فرانسانين آنکاراداکي سفيرليیي قارشيسيندا آذربايجانلي‌لار آکسييا کئچيرديلر

تک توران : آنکارادان گوناز تی‌وی خبر سايتينا گلن معلوماتا اساسن دونن 29 دئکابردا، آنکاراداکي فرانسا سفيرليیي‌نين قارشيسيندا چوخ سايلي آذربايجانليلار طرفيندن اعتيراض آکسيياسي کئچيريلميشدير. آکسييا، فرانسا پارلامئنتينده قوندارما ائرمني سويقيريمي ايله باغلي قانون قبولو ايله باغلي اولموشدور.

بو آکسييادا "آصيلسيز ائرمني ايديعالاري ايله موجاديله درنگي"نين باشقاني گؤکسل گولبئي‌ين مئديا آچيقلاماسي اولموشدور. آکسييا تورکيه مئدياسي‌نين ديقت مرکزينده اولموشدور.
آکسييا ايله ياناشي خوجالي‌دا آذربايجان تورکلرينين ائرمنيلر طرفينده سوي قيريما اوغراديقلاريني گؤسترن شکيللر ده 5 ساعاتليق سرگيده گؤزلر اؤنونده اولموشدور.