تک توران :1 - هله موسکووانین دوستاغیندایدی، دوستاقدان چیخاندان سونرا نه ائده جه یینی دوشوندوکده دوستاق چتین لیک لرینی یادیندان چیخاردیردی. "گؤر نئجه سورعتله گلیرم باکیم" دئیه باکیدا نه ایشلر گؤره جه یینی دوشونوردو.دوستاقدا اولدوغو زامان اوزون چکسه یدی گؤره جه یی ایشلرینی دوستاقدا باشلاردی.خلیل رضا "داوام ائدیر37"کیتابینی اوزون موددت دوستاقدا قالدیغی زامان یازیر.
2- دونیا قادین گونو زنگان شهرینده عطیه طاهری-نین گؤروشونه گئتمک قصدی له یولا دوشورآ‌‌‌نجاق مییانادا توتوقلانیر.او آندا مهرداد تکجه ایکی ایشه فیکیرله شیردی: یولونو نئجه داوام ائتدیریب عطیه خانیم لا گؤروشسون و تبریز دانیشگاهیندا قورولان کیتاب سرگیسینده نه ایشلر گؤرمه لیدیر. مهرداد باشلادیغی ایشلری چوخ گوجلو سونا چاتدیرماق ایسته ییردی بو دونه ده گؤروشدن سونرا تبریزه دؤنوب کیتاب سرگیسین کئچمیش ایللردن داها گوجلو قاباغا آپاردی.
3- اوچ آی سونرا خوردادین دؤردونده سولدوزدا میللی شهیدلریمیزی عزیزله یندن سونرا تبریزه قاییدان زامان اورمودا بیرلیکده توتوقلاندیق. یاخین گله جکده دانیشگاه سیناولاری منیم و باشقا دوستلاریمین اساس مساله میز اولسایدیدا مهردادا گلن اوچ آی یایی زنگان شهرینده نه ایشلر گوره جه یینین فیکری باشقا بیر فیکرین یارانماسینا یول وئرمیردی.
4- اؤنجه دوشوندویو کیمی یای فصلینده هر یؤنلو چالیشماق قرارینا گلیر و نهایت شهریور آیی اورمو گولونون قورودولماسینا قارشی جمعه نامازیندا ایمضا توپلادیغی زامان توتوقلانیر.
5- هله چوخ زامان اوستوندن کئچمه میشدی، آذربایجان سیاسی زیندانیلر گونو یئنیدن توتوقلانیر. بو دؤنه اوچ گون موددتینده آغیر ایشیکنجه لره معروض قالیر. آنجاق مهرداد بونلارا باخمایاراق داها گوجلو چالیشماق قرارینا گلیر. تبریزده یئنی تحصیلی ایلین باشلانیشی لا یئنی-یئنی ایشلر گؤروب، دالا قالمیش ایشلرینی یئرینه یئتیر مه یین لذتی، قول قیچینداکی یارالارین آغریسینی یادیندان چیخارتمیشدی. آناسی آنالیق اوجوباتیندان اورک خسته لیگی تاپدی آنجاق مهرداد چالیشدی آناسینا بو مساله نی عادی لشدیریب، تبریزده ایشلرینه داوام ائتدیرسین. اونون سئچدیگی میللتی دیر و اوز میللتینه ایش گورمه یی هر شئی دن قاباق گؤرور.
6- تبریزده ایشلرینی گوجلو باشلادی آنجاق زنگانین اطلاعات ایداره سی راحات بیراخمیردی. مهرداد ایزلندییی زامانلاردا دا ایشلرینی یئره قویموردو و یالنیز سئچدیگی حقیقت"میللتینه" فیکیر له شیردی.
ایندی من مهردادین سون دفعه توتولماسینا و یاخین گله جکده سیناولارینا دوشونورم آما یقین مهرداد هله ده دوستاقدا نئجه چالیشمالارینا دوشونور.
ایندی من مهردادین سون دفعه توتولماسینا و یاخین گله جکده سیناولارینا دوشونورم آما یقین مهرداد هله ده دوستاقدا نئجه چالیشمالارینا دوشونور.
