قاراباغ، آذربایجانین قانایان یاراسی ... ارمنیلرجه یوردلاریندان
قووولان بیر میلیوندان آرتیق آذربایجان تورکو ائولرینه قاییدا‌جاق‌لاری گونو گؤزلییر.
آذربایجان پرزیدنتی ایلهام علی‌یئو ت.ر.ت‌یه وئردیگی اؤزل موصاحیبه‌ده قطعی دانیشدی:
"تورپاقلاریمیزی
گئری آلاجاییق، تک ایستگیمیز بونون قان تؤکولمه‌دن گرچکلشمه‌سی."
هر شئی بؤیوک ارمنیستان خیا‌لی ایله باشلادی.
ارمنی‌لر، سورکلی بؤیوک ارمنیستان یوخوسویلا یاشادی. ان بؤیوک
دستکچیلری ایسه سووئت‌لر بیرلیگی‌ایدی. ایلک قیغیلجیم ۱۹۸۹.جو ایلده یاخیلدی. و سونراسیندا
روس دستگیله ارمنی‌لر، آذربایجان شهرلرینی بیر بیر ایشغال ائتدی.
ت.ر.ت خبره دانیشان علی‌یئو، بو قونودا، "ارمنی‌لر بیزه
قارشی ائتنیک تمیزلمه حرکتی ائتمیش‌لر. بیر میلیوندان آرتیق آذربایجانلی اؤز دوغما
تورپاغیندا قاچقینا چئوریلمیش‌دیر و تورپاقلاریمیزین یوزده ۲۰- سی ایشغال آلتیندا" دئدی.
آذربایجان، بین الخالق پلاتفورملاردا قاراباغ سورونونو هر فورصتده
دیله گتیریر.
"ارمنی‌لر
بیرلشمیش میللتلر قرارینا اویمادی"
علی‌یئو، "بیرلشمیش میللتلر امنیت شوراسی دؤرد دفعه قرار
قبول ائتمیش‌دیر کی، ارمنی عسگرلری بؤلگه‌دن چیخسین. آنجاق بو قرارنامه‌لره اویولمادی"
دئدی.
ارمنی لوبیسینین باسقیسی چؤزومو گئجیکدیریر.
قرارلار آلینسا دا اویغولامادا پروبلئم‌لر یاشانیر. ارمنی لوبیسینین
باسقیسی ایله دونیا ۲۰
ایلدیر قاراباغ پروبلئمینی گؤرممزلیک‌دن گلیر.
آذربایجان پرزیدنتی ایلهام علی‌یئو، بو وضعیتله ایلگی‌لی اولا‌راق،
"امنیت شوراسی بیر قرار قبول ائدیر و بونو درحال تطبیق ائدیر آنجاق بیزه گلینجه
بو عدالت‌سیزلیک ایگیرمی ایل بویونجا داوام ائدیر" دئدی.
"ارمنیستان
تونلین سونونو گؤره‌بیلمیر"
هم اقتصادی، هم ده سیاسی ساحه‌ده بیر چوخ موفقیته ایمضا آتان
آذربایجان گله‌جک اوچون اومید وئریر. ارمنیستان ایسه تونلین سونونو گؤره‌بیلمیر. علی‌یئوه
گؤره اونلاری قارانلیق بیر گله‌جک گؤزلییر.
ایلهام علی‌یئو، گوندن گونه گوجلنن آذربایجان و گوندن گونه
ضعیفله‌ین ارمنیستان. هر گون هر آی هر ایل آذربایجان جمعیتی آرتیر. ارمنیستان اها‌لی‌سی
آزالیر "دئدی.
"ایندی
اونلار قورخو ایچینده یاشاییر" .
پرزیدنت ایلهام علی‌یئو باشدا اولماق اوزره بوتون آذربایجان
خالقی ان قیسا زاماندا یئنی‌دن قاراباغا قاییدا‌جاق‌لارینا اینانیر.
علی یئو، "ایندی اونلار قورخو ایچینده یاشاییر. اینسان‌لار
دایما قورخو ایچینده یاشایا‌بیلمز چونکی اونلاردا بیلیر کی، آذربایجان اوردوسو قاراباغی
راحت‌لیقلا گئری آلا‌بیلر. یالنیز بیز ایستمیریک یئنی‌دن قان تؤکولسون. بیز چالیشیریق
کی باریش یولو ایله چؤزولسون" دئدی.
