پیکر عباس اسلامی (بارز) شاعر آزربایجانی فردا در روستای پیرزن به خاک سپرده خواهد شد

تک توران : بامداد 24 آبان استاد عباس اسلامي متخلص به بارز در بيمارستان باقرالعلوم اهر دار فاني را وداع گفت.عباس اسلامي متولد 1300 شمسي در روستاي آي پيرزن اهر شاعر بزرگ آذربايجان است و مجموعه شعر ياسلي ساوالان آخرين اثر منتشر شده ي ايشان است.

روز چهارشنبه پيكر اين شاعر ارجمند قره داغي از محل بقعه شيخ شهاب الدين اهري تشييع و در زادگاه او ـ روستاي آي پيرزن ـ به خاك سپرده مي شود.

گروه خبری تک توران ضایعه از دست رفتن شاعر گرانقدر آزربایجان را به خانواده محترم و عموم ملت قهرمان آزربایجان تسلیت می گوید .

در زیر شعری از زنده یاد عباس اسلامی بارز تقدیم می شود :

هر زامانکی باخیرام باشینا قاروار گؤرورم

اوغلو اؤلموش آنا تك گؤزلرین آغلار گؤرورم

هر طرفدن چكیلیب سینه‌وه داغلار گؤرورم
...
آی آلان اوستونو غم چیسگینی، هر یانی دومان

آی یاغان باشینا غملر اودو، یاسلی ساوالان

گؤرموشوك یازدا كؤچك­لرده چیچكلر آچیلار

هر طرفدن چیمنین سینه­ سینه گول ساچیلار

ماهنی­لار قوشماغا باشلار یئنه­ ده قوشماچیلار

یاز گلیب گئتدی یئنه گولمه­ دین اوچ آیدا بیر آن

آی یاغان باشینا غملر اودو، یاسلی ساوالان

قرنیلر كئچدی سنین گولمه­ دی بیر لحظه اوزون

قانلی یاش تؤكدو سارالمیش اوزونه یاشلی گؤزون

غصّه­دن دؤندو قارانلیق گئجه اولدو گونوزون

نه سوران حالینی اولدو نه وئرن جیسمیوه جان

آی یاغان باشینا غملر اودو، یاسلی ساوالان



آند وئررم سنی او قانه بلنمیش داشیوا

گئجه-گوندوز او گؤزوندن تؤكولن قان یاشیوا

اورگین دردینی بیلدیر او «سهند» قارداشیوا

سنی وارلیق- سنی تانری- سنی بو آه­ و فغان

آی یاغان باشینا غملر اودو، یاسلی ساوالان



سالارام یادیما بیر لحظه او كئچمیش­لریوی

تؤكولن سنگ جفائیله او دورر دیشلریوی

ایزلرم بیر بیر او حئیرت یارادان ایشلریوی

هامی­دان من سنین احوالینا آرتیق نیگران

آی یاغان باشینا غملر اودو، یاسلی ساوالان



ساكیت اول، آغلاما قوی بیرجه چكیلسین بو دومان

گون چیخیب ظولمتی بیر یوللوقا قووسون بورادان

»نبی» گلسین، بوز آت اولسون یئنه داغلار آتیلان

»هجر»ین بلكه ییغیلسین گؤزو یولدان، آناجان

آی یاغان باشینا غملر اودو، یاسلی ساوالان



سؤندوره بیلمه­دی گؤز یاشین اور­كدن اودووی

چاغیریم قوی كؤمك ائتسین سنه اؤز اؤولادیوی

افتخاریله بوگون ذیكر ائده­رم پاك آدیوی

مرد اوغوللار بئجریب خلقه وئرن شؤهرت و شأن

آی یاغان باشینا غملر اودو، یاسلی ساوالان



»بابكین»گئتدی سه بوش قالمادی آمما قوجاغین

دولودورمین ائله اوغلانلاریلا هر بوجاغین

نه قد‌ریئل اسه طوفان قوپا سؤنمز اوجاغین

ای بلالر سپری، خالقا یامان گونده آمان

آی یاغان باشینا غملر اودو، یاسلی ساوالان



چنلی بئلده «ده­لی­لر» قوی یئنه قورسون بوساطی

قوچ كوراوغلو یئنه جولانه گتیرسین قیرآتی

هئچ زامان اصلین ایتیرمز او كی دوزگوندو ذاتی

آند اولا آدیوا، آی گؤزلری آغلار- یاشی قان

آی یاغان باشینا غملر اودو، یاسلی ساوالان



سن دؤیوشلرده بیر آسلان كیمی دوردون آیاغا

اوخ آتیلدیقجا بیزه سینه­ نی وئردین قاباغا

غم یئمكدن داها جانیم یئتیشبدیر دوداغا

نه یامان گونلره گؤر قالدی بو احساسلی بالان

آی یاغان باشینا غملر اودو، یاسلی ساوالان



بابالاردان بیزه قالمیش بو مثل هاممی بیلیر

سو گلن آرخا دئییبلر یئنه بیرگون سو گلر

فلكین داش اورگین آه اوخو آخیردا دَلر

»بارز» اوغلوندا یئتر سئودیگی یاره او زامان

آی یاغان باشینا غمللر اودو، یاسلی ساوالان...
عباس اسلامی(بارز)