"بیز"
سورارسینیزسا بیزی
گونشله دوغولدوق، دوغالی
آلینلاریمیزدا دؤیوش دامغاسی
اوره ک لریمیزده اؤیوت آغیرلیغی
تبریز اینامیدا
اورمو گؤزه للیگینه آند ایچدیک
و قدح لر قالدیردیق
قالالار ساغلیغینا
سؤی لر بیز ایله باشلاندی
چاخیر باخیشلارا وورولدوغوموز آن
و اوزان لار دیلینه اوزلاشدی
اینسانلیق گؤره ویمیز
آلچالمایینجا اؤزگه هاوالارا
اعدام دیره ک لری ایله اوجالدیق
و یاساق اولدو بوتون تاریخلره
اؤزگورلوک سئودامیز
آما دؤنمه دیک دمیر بارماقلیقلار آردیندا
یورقون دوشموش یوللار نامینا ...
اتک یازی:اؤنجه لر بو قوشوقو آیری بیر مستعار
آد ایله یایینلامیشدیم.
