تک توران : ایغدیرین میلت وکیلی ارمنیستانین نوکلئر سانترالی قونوسوندا آذربایجان خالقینا مراجعت ائدیب .
مراجعتینده تورکیه‌لی میلت وکیلی ناخچیوان و آذربایجانی‌نین دا داخیل اولدوغو بؤلگه‌نین تهلوکه آلتیندا اولدوغونو وورغولاییب. سینان اوغانین مراجعتینده دئییلیر:
"ارمنیستاندا اولان متسامور آتوم الکتریک سانترالی دونیانین ان کؤهنه و ان تهلوکه‌لی سانترالیدیر. بو سانترال زلز‌له بؤلگه‌سینده‌دیر. اولابیله‌جک بیر زلز‌له‌ده متسامور آتوم الکتریک سانترالینین داغیلما و رادیاسیون سیزدیرما احتیمالی سون درجه یوکسک‌دیر. بونو بوتون بین الخالق آراشدیرما‌لار دا اورتایا قویموش‌دور.
ارمنیستان یالنیز آذربایجانین تورپاق‌لارینی ایشغال ائتمکله کیفایتلنمه‌ییب، عینی زاماندا متسامور سانترالی دا آذربایجانی، ناخچیوانی، و بوتون بؤلگه‌نی تهدید ائتمکده‌دیر. بو سانترالیین درحال باغلانیلماسی لازیم‌دیر. بیز بونون اوچون تخمینن ۷ ایلدیر سعی گؤستریریک. آنجاق بون‌لار کیفایت ائتمیر، سیزلرین ده بو موباریزه‌ده آکتیو ایشتیراک ائتمه‌نیز لازیم‌دیر."
