اونلار بو
دوغرولتودا آراز چايي قوزئيينين سيياسي اولاراق "آزه‌ربايجان"
آدلانديريلماسي، ها بئله "گونئي آزه‌ربايجان" و "قوزئي آزه‌ربايجان"
دريمله‌رينين (تئرمينله‌رينين) آزه‌ربايجان رئسپوبليكاسيندان قايناقلانديغيني، اويسا
ايراندا ياشايان تورك خالقينين آرازين قوزئييني "آزه‌ربايجان" و يا
گونئييني "گونئي آزه‌ربايجان" آدلانديرماديغيني، حتتا بو آدلارا قارشي
اولدوغونو تبليغ ائديرله‌ر.
سون دؤنه‌مده
ايران دئوله‌تينين آزه‌ربايجان رئسپوبليكاسينا قارشي هر زامان صاحيب اولدوغو
دوشمانجا توتوم، داها دا شيدده‌ت تاپميشدير. بو دوروم، گونئي آزه‌ربايجانلي تورك
سيياسي تشكيلات و درنه‌كله‌ره، بو يانليش ايدديعا و تبليغاتلاري چوروتمه‌ك اوچون
تاريخي بير فورصه‌ت سونماقدادير.
گونئي آزه‌ربايجانلي
تورك سيياسي تشكيلات و درنه‌كله‌ر، بير آرايا گله‌ره‌ك باشدا ميللي مجليس اولماق
اوزه‌ره، آزه‌ربايجان رئسپوبليكاسينين يئتگيليله‌رينه خطابه‌ن اورتاقلاشا رسمي بير
يازي يازمالي و اوندا "آزه‌ربايجان رئسپوبليكاسي"نين آدينين "قوزئي
آزه‌ربايجان جومهورييه‌تي"نه ده‌ييشديريلمه‌سيني ايسته‌مه‌ليديرله‌ر.
بئله بير ايسته‌يين
گونئيده‌ن گلمه‌سي؛ پان ايرانيسم، ايران دئوله‌تي و باتي اؤلكه‌له‌رينين ايراندا
ياشايان تورك خالقيني فارسلاشديرما و فارس گؤسته‌رمه تبليغات و سيياسه‌تله‌رينه
جيددي بير ضربه ووراقلا قالماييپ؛ تورك ميللي دئموكراتيك حره‌كه‌تينين ايله‌رييه
دوغرو آتيليم و سيچراييش ياپماسينا نده‌ن اولاجاقدير، تورك خالقي و ائتنيك آزه‌ربايجان`ين
بؤلونموشلويو گرچه‌ييني تثبيت ائده‌جه‌كدير.
