بيز ايراني بوشاماق ايسيته ييريک ــ سعید بایکال

تک توران : گونئي آزربايجان ميللي حرکاتينين باغيمسيزليق يولوندا وئرديگي موباريزه، خاريجي دؤولتلر طرفینده ن، تؤرکیه باشدا اولماقلا، عمومييتجه بير زاوييه ده ن باخيلميشدير. اودا، گونئي آزربايجانين ايران آدلانان اؤلکه ده ن آيريلماسي وه ايراني بؤلمک باخيش آچيسي اولموشدور!

بو نورمالدا بئله گؤرونسه ده، بير باشقا آچيدان دا، گونئي آزربايجان ميللي حرکاتي قديمده ن تا 90 ايل اؤنجه یه  قئدئر، ميللتينين صاحيب اولدوغو بير دؤولئتچيليک گئلنه ييني ده ديرچلتمک ايسته يير. کؤک اولاراق همين دؤولتچيليگيميزه دايانماق ايسته سک ده يؤنده م وه ماهييت اعتيباري ايله فرقلي اولماق ايسته ديگيميز آشيکاردير. بيلديگيميز بوتون تورک حاکيمييتلرينده آزربايجانين بوتونونده ن علاوه ايران و بير چوخ ايالتلر ده بيزيم حاکيمييتيميز آلتيندا اولموشدور آما قورماغيني آماجلاديغيميز سيستمده آرتيق ايران و هر هانسي باشقا بير ايالتي صاحيبلنمک و يييه لنمک ايسته ميريک، بيز اينديده ن اعتيبارن دموکراتيک رفتار ائدرک اونلارا آزادليق و هوررييت وعده سي وئريريک، بيز آيريلماغي پلانلاميريق. داها دوغروسو، بيز اونلارا آيري و اؤزگور ياشاماق ايتحاف ائديريک! بيز حاکيميييتيميزي ساده جه اؤز تورپاقلاريميزا قورماق ايسته ييريک. بيز ايراني بوشاماق موباريزه سي وئريريک!

بلکه دئيئسينيز کي ايشغالدا ايکه ن بئله بير ايددا چوخ گولونجدور، آما بيزيم حرکاتي مرکزيييتچيلييه ايته ليیه ن سببلرده ن بيريده مهض قديمده ن صاحيب اولدوغوموز تاريخيميز و دؤولتلريميزدير. بيز هر فورصتده اگر قديم دؤولتلريميزه اؤيونموشوکسه، دئمئک کي گئلئنئييميزه اؤيونموشوک، دئمئک کي گونو بو گون باغيمسيزليق و دؤولئتچيليک سئوداليسي اولماميشيق. دئمئک کي گؤوده سي کسيلميش بير آغاجين تومورجوقلانان يئني داللاريييق! آما داللاريميزين مؤيوسينده ن ايستيفاده ائديليب داها سونرا يئنه ده کسيلمه سيني ايسته ميريک.

بيز آرتيق خيانت گؤرمک ايسته ميريک بيز ايراني بوشاماق ايسته ييريک.

بيز باغيمسيز، آزاد و دئموکراتيک آزربايجان قورماق ايسته ييريک.