تک توران : تورکیه، آذربایجان و ایران دیش ایشلری باخانلاری، اوچ اؤلکه‌نی ایلگیلندیرن بؤلگه‌سل و بین‌الخالق قونولاری؛ آذربایجانا باغلی ناخجیوان اؤزارک جمهوریتینده مذاکیره ائتدی.
دیش ایشلری باخانی
احمد داووداوغلو، آذربایجان تورپاقلاری‌نین ایشغال‌دان آریندیریلماسی گرکدیگینی ایفاده
ائتدی. سونراکی توپلانتینین وان‌دا دوزنلنمه‌سی قرارلاشدیریلدی. اوچ اؤلکه‌نین دیش
ایشلری باخانلری تیجارت، انرژی، توریزم و نقلیات ساحه‌لرینده آنلاشما امضالادی.
احمد داووداوغلو، ۳ اؤلکه‌نین ایلیشکی‌لرینی داها دا گلیشدیرمه یولوندا اؤنم‌لی
آددیملار آتیلدیغینی سؤیله‌دی. داووداوغلو، سونراکی گؤروشمه‌نین سبتامبر یا دا
اوکتبر آییندا وان‌دا گئچیریله‌جگینی، بو گؤروشمه‌یه ایش‌آدام‌لاری‌نین دا قاتیلاجاغینی
بیلدیردی. گؤروشمه‌ده مذاکیره اولونان مؤوضولاری دا سیرالایان داووداوغلو بونلاری
سؤیله‌دی:
'ایلک آشامادا سینیر بؤلگه‌سین‌ده‌کی
علاقه‌لری سیخلاشدیرما و اقتصادی بیر رفاه آلانی اولوشتورماق .ایکینجی‌سی طبیعی کی
قافقاز بؤلگه‌سینده رفاه پروژه‌سی گلیشدیرمک بو عینی زاماندا دیگر اؤلکه‌لره
مئساژدیر. انشالله قافقازداکی سورونلار چؤزوملنیر. آذربایجان تورپاق‌لارین‌داکی ایشغال
سونا چاتار.' آذربایجانین دیش ایشلری باخانی محمدیاروو دا، گؤروشمه‌نین هر ۳ اؤلکه
اوچون چوخ فایدالی گئچدیگینی سؤیله‌دی. ایرانین دیش ایشلری باخانی علی اکبر صالحی
ده، طرف‌لر آراسین‌داکی تاریخی باغلارا دقت چکه‌رک،"بیز ۳ آیری بدن ایچینده
تک روحوق" دئدی. ۳ اؤلکه‌نین جمعیتینین توپلام ۱۷۰ میلیون ائتدیگینه دقت چکن
صالحی، "بو بیزی بؤیوک بیر بازار ائدر" دئدی. آذربایجان – تورکیه - ایران
اوچلو گؤروشمه‌لری‌نین ایلکی، ایکی ایل اونجه آوریل آییندا اورمودا دوزنلنمیشدی.
تی آر تی
