تک توران : ايران چوخ جيدي و درين بير بؤهران ايچريسينده‌دير. ايرانداکي بؤهراني، سادجه، آبش-ايران ضيديتلرين، ايصلاحاتچي-موحافيظ اکار بؤلونمه‌سينه و ايسلام رئسپوبليکاسيندا دونيويليک بؤهرانينا باغلاياراق تحليل ائتمک ايراندا ياشانان بؤهرانين ماهيتيني تام معناسي ايله آچيقلايا بيلمز.
ايرانداکي بؤهران بو حاديثه لردن کناردا جريان ائتمکده‌دير.
بوگونکو ايراندا ايرانليليق مفهومو جيدي بؤهران ايچريسينده‌دير.
ايرانليليق کيمليگي چوخ درين بير بؤهران ايچريسينده‌دير. بو
وضعيت ايرانداکي دييشيکليکلرين گله‌جکده هانسي ايستيقامت آلاجاغي باخيميندان موعين
ايپ اوجلاري ايره‌لي سورور. ايران ايسلام رئسپوبليکاسينين ييخيلماسي سادجه رئژيم دييشيکليگي
دئييل، داها فرقلي دييشيکليکلره يول آچا بيله‌جگي احتيمالي اولدوقجا يوکسکدير. ايراندا
کيمليک سويييه‌سينده فارس مرکزلي ايرانليليق يئرينه ديگر ائتنيک قروپلارين دا تمثيل
اولوناجاغي بير سياسي فورمانين مئيدانا چيخماسي مومکون اولا بيلر. بئله بير وضعيتده
ايرانداکي اهالي آراسيندا چوخلوغا و سياسي هسساسليغا ماليک اولان آذربايجانليلار اؤنملي
بير سياسي فاکتور حالينا گلمکده‌دير.
ايرانليليغين فارسليغييلا عئينيلشمه‌سي
ايران موختليف ائتنيک قروپلارين ياشاديغي جوغرافي سياسي بؤلگه
اولماسينا باخماياراق، فارس کيمليگي ايله عئيني معناني داشيميشدير. فارس ديلي تاريخ
بويو مدني محصوللارين ياراديلديغي ديل اولموشدور. بو وضعيت "ايران مدنيتي"
آنلاييشيني "فارس مدنيتي" آنلاييشي ايله عئينيلشديرميشدي. فارس ديلي مدني
ايستحصال ديلي اولدوغو اوچون ايراندا بوروکراتييا، سيياست و مذهب ديلي ده اولموشدو.
ايراندا شيه مذهبي بير چوخ ديني آيينلري فارس ديلينده حياتا کئچيرديگي اوچون فارس مذهبي
کيمي ده تانينميشدير. ايران اراضيسينده فارس ديلينين تاريخي اوستونلوگو فارس کيمليگيني
ده اوستون وضعيته گتيرميشدي. نتيجه‌ده ايران کيمليک باخيميندان فارس مرکزلي بير کيملييه
صاحيب اولموشدور.
1924-جو
ايلدن سونرا ايراندا اؤلکه-دؤولت لاييهه‌سي فارس مرکزلي بير ايرانليليق کيمليگي چرچيوه‌سينده
نظري حالا سالينميشدير. پهلوي خاندانينين (1924-1979) فارس مرکزلي ايرانليليق کيمليگي
آنلاييشي شيه‌ليگي بير کنارا قوياراق قديم ايراني حدفه آلان بير اؤلکه-دؤولت لاييهه‌سي
ايدي. ايسلامي کنارلاشديران، فارس ميلتچيليگيني اساس گؤتورن پهلويلرين چؤکمه‌سي ايله
"قديم ايراني حدفه آلان" ،" ايسلامدان اوزاقلاشان" و "قربيؤنوملو"
فارس ميلتچيليگي ده ايفلاسا اوغراميشدير. 1979-جو ايل اينقيلابينين نتيجه‌سي کيمي اي
سلام رئسپوبليکاسي قورولموشدور. ايسلام ر ائسپوبليکاسي "قديم ايراني حدفه آلان"
،"ايسلامدان اوزاقلاشان" و "قربيؤنوملو" فارس ميلتچيليگينه قارشي
موختليف ساحه لرده موباريزه آپارميشدير. ايسلام رئسپوبليکاسي بو آنلاييشا صاحيب اولان
فارس مرکزلي ايرانليليق کيمليگيني ردد ائتميش و "ايسلام تاريخيني حدفه آلان"
" ق اربي اوزاقلاشديران" و "شيه‌ليگي اساس گؤتورن" يئني بير فارس
مرکزلي ايرانليليق کيمليگي اورتايا چيخارميشدير. ايسلام رئسپوبليکاسي شيه‌ليگه اساسلانان
يئني فارس مرکزلي ايرانليليق کيمليگيني اورتايا آتميشدير.
ايسلام رئسپوبليکاسينين دونيويليک بؤهراني ايله ياناشي،شيه‌ليکله
اوست-اوسته دوشن فارس مرکزلي ايرانليليق کيمليگي ده بؤهران کئچيرميش،ايدئولوژي و سياسي
پلاتفورمادا ايفلاسا اوغراميشدير. فارس مرکزلي ايرانليليق کيمليليگينين بؤهران کئچيرمه‌سي
ايله ياناشي،ايرانداکي ديگر ائتنيک کيمليکلر ده سياسيلشميشدير. سياسي حرکتليليگين ائنئرژيسينين
مرکزدن عيالتلره دوغرو مئيللنمه‌يه باشلاماسي نتيجه‌سينده مرکزدنقاچما حاللاري جيدي
شکيلده گوجلنميشدير. بو وضعيت ايران مرکزلي سياسي ايستيقامتلرين دييشمه قابيليتلرينين
آزالماسي آنلامينا گلمکده‌دير. باشقا جور ايفاده ائتسک، ايرانداکي سياسي دييشيمين ايستيقامتي
فارس مرکزلي ايرانليليق کيمليگينين دييشه‌جگيني گؤسترير.
ايراندا سياسي اينکيشافين ماهيتينه باخيلديغيندا مرکزدنقاچما
حاللاري اساس و موعينئديجي حاديثه لره چئوريلمکده‌دير. ايسلام ر ائسپوبليکاسي فارس
مرکزلي ايرانليليق کيمليگينين حربي، اينضيباطي و سياسي داياغي کيمي اؤزونو گؤسترير.
ايسلام رئسپوبليکاسينين چؤکمه‌سي ايرانليليق کيمليگينين جيدي اؤلچوده دييشمه‌سينه يول
آچاجاقدير. ايران رئسپوبليکاسينين ييخيلماسي ايله ايران پارچالانماسا دا، ائتنيک کيمليکلري
ديقته آلان يئني بير قورولوشون اورتايا چيخماسي احتيمالي خئيلي يوکسکدير.
ايرانليليق کيمليگينيني بؤهرانا آپاران يول
1991-جي
ايلده "سويوق موحاريبه "نين بيتمه‌سي ايله دونيا سيستئمينين ماهيتي دييشمه‌يه
باشلاميشدير. ايکيقوتبلو دونيانين سونا چاتماسي نتيجه‌سينده کوممونيزم ايفلاسا اوغراميش
و آبش-اين هئگئمونلوغونا يول آچان بو دييش ايک ليکله دونيادا نئوليبئراليزم گوج قازانميشدير.
دونيا سيستئمينده نئوليبئراليزمين گوجلنمه‌سي قلوباللاشما پروسئسيني چوخچئشيدلي سياسي-ايجتيماعي
و مدني نتيجه‌لري اولان سياسي بير حاديثهحالينا گتيرميشدير. يئني قلوبال سيستئم قارماقاريشيق،
ضيديتلي و کومپلئکسلي بير قورولوش حالينا دوشمه‌يه باشلاميشدير. بو قارماقاريشيق و
ضيديتلي سيستئم بعضي کيمليکلره شوبهه دوغورماقلا ياناشي، بير سيرا يئني کيمليکلري ده
سياسي آرئنايا گتيرميشدير. قلوباللاشما پروسئسي ايراندا کيمليک باخيميندان فارس مرکزلي
ايرانليليق آنلاييشينا شوبهه ايله ياناشماغا باشلاميشدير.
1979-ج
او ايلدن سونرا ايسلام/شيه مرکزلي بير توتاليتار سيستئمين ايفلاسي کيمليک باخيميندان
فارس مرکزلي ايرانليليق آنلاييشينا جيدي ضربه وورموشدور. ايران ايسلام رئسپوبليکاسينين
اؤز سياسي داورانيشلاريني شيه-ايسلام يورومو ايله اسا س لانديرماغا چاليشماسي ايراندا
سياسي ايسلام آنلاييشينا دا جيدي ضربه وورموشدور. ايران ايسلام رئسپوبليکاسينين بير
سياسي رئژيم کيمي دونيويليک بؤهراني شيه-ايسلام بؤهرانيني دا اؤزو ايله گتيرميشدير.
ايراندا شيه - ايسلامين سياسي سويييه‌ده بؤهرانا اوغراماسي ايرانليليق کيمليگيني ده
بؤهرانا دوچار ائتميشدير. چونکي شيه-ايسلام آنلاييشي ايرانليليق کيمليگينين تمل داشي
اولموشدور. ايرانليليق کيمليگينين تمل داشي اولان شيه-ايسلام آنلاييشينين بؤهرانا دوشمه‌سي
ايله ايرانليليق کيمليگي ده بؤهرانا دوشموشدور.
ايران سياسي سيستئمينين توتاليتار مضمونو ايران رئسپوبليکاسي
اوچون ده ضيديتلي بير نتيجه دوغورموشدور. توتاليتار کيمليگي سببيندن او، خالقي سياسي
صفربرليک حاليندا ساخلاماق اوچون جمعيتي سياسيلشديرمه‌يه چاليشميشدير. هم 1979-جو ايل
اينقيلابينين تاثيري ايل، هم ده ايسلام رئسپوبليکاسينين توتاليتار ماهيتي سببيندن سياسيلشن
خالق سياسي سيستئم داخيلينده اؤزونو تاپا بيلمه‌ميشدير. دؤولت اؤز سياسي حدفلري اوچون
صفربر ائتديگي خالقين احتيياجلاريني قارشيلاماقدا باجاريقسيز اولموشدور. "يئني
اينسان، يئني جمعيت"" شوعاري اطرافيندا موختليف ساحه لرده شيددت و تزييقي
اساس گؤتورن بير فورما سرگيله‌ميشدير. بو وضعيت سياسي سيستئمده جيدي بؤهرانا يول آچميشدير.
خالق هر شئيدن کنارلاشديريلميش و ايقتيدار بارماقلا ساييلاجاق قدر اينسانين الينه کئچميشدير.
بئله بير وضعيت ايسلام رئسپوبليکاسي ايله ايران خالقي آراسيندا ضيديتلي مسافه‌نين داها
دا بؤيومه‌سينه يول آچميشدير.
ايران 1979-جو ايلدن سونرا جيدي اهالي آرتيمي ايله قارشيلاشميش
و 24 ايل ايچريسينده ايرانين اهاليسي 2 دفعهارتميشدير. جيدي اهالي آرتيمي ايله اوزلشن
ايران ايقتيصادي ساحه ده ده باجاريقسيز اولموشدور. نتيجه‌ده ايراندا کوتله يوخسوللاشماغا
باشلاميشدير. بو دا گنج ياشلي اهالي آراسيندا ايشسيزليگين خئيلي آرتماسينا سبب اولموشدور.
ايران جمعيتي چوخ گئنيش بير چئوره‌ني احاطه ائدن چوخشاخه‌لي
بؤهران ياشاماقدادير. بوتون بو بؤهرانلار ايرانليليق کيمليگينين شوبهه آلتينا آلينماسي
ايله نتيجلنميشدير. چونکي بو بؤهرانلارلا برابر فارس کيمليگيني اساس گؤتورن ايراندا
بوتون ايدئولوگييالار و قوروملار ايفلاسا اوغراميشدير. بو پروسئسين منطيقي نتيجه‌سي
اولاراق ايسلامچي قروپلار اؤز اعتيبارلاريني ايتيرميشلر و باشقا بير پروسئسين داوامي
اولاراق سول قروپلار دا صفربرليک گوجلريني ايتيرميشلر. بئله بير سياسي اورتامدا ائتنيک
ميلليتچيليک گوج قازانماغا باشلاميشدير.
گونئي آذربايجان ميللي حرکاتينين يوکسه‌ليشي
فارس مرکزلي ايرانليليق کيمليگينين بؤهراني داها چوخ گونئي آذربايجاندا
اؤزونو گؤسترير. ايران تاريخينده تورکلر، خوصوصيله ده آذربايجان تورکلري هر زامان موعينئديجي
رول اويناميشلار. 1924-جي ايلدن اول ايران اوزون مودت تورک خاندانلاري طرفيندن ايداره
اولونموشدور. 1925-جي ايلدن سونرا ايراندا ايقتيدار تورکلرين اليندن چيخسا دا، اونلار
هر زامان اؤز موعينئديجي دوروملاريني قورويوب ساخلاميشلار. چونکي آذربايجانليلارين
ايران اهاليسي آراسيندا چوخلوغا صاحيب اولماسي و سياسي حاديثه لره قارشي هسساس و آچيق
اولمالاري سببيندن اونلار ايرانداکي سياسي حرکاتليليق داخيلينده ده يا آپاريجي رول
اويناميشلار، يا دا حرکات داخيلينده چوخ موهوم ايشلر گؤرموشلر. آذربايجانليلار هم
1906-جي ايلده‌کيمشروطيت اينقيلابيندا، هم ده 1979-جو ايل ايران ايسلام اينقيلابيندا
اساس و آپارجي رول اويناميشلار. ايراندا "تبريز ايسته‌مزس، هئچ بير دييشيکليک
اولماز" ايفاده‌سي ده بو تاريخي گئرچکليگي عکس ائتديرير.
ايراندا تورکلر اوزون مودت ايقتيداردا اولسالار دا، فارسلارا
و ديگر ائتنيک قروپلارا لاقئيد اولان و تورک کيمليگينه اساسلانان بير دؤولت قورماميشلار.
ايراندا اوزون مودت ايقتيداردا اولان تورک خاندانلاري فارس ديلينه هر زامان سايغي گؤسترميش
و اونون اينکيشافيندا و ياييلماسيندا اؤنملي رول اويناميشلار. 1924-جو ايلدن سونرا
ايقتيداري اله کئچيرن فارس ميلليتچيلري ايسه چوخ فرقلي داورانميشلار. تورک کيمليگيني
يوخ ائتمک اوچون چوخشاخه‌لي بير آسسيم ايلي عاصييا پروسئسينه باشلاميشلار. تورک خاندانلارينين
سايغيلي داورانيشلارينا رغمن فارسلارين ايقتيداري اله کئچيرديکدن سونرا تورکلرين علئيهينه
يؤنلميش سيياست حياتا کئچيرمه‌لري آذربايجان-تورک کيمليگينين سياسي سويييه‌ده مئيدانا
چيخماسينين اساسيني و تمل تاريخي بيلينجيني تشکيل ائدير.
آذربايجان-تورک کيمليگينين سياسيلشمه‌سي اوچون آشاغيداکي قلوبال،
سوسيال، سياسي، مدني و رئگيونال شرطلر زمين حاضيرلاميشدير:
-
1979-جو ايلدن بو گونه قدر توتاليتار سيستئمين موعينئديجي
فاکتورو کيمي گؤرونن و ايرانين ار آ زي بوتؤولوگونون اساسي اولان سياسي ايسلامين (شيعه)
ايفلاسي؛
-
دؤولتين ايقتيصادي باجاريقسيزليغي و خالقين کوتلوي صورتده يوخسوللاشماسي؛
-
اينقيلابين تاثير دايره‌سينده اولان توپلومون سياسيلشمه‌سي؛
-
ايران ميقياسيندا صفربرليک گوجونه صاحيب اولان و جمعيتي مرکزه
باغلايان ايدئولوگييالارين چؤکمه‌سي (کوممونيزم، سياسي ايسلام)؛
-
بين الخالق سيستئمده کوممونيزمين چؤکمه‌سي و اورتا عاصييا و
قافقازدا تورک رئسپوبليکالارينين قورولماسي و بو رئگيونلاردا 1988-جي ايلدن سونرا آرتماقدا
اولان تورکچولوک حرکاتي؛
-
شيمالي آذربايجان رئسپوبليکاسينين قورولماسي، قاراباغ پروبلئمي
و ابولفز ائلچيبي فاکتورو؛
-
کوممونيزمين چؤکمه‌سي و نئوليبئراليزمين بين الخالق سيستئمده
گوجلنمه‌سي؛
قلوباللاشما پروسئسي؛
-
دؤولتين توتاليتار قورولوش سببيندن مئيدانا چيخان سياسي دورغونلوق
و سياسي سيستئمين دارليغي؛
-
دؤولتين موخاليفتي عزمه‌سي و اونون فعاليتينه ايمکان وئرمه‌مه‌سي.
دونيا ايراندا ايصلاحاتچي–موهافيزکار توققوشماسيندان باشقا هئچ
بير سياسي حاديثهيله ماراقلانماسا دا،ايران اهاليسينين آشاغي طبقه‌سي جيدي بير تبددولات
کئچيرير. ايراندا ايرانلي کيملييني آياقدا ساخلاياجاق بوتون فاکتورلارا جيدي اؤلچوده
ضربه وورولموشدور. بو وضعيت ايران کيمليگينين شوبهه دوغورماسي ايله نتيجلنميشدير. ايراندا
آده‌مي-مرکزيتچي سياسي دوشونجه‌نين باشليجا و موعينئديجي فاکتورو کيمي مئيدانا چيخميشدير.
گونئي آذربايجان ميللي حرکاتينين بؤيومه‌سي تاماميله بونون بير علامتيدير. آشاغي طبقه‌ده‌کيسياسي
پروسئسلرين ديناميزمي ايصلاحاتچي موحافيظ اکار توققوشماسي اولماقدان چيخميش، تامام
باشقا بير ايستيقامت آلميشدير. بئله کي، بو گون گونئي آذربايجاندا ميللي آنلاييش اساس
و دومينانت آنلاييش حالينا گلميشدير. دييشيکليک طلبلرينين ده ديناميزمي گونئي آذربايجاندان
گلن ميللي حرکاتدادير. گونئي آذربايجان ميللي حرکاتي پوتئنسيال اولاراق گونئي آذربايجانداکي
سياسي پروسئسلرين ديناميزمينين آنا خطيني تشکيل ائتمکده‌دير. گونئي آذربايجان م ايللي
ه ارکاتينين هئچ بير آلتئرناتيوي يوخدور.
يوخاريداکي فاکتورلار گونئي آذربايجانين سياسي اؤنجه‌ليکلريني
دييشديرميشدير. ميللي کيمليک آراييشي اساس و موعينئديجي سياسي اؤنجه‌ليک حالينا گلميشدير.
گونئي آذربايجان تاريخ بويو اؤز سياسي ائنئرژيسيني يا ساغا، يا دا سولا صرف ائتميشدير.
ايندي ايسه سولچولارين و ساغچيلارين سياسي ائنئرژيسي گونئي آذربايجان مسلسينه دوغرو
يؤنلمکده‌دير. باشقا جور دئسک، گونئي آذربايجان ميللي ه ارکاتي چوخ فرقلي سياسي ائنئرژيلري
اؤزونده بيرلشديرن بير مرکزه چئوريلمکده‌دير.
