تک توران : من مهرداد کرمی نن بیر ایل بوندان اونجه تبریز بیلیم یوردونون « آذربایجان تانیتیم اوجاقینین » سوروملوسو اولاندا تانیش اولدوم . بیرینجی گوروشوموزده اونو سارسیلماز بیر میللتچی ساندیم . ضیالی اینسانلار تک اوخویوب ، اوخویوب – اوخویوردو و اوخویارکن بیلگیلرینی پایلاشاردی . چوخلو گئجه لر بیرلیکده اولاراق سوزوموز بیته نده مهرداد بیین الینده کیتاب گورمه ک ، کی بیر دینج یئرده اوتوروب اوخویور ، منه بیر تانیش داورانیشیدی .
کرمی جینابلاری بیر چاغداکی ساواش و موقاویمت بحثی دوشردی سعید بی متین پورون آدینی اونوتمایاراق اورتایا آتاردی . ائیله کی بئله دویغولاناردیم ساواش یولونو سعید بی متین پوردان ایلهام آلیب . او اوزونه فخر ائده ردی کی سعید بی متین پورنان شهر داشدی . بونو دوشونه ردی کی سعیدلریمیزین یولونون آردیچی اولمالیییق . سون گوروشوموزده یاخالانماقینی بیلیردی آنجاق مهرداد بیین داورانیشی ساواش آلنیمیزا یازیلیب دییه ن شخصلره بنزه ییردی . یولون اوغورلو اولسون . (وطن منه اوغول دئسه نه دردیم )
یازیمین سونوندا قاراداغین ووقارلی سویچوسو «عابباس باریز» ین سویولا سونا یئتیریره م .
جیسمیمده منیم تاب و توانیم وطنیمدیر
قانیم – ایلیییم – روح و روانیم وطنیمدیر
آرزیم - دیله ییم – کعبه آمال و امیدیم
شانیم – شرفیم نام و نشانیم وطنیمدیر
قورباندی وطن تورپاغینا باشیله جانیم
بو جان ایشه گلمز – منه جانیم وطنیمدیر
بیر لحظه وطنسیز دوزه بیلمز دل زاریم
کونلوم قوشو ، طرفه مکانیم وطنیمدیر
حفظیم دی وطن کلمه سی اوول دیل آچاندان
ذیکریم وطنیم ، نطق و بیانیم وطنیمدیر
جان اوسته یئنه عشق وطندن دئییرم من
اولسمده یئنه ورد زبانیم وطنیمدیر
جانان یئرینه منده وطن مولکونو سئودیم
گیزلین هدفیم – عشق و نهانیم وطنیمدیر
عومرومده – حیاتیمدا – دیاریمدا – ائلیمده
بیر زاده ایر گلسه گومانیم وطنیمدیر
