تک توران :
دیلیم دیلیم اولان دیلیم دیله گل
اؤز ائوینده غریب ائلیندن
دانیش
اسیر بولبول اؤز باغیندا گوله گل
ائل سازیندا قریق تئلیندن
دانیش
نسیل نسیل دیلسیز آدسیز قالاندان
شهر شهر اوبا اوبا تالاندان
گؤز کورالدان قوداق ده لن یالاندان
ائولر یئخان ظولوم سئلیندن
دانیش
دوزلاق اولان سوسوز
اورمو گؤلوندن
یاد الینده اسیر قالان
وطندن
سوورولان چیچکدن سولان
چمندن
یازدا اسن خزان یئلیندن
دانیش
اولدوز اولدوز دوستاقلاردا یانان بیز
اسیرلییی کؤله لییی
دانان بیز
اؤزگوریاشام وارسا واریق سانان بیز
چال سازینی چنلی بئلیندن
دانیش
