"كيتابلاريني بوراخدين آرخانجا
، باخيشلاريني و يورغون شعيرلريني و آياق قابلاريني . آياق قابلاريني چوخ يوردون
بي ييم . بو توپراقدا چكيلن يوللاردا،سنين يورغونون. هر زامان اينسانلار يوللار
يورغونو اولار ، آنجاق بو يوللار سنه يورغونلار "
)سنسيز بو شهر اؤزونو كيمه
سئوديرسين ، داها كيم بو كوچه لرين سئوگيسينه توتولسون(
آدديم – آديم
شهرلري گزيب و بوتون شهرلر دوغمالاشدي سنه . شهرلرده سينير دوشونمه يه ره ك ديل ،تاريخ
،آيين دوشونجه و..... سينيف لارين قوراركن يئني يئتمه نسيللريميزه اؤز ميللي
وارليق لارين پايلاشيرسان .
بو پايلاشمالارا
سوچلوسان مي ؟
عوممانلار تشنه
سي اولماق ايله قارانليقلاري ايشيق ليقا قوووشدورماقيندان گئجه يه ايشيق ساچيرسان
. او ايشيغي سويچو "بولوت قاراچورلو" دئميشكن :
"دونيادا قارانليقلار اير
بيرله شه با هم
بير خيرداجا
شمعين ايشيغين سوندوره بيلمز"
سوچلوسان ؟
روزبه بي سعادتي
سوچلوسان ؛
آذرباجان چاغداش تاريخي ايله ديل اؤيرتمه ده و باشقا باخيملا دئمه ليييم بلكه جه
ده "آذربايجان تانيتيم اوجاغي"- نا يئني ده ن روح وئرركن جانلاشديرمادان
سوچلوسان مي ؟
سوچلوسان ؟
مهرداد بي كرمي
سوچلوسان ؛
ياشاميندا پروفسور «ذهتابي» نين هر بير سوزله رينه وورغوناراق اونون سؤزلريني
جارچي اينسان تك هر بير يئرده اودلو دانيشيقلار ايله ائشيدنلرين اؤز كئچميش
تاريخينه باغلاياراق گلجه يه دوغرو آديم آتماقلاريني ساغلاييرسان .
سوچلوسان ؟
محمد بي احدي
سوچلوسان ؛
اؤزون دئميشكه ن "آيين دوشونجه لر بير اولوسون معنوي گنجينه سي
ساييلير". اولوسوموزو داها ياخجي و دوز تانيماق اوچون اؤز ميللتيميزين ميفولو‍‍‍‍ژي
ايناملاريلا تانيش اولماليييق . آنجاق بو دوشونجه يه صاحيب اولماغا سوچلوسان مي ؟
سوچلوسان ؟
افشين بي شهبازي
سوچلوسان ؛
آذربايجان دا ياشايان عدالت سيز ليكلره قارشي دورماغيندا و اؤز داورانيشلارو
اورتايا چيخاتماغي بير شرفلي آذربايجان ائولادي ده ك ياشاميندا اَن گووه نه ليكلي
بير تمل سانيردين .
آنجاق :
آزادليق اوغروندا
چييين – چييينه و اوره ك – اوره يه قيزغين موحاريبه لري باشا آپاران صميمي
يولداشلار .
سئوينيره م سيزله
ره بي لريم ؛ بويوك بير بيلگي كسب ائتدييينيزي گلجك ده اينانير . گلجك بير داها
دوشونور كي بونلارين هاميسيني اونا آنا وطن ، آنا ديل وئرميشدير . سيزلرده ن وطن
سئوه رريك درسي آلماق اولار كي دوشونجه لريزده ن اوته ري تاريخ بويو ضيالي
اينسانلار ده ك دوسداقلارا معروض قالماقادا حاضيرسينيز. سيز آنا يوردوموزون
موتلولوق اوغروندا هئچ بير مادي منفعت گوزله مه ده ن خيدمت ائديرسينيز . سيز بو يولدا
اينجيمه ده ن يولونوزا داوام وئريرسينيز .
بئله دئمك اولار
" سيز گونشين شرقيده ن دوغماسيني يئنه ده گؤزله ييرسينيز . بو جهنم كيمي عذاب
لي دولانباج يوللاردا قوتسال روحوم يارديمجيمدي . ايچه ريمده يول گؤسته رير منه .
گوروره م گونشي ، گوروره م كي گونش يئنه ده شرقيده ن دوغور . گون او گون اولسون كي
گونشي قارشيلاماق اوچون صبر ايله اؤز دوغما يوردوموز ، گونئي آذربايجاندا گوروشه ك "
سسلندي وطن دوشدو
بو گون بيزلره نوبت ...
خوشدور بيزه بو
اؤلكه نين آصلاني اولماق
بيز حاضيريق
ائنديرمه ك اوچون ضربه يه – ضربه
گل قارداشيم ،
آرخام ، كومه ييم ، قهريمانيم گل
به به بئله بير
چاغريشا گئتمه ك نه گؤزه لدير
بير عسگر اولوب
مقصده يئتمه ك نه گؤزه لدير
بهزاد عبدي
