میللی حرکتین ان بؤیوک سورونودور. بو مسئله لری من حئساب ائدیره م سیرالاساق آلتدا
گله ن عینوانلار ان اهمیتلی مانشئتلری تشکیل ائده بیلر:
1. چئوره و محیط
زیست سورونلاری ، بو فاجعه لی دوروم گئچمیش ییرمی ایلین ان چتین و ان تهلوکه لی
آشاماسینا گلیب چیخمیشدیر. بونلارین باشیندا اورمو گؤلونون قوروتولماسی گئدیر.
آمما تکجه اورمو گؤلو اوسته متمرکیز اولماق حرکتیمیزین بیر چیخمازینا دؤنوشه بیلر.
بوگون آرازبار منطقه سینین مئشه لیکلری آرادان گتمه کده دیر. قیزیل اؤزن نهری آزه
ربایجانین جان داماری اولاراق صونعی صنعتی آتاقلارین آتیلماسیلا بیر زهه ر نهری
کیمین سو و توپراغیمیزی زهه رله ییر. سولانما (آبیاری ) روشلرینین ایلکه ل اولماسی
توپراق و سو منبعلریمیزی مونهديم ائدیر. هاوا کیرلیلیيی و چئوره نین یوخ اولماسی
کرجدن و تهرانین جنوبوندان توتون ماکینین ان کیچیک کندینه قده ر میللتیمیزی
اینجیتمه کده دیر و حیاتین تهدید ائدیر.
2. ایشسیزلیک و
ايقتيصادی چتینلیکلر بوتون آزه ربایجانی و آزه ربایجاندان دیده رگین دوشوب
فارسیستانا گئده نلری یاخیب یاندیریر. میللی حرکتین دیالوگوندا موهاجیرلر مسئله
سی، ایشسیزلر مسئله سی ، ایشچیلیک سورونلاری و بنزه ری چتینلیکلره وئریله ن یئر،
اؤنمسیز و کیچیک اولدوغونا گؤره بؤیوک بیر پوتانسیلی ایتییریر و اؤزونه جلب ائده
بیلمیر. میللی حرکتین گونده لیيینه و دیالوگونا بونلار گیریب و یئنی موخاطه بلر
جیددی اولاراق جلب اولونماسا اؤلکه گنه لینده آیاقلانمالار باشلادیقی زامان و
بؤیوک تبلیغات سانترال ایرانچی قووه لر طرفینده ن باشلادیقی زامان میللی حرکت اؤز
جذه به سین الده ن وئره ر و بیزه کیمسه یاناشماز.
3. نارکوتیک ،
اویوشدوروجو ، ائعتیاد و اخلاقی فيساد بوتون شهرلر و کندلریمیزده عوریان اولاراق
گؤز اؤنونده دیر. میللی حرکت هدفلری و دیالوگو ایچینده بو اؤنملی مسئله لری سرگیله
مه سی لازیمدیر. ایجتیماعی ناخوش ده ییشیملر او جومله ده ن بوشانمالار دا بو
ساییداندیر. ایندی جنوبی آزه ربایجاندا موعتاد و یا بوشانمیش و یا عایيلوی سورونو
اولمایان بیر عايیله یه راسلانماق غئیری مومکین اولماسا چوخ چتیندیر. بو مسئله لر
و اونلاری چؤزمه ک بیزیم دیالوگ و هدفلریمیزین ان اؤنملی حیصصه سین قازانمالیدیر
یوخسا بیزدن اولمایانلار بونلاری ایستیثمار ائدیب و میللی حرکت دویارسیزدیر دیيه
خالقیمیزی بیزدن اوزاقلاشدیرار.
4. قادین ،
فئمنیسم و عايیله ده یه رلری و ائشیتلیک کیشیلر و خانیملار ایچینده دونیانین ان
گؤزده مرام و هدفینه چئوریلیب و بللی اوداق و گوج مرکزلری میللی حرکتی آنتی قادین
و کیشی ارکیل اولاراق گؤسته رمه کده دیرلر. جیددی اولاراق قادین بؤلوملری توم
گوروپ و حیزبلرده یارانیب میللی حرکتین ائشیيینده قالان قیز و قادینلاریمیزی عاجیلن
موباریزه ایچینه سوخماق ان بؤیوک وظیفه میز اولمالیدیر.
5. دوغوم اورانی
و عايیله لرین اوشاق گتیرمه مه سی و یا عايیله لرین ساده جه بیر اوشاغی اولماسی
جمعیت اولاراق بیزی سیخینتیا سوخاجاقدیر. بوگون رقیب ائتنیک گوروپ ،غربی آزه
ربایجاندا هر عايیله ده بئش‌ده ن چوخ اوشاق گتیرمه کله 11 – 12 نفری عايیله لر
تشکیل وئریب منطقه نین ائتنیک تعادولون پوزماقدادیر. یاخین گله جه کده آزه
ربایجان، گنجلرده ن یوخسون بیر توپلوما چئویریله جه کدیر. بئله بیر موهوم پروبلملر
بیزیم دیالوگلاریمیزا هاردایسا هئچ یئر توتماییر.
6. کورد ايستیلاسی
توم گرچه يیله آزه ربایجاندا دوامی وار و بیز عملی اولاراق هئچ بیر اؤنله م
آلمامیشیق . املاک آژانسلاری ، حقیقی فردلر و میللتیمیز توپراقلاریمیزی رقیب
ائتنیک گوروپا ساتیر و کندلریمیز تورک توپلوموندان کورد توپلومونا گچمه کده دیر.
اوتوروب سئیر ائتمه میز یاخین گله جه کده فاجيعه لی سونوجلار دوغاجاقدیر. بو
قونودا سول فیکیرلی بیزده ن اولان ائلیت ده بو مسئله یه دسته ک وئریب و اومانیستی
، بوش شوعارلارلا میللتیمیزین گله جه يین محو ائتمه يه جیددی آددیملار آتیر. میللی
حرکت بو مسئله یه جیددی باخیب گرکه ن آددیملاری آتمالیدیر. یوخسا بؤیوک حیصصه
توپراقلاریمیزدان داها چوخ تهدید آلتینا گیره جکدیر.
7. آسیمیلاسیون و
کولتورل الیناسیون توم گوج و خیزیيلا دوام ائدیر و فارسلاشما اسکیسی کیمین
دوامدادیر. زنجان ، قزوین ، همدان ، کرج و تهران بولگه لرینده یاشایان خالقیمیز بو
جبهه نین اصیل قوربانلاریدیرلار. اوشاق باغچالاری ( مهد کودکلر) بیر بومبا کیمین
اوشاقلاریمیزین بئینین محو ائدیر . بیز جمعیت اولاراق بو ده ییشیمی منیمسه ییب و
ساکیت دورموشوق . تورک دیللی اولان اوشاقلاری فارس دیللی مهدلردن ، جیددی اولاراق
اوزاق توتمالییق و بو یولدا بؤیوک کمپینلر یارادیب خالقی و ان اؤنه ملیسی آنالاری
صحنه یه چکمه لییک .
بونلار اساسی
مسئله لریمیز اولاراق یئنی ايستراتئژیلر اویقولاماقلا میللتیمیزین داها دا چوخ
میللی حرکته داخیل اولماغین ساغلایار، عکسی حالدا بو پروبلئملر بیزیم طرفیمیزده ن
چؤزولوب صاحاب چیخمادیغیمیز حالدا میللتیمیزی، میللی حرکتده ن اوزاقلاشدیریب ،
سانترال ، مرکز چی و فارس کؤکه نلی رقیب جریانلارا تقدیم ائده ر. اونلار بو
پروبلئملرین حللینی وعد ائدیب حرکتیمیزی آریخلادیب صاحاب چیخارلار و یا ظاهیرده
آزه ربایجانلی اولان آمما میللی روح داشیمایان میللت وکیللری ، ناظیرلر و سیلاحلی
قووت قوموتانلاری طرفینده ن موصاديره اولوب یالاندان چیخیش و تبلیغاتلارلا منیمسه
نیب میللی حرکتین کونترلوندان خاریج ائیله ییب و دوغرو اولمایان جهتلره یؤنلندیر ه
رلر. بیزیم چوخ آغیرتاریخی تجروبه لریمیز بو زمینه ده وار و اونلاری بیر داها
تیکرار ائتسه ک داها آیاق اوسته قالمامیز مومکین اولمایاجاقدیر.
بو قونودا خصوصن
میللی حرکتین بونیه سینده اولان گوروپ ، تشکیلات و حیزبلرین وظیفه لری و مئدیا
بوشلولوقلاری باره ده گله ن یازیلاردا ایضاحات وئریله جه کدیر.
میللی حرکت،
چیخمازلار و یئنی ايستراتئژیلریمیز (ایکینجی بؤلوم)
مئدیا قو رولوشلاری و مئدیا بوشلوق لاریمیز :
اساسیندا میللی
حرکت سانال و مجازی دونیادا دونیا اوزه رینده باشچیلیق ائدن بیر حرکت دیر. هئچ
اولماسا ایران آدلانان اولکه گنه لینده بو
قونودا اونملی باشاریلار گوزلر اونونه سرگیله نمیشدیر .2006 خورداد قیامیندا ، وطنداش (شهروند )خبرنگار دیه بیر قاورام چوخ
اونملی بیچیمده نوماییشه قویولدو و بیر حالدا کی توم دونیا و فارس کوکنلی مئدیا
قوروم و قورولوش لارآزه ربایجان میللی حرکتین بایکوت اتمیشدیلر ائلیه بیلدی
یوزلرجه فوتوگراف و اون لارجا فیلم یورویوش لر و
نمایش لردن
دونیانین گوزو اونونه سرگیله سین . بو گون
بونلارا رغمن ،حالا یئته رینجه گوجلو گورسه ل مئدیایا صاحیب دییلیق . گوناذ
تلوزیونو بو قونودا تکجه قورولوش دور. یقین یئنی رادیو و تلوزیون لارین قورولماسی
فایدالی اولاجاق و اگر سالیم رقابت اورتامی بو قورولوش لار آراسیندا ایجاد اولونسا
داها دا کیفی اولاراق حرکتیمیزین فایداسینا اولاجاقدیر. آمما نه دن بیز بیردن چوخ
گورسه ل مئدیا یارادا بیلمه میشیق و یارادیلان تلوزیون لاردا ساده جه اینترنت
اوزرینده چالیشا بیلیر لر و یوغون بیر کیتلیه تاثیر بیراخا بیلمیرلر البته مالی
قایناقلاریمیزین قیسیتلی اولماسی اولا بیلر.
هر کس بیلیر ،
سانال اولاراق اینترنت اوزرینده بیر چوخ شخصی وبلاگ ، بیرنچه خبری سیته و بلاگ ،
قورولوش لار ، تشکیلات لار و حیزب لریمیزین رسمی سیته لری وظیفه باشیندا دیلار و
خبر آلیب پایلاشماقا مشغول دولار. بو سیته لر بیرده میلتیمیزین مخصوص گونلرده بیر
آرایا توپلانیب و اعتراض اتمه لرین ساغلاییب و حاکمیتین باسقی و سرکوب سیستمینین
افشا و پاسیو اتمه سینه ده چالیشیرلارو گرچه ک دن بویوک اوغورلار قازانیب لار. بو
گون انسانی حاق لارین پوزولماسی و بو قانون سیزلیق لاری عکس اتمه ک دونیا اوزرینده
ان بویوک اونمی داشییر و بیزیم خبری و غیر خبری سانال اورگانلاریمیز بونو باشارا
بیلیب لر. لاکین (خصوصن )خبری سیته لری ایداره ائدن میللی فعال لاریمیز چوخلو چتینلیک
لردن عذاب دادیلار. تحصیل لی و حرفه ای کادر چوخ آزدیر. خبر قایناقلاری محدود و
گاهدان اعتمادا شایان دئیل لر. و ان اونملیسی مالی قایناق لارین اولماما سیدیر.
سیته لری اداره ائدن دوسلار یا ایش سیز و یا آز گلیرلی اولان اینسان لاریمیز دیلار . حتی خاریجی اولکه
لر ده مولتجی اولاراق یاشییر و درین پروبلم لرله ال به یاخادیلار. بو قوروم و
قورولوش لاردان کیمسه حمایت اتمه ییب و ان کیچیک مالی پروبلم گونلرجه بو سیته لرین
فعالیه تین اتگیلیر. حتی اینترنت باغلانتیلارینین قورولما پاراسی بو فعال لارین
ییب ایچمه یه آیریلان پارالاریندان تامین اولونور. میللی حرکت ، خصوصن حیزب و
قورولوش لاریمیز گره کیر بو قونودا یول بولوب و هر مشروع یول دان اولمالی اولسا ،
بو پروبلم لره چوزوم بولسونلار. بو چتین لیک لره رغمن گره کیر توم خبر ساحه سینده
چالیشان سیته لریمیز آلتدا گچه ن نوکته لره توجوه اتسینلر :
1. پروفشیونه ل اخلاق (اخلاق حرفه ای) قاورامین
جیددی اولاراق رعایت اتمه لییک.
2. خبر قایناقلاری ساغلام اولمالی و هر خبر خصوصن
میللی فعال لار و تشکیلات و حیزب لر رابیطه سینده دقیق و صحیح اولمالیدیر.
3. دوغرو اولمیان و یا یالان اولدوغو اثبات اولان
خبر لر در حال گوتورمه لی و تکذیبیه و یا اصلاحیه ورمه لییک.
4. خبر لر گرک صحیح ایملا و انشائیله یازیلیب نشر
اولونسون . بو قونودا بیر چوخ زامان عفو ادیلمه ز یالنیش لیق لار گورو نور.
5. خبری سیته لرین تولید اتدیگی خبرلر،
قایناقلاریلا درج اولونمالیدیر . هر تورلو ایستیفاده خبر ، فوتوراف و فیلم لردن
خبرین منبعینین درج اولونماسیلا مومکون دور یوخسا درین کدورت و سوء تفاهوم لارا
یول آچا بیلر.
6. هر تورلو تخریب و آژیتاسیونی رقیب و یا دوست
قورولوش لار ، شخصیت لر و تانینمیش اینسان لاریمیزا قارشی در حال دوردورمالییق .
راسیستی یا عیرق چی سویلم لره یر ورمک سوز قونوسو دئییل. تنقید لر ادب چرچیوسینده
چیخمامالی و تورک دیلینده یازیلمالیدیر(فارسجا یازیلان تنقید لر دوشمان قورولوشلار
طرفینده استثمار اولونور بیزی سئومیه نلره مالزمه یاراتماقی در حال دوردورمالییق ).
7. خبر سیته لری
، وظیفه دن چکیلدیک لری زامان بیان نامه و ایضاحات وریب و فعالیت دن چکیلمه
ک لری قونودا لازیم اولان ایضاحاتی ورمه لیدیلر. بو قونودا گچمیش ده بیر چوخ کز
ایضاح سیز ایش دن آیریل مالار اولوب دور. و بوجور ایریلیق لار موخاطب لرین اعتماد
و دویقولارین زده له میشدیر.
8. گاهدان گورونور سیته لر درج اتدیک لری مقاله
لر و بیان نامه لری اوخومادان و تله سیک درج ائدیب ، سونرادان قالدیرماق مجبوریه
تینده قالیرلار. بو یالنیشلیق لار خصوصن اعتراض لار زمانی ایتیفاق دوشور. گره کیر بیان نامه لر و یازیلان
یازیلار اینجه لیک له ایرده له نییب و حرکته ضرر ورمه ک ایسته یه ن مجهول قورولوش
لارین آژیتاسیون دولو یازیلاری یاییملانماسین .
9. سرورلر و هاست لارین ایران خاریجیدن انتخاب
اولماسی گره کیر و بلاگ لار قونوسون دا ،
دوغرو بودور بلاگر و بنزه ری خارجی و ساغلام هوست لار انتخاب اولونسون لار.
بلاگفا ، میهن بلاگ و بنزه ری سرورلر کسینلیک له قونالیلماسین . ایمیل لر ساغلام شیفره لر له ایستیفاده
اولونسون ، بله لیک له امنیت داها گوجلو ساغلانا بیله ر.
هر حال دا اگر
الیه بیلسه ک الیمیزده اولان ایمکان لاری داها دوغرو و صحیح مو دیریت اتسه ک
بوندان آرتیق موفقیت بیزیم اینتیظاریمیزدا اولا بیلر.
