ایللر بویو زنجیرده قالسام دا وارام من
قلبیمده منیم سارسیمامیش ذرجه ایمان
بیر گون قارا زنجیریمی آخیر قیرارام
ارکین باشینا قانلا قیزارمیش قانادیمدان
بایراق وورارام من...
اومودومو هر یئردن و هر کیمسه دن اوزموش،بیر تورکجه کیتاب ساتیش
ائوینین قاپیسینا الیمی اوزالتدیم.توکانین اییه سیندن سورغولاندیم بیر تورکجه اؤیرنجی
سل در گی یه یاردیم اولماق ایسته میرسینیز؟
اییه سی یوخ جوابی وئردی.او آندا اوردا اولان باشقا بیر بی اوزون
منه ساری چئویریب، سیزه یاردیم ائده رم دئدی...
بو سورغو منده یاراندی کی بیر اینسان منی هئچ تانیمادان نئجه
ایسته ییر مالی یاردیمندان علاوه درگی لری ساتماق لا باغلی اوزاق بیر یوللاری آیاق
آلتیندا تاپداییب و منیم ایستگیمی یئرینه یئتیرسین؟! بیر توپلوم دا کی هر رابطه، ضابطه
اوستونده فیرلانیر.
بی یین آدین سورغولاندیم.دئدی:ایبراهیم رشیدی ام، ساوالان.
بو گؤروشدن سونرا ماراقلاندیم بی ایله آرتیق تانیش اولام.یازیلان تاپیپ اوخودوم،
اونونلا ایلگیلی یولداشلاریلا دانیشدیم و...
بی ایله آرتیق تانیش اولدوغومدان سونرا بو قرارا گلدیم کی بو
اینسانین ایشله رینین هامی سی وطن سئوگی سیله باغلیدیر.
بو سئوگی دیر کی پولاد تکین ایراده سین و گول دن اؤنجه اوره
گین بیرلشدیریب و اونو او شهردن بو شهره آپاریر.ایبراهیم بیی تانیماق و اوندان یازماق
هله تئز و آغیردی.بو اینسان اؤز زامانیندا تانینا بیلینمه سه ده گله جک اونو یاخشی
تانییاجاق و گله جک سوی آرزی ائده جک بیر دؤنه ده ایبراهیم تکین بیر سارسیلماز اینسان
بو دونیایا آیاق قویسون
یازی اویرنجی سیته سینده ن آلینمیشدیر
