من بیرقادین - سون آی

تک توران : گونئی آذربایجاندا یاشایان بیر قادین بورادا یاشاماق کیمی بیر شئی یاشاماقداییق بورادا قادین بیر اینسان گؤرونسه ده آما اونا بیر اینسان باخیشی اولماسیندان چوخ امین دئییلم. هه من بیر قادینام بیر قادین، باشیما زورلا سریلمیش بیر بئز اؤستومه کافتار سوروسو کیمی سالدیران جینسلیک باخیشلاری و بئینیمده ده دی قودو کلاسیکی.
من قادینام، سئوگیلیم ایله آرامدا بکارت دوواری اؤزومون اولماق دوشونجه سینین بوشلوغو و یئنه منی زورلا جنته آپارماق چالیشمالاری. و من گونئی آذربایجاندا یاشایان گنج قادین حیس ائدیرم گوجوموزو اؤزوموزدن چوخ بؤیوک گوجوموز، ده دی قودیا یئنی بزک آلت لری و قونشونون آللاه اوغلانلارین ساخلاسین دعا سینا یؤنلنن گوج . آه، روحومو اینجیدن بو یؤن دئیشیکلیگی.

 آما دولاشاندا کوچه لرده ایچدن بیزیمله دوست اولان ارکه یین یئری گؤرونور. آه، بو قارانلیغین سونویوخمو، بو قارانلیق ندن بیتمیر و بتمه دیکجه، گئده گئت قارالان و دارالان زیندان. الیمدن گلن بیر شئی یوخ، الیمده اولان تک ایمکان منیم اینانجیم و خیاللاریم. گؤزلریمی یوموب بیر کلاسیک پارچادا خیال ائدیرم. سنه بیر دوست کیمی باخان ارکه یی. فاطمه وسئودا کیمی بیر دوست. دولانیرام من اونون سیگارا چکمه سین قیناییب اونو سئوگیلیم ایله تانیشدیریب و او دوستومدان گؤز اول دئییر سئوگیلیمه. دوشونورم سئوگیلیم ایله آرامدا اولان دووارلارین اوچوشون. اوزومونم بورادا منیم اوچون چکیلن غیرت ناموس پیچاقلاری سینیر ارییب گئدیر. ایشیق بیر یای گونودو فاطمه، من و سئودا بورادا موطلو وگولر اوزلو. فاطمه ایسته دیی رنگده توربانی ایله و من آچیق و قاباریق ساچلاریملا و سئودا ایسته دیی اولچوده اته یی ایله وبو موزیین دالغالاری روحوما اوخشادیق جا اینانیرام ایناندیم بئله هر شئی بورادا آزادلیق و.. گوزلریمی آچدیقیندا بو قارانلیقا بئله جه سون وئره جه ییمه اینانیرام. ییناندیم

سون آی  18 یاشیندا بیر قیز

qadinlar