تک توران : پوپیلیست دوشن فرانسیز جمهور باشقانی نیکولا سارکوزی، یاخین‌لاشان سئچیملرین تلاشییلا ارمنی اصیل‌لی سئچیجی‌لرین اویونا ساریلدی
فرانسیز آنایاسا
محکمه‌سی، ۱۹۱۵ حادثه‌لری ایله باغلی اساسسیز ارمنی ادعا‌لارینی رد جزالاندیریلماسینی
نظرده توتان قانونو آنایاسایا ضد اولاراق گؤردوی.
یاخشی، فرانسا،
"اوتانج قانونو" دا دئییلن، دوشونجه و ایفاده آزادلیغینی محدودلاشدیران
بو قانونو مذاکیره حالا نئجه گلدی؟
پوپیلیست دوشن
فرانسیز جمهور باشقانی نیکولا سارکوزی، یاخین‌لاشان سئچیملرین تلاشییلا ارمنی اصیل‌لی
سئچیجی‌لرین اویونا ساریلدی.
سارکوزی‌نین پارتیسی،
ارمنی ادعا‌لارینی رد ۱ ایل حبس و ۴۵ مین آورو پول جزاسی وئریلمه‌سینی نظرده توتان
لاییحه‌نی فرانسیز مجلیسینه تقدیم ائتدی.
مجلیس صدری داخیل
بیر چوخ پارلامنترین گوندمه آلینماسینا قارشی چیخدیغی قانون، ۲۲ دسامبردا مجلیسده
تصدیقلندی. آنجاق گنل قورولداکی ایجلاسا ۵۷۷ میللت وکیلیندن یالنیز ۶۰ قاتیلدی.
قانون، سناتونون ۲۳
ژانویه ایجلاسیندا ۸۶-یا قارشی ۱۲۷ سسله قبول ائدیلدی.
فرانسا میللی مجلیسی
و سناتوسوندا کئچن قانون، آنایاسایا ضد اولدوغو سببیله ۷۷ سناتور و ۶۵ میللت وکیلی
طرفیندن محکمه‌یه داشیندی.
مراجعت اولان
فرانسیز پارلامنترلر، سیاستچی‌لرین تاریخ یازامایاجاغی، قانونون فرانسیز آنایاساسی
و ایفاده آزادلیغینا ضد اولدوغو و تورکیه ایله علاقه‌لری منفی تأثیر ائده‌جگینی
مدافعه ائدیر.
بنزر بیر قانون
تکلیفی، ۲۰۰۶-جی ایلده مجلیس‌دن کئچمیش آنجاق سارکوزی او زامانکی سیاسی حساب‌لاری
گره‌گی سناتویا گلمه‌سینه مانعه تؤرتمیشدی.
۲۰۱۱-جی ایلده ده بنزر چابا نتیجه‌سینده
قانون، سناتویا تقدیم ائدیلمیش آنجاق سس وئریلمه‌سی رد ائدیلمیشدی.
