گئدیرم یواش یواش
بیر اوزومم بیرده
اوزون بیر یول
گئدیرم یواش یواش
بیر اوزومم بیرده
درین بیر ایستک
گئدیرم بیر
دولو قوجاق اومودونن،
یاپا یالقوز بیر
قورت تک ،گئدیرم
فیرتانالاردان
،اوجا داغلاردان ، درین توزاخلاردان
قورخمادان
،گئدیرم
الیمده اولان
نه ییم وارسا
ایچیمده اولان
گوجوم وارسا
داماریمدا
آخان قانیم وارسا
بیر بوخجایا
قویوب چینیمه آتیب، گئدیرم
نه قوطب نومام
وار نده کی بیر دان اولدوزوم
نه کندین
پارلاق چراغی
کی سئوینجه سالسین
تاماغی
بیر اوزون یولو
توتوب شافاغا دوغرو، گئدیرم
آیاق باستیغیم هر
توپراغی
آتامدان قالان
دایاغی
آنامین وئردیگی
اینامی
آلیب آرخاما
گئدیرم
یوز ایللیک بیر
آجی یوخونو
آیاغیم آلتینا آلیبدا گئدیرم
یولون سونون
گوره رک ،گئدیرم
بیر اوج
توپراغی الیمده سیخاراق گئدیرم
گئدیب دونمز
اولدوغومو
گئدیبده آرخاسیز
قالدیغیمی
بلکه بیر نیزده
،اوجالارا باخان باشیمی
بلکه ده
سونسوزا تک دوستاقلارا قوناخ اولدوغومو
بلکه ده دار
آغاجینی سالاملادیغیمی
بیلرک.... گئدیرم
گئدیرم
یالتاقجا یاشاماقدان
گوزو یاشلی
ساواشماغدان
چارسیزجه یالوارماغدان
ظالیملره قول
اولماغدان
آپارتایدا یئم
اولماغدان
اوزگه چیراغینا
یاغ اولماغدان
گئدیرم ...گئدیرم..،دورمادان
گئدیرم
ایکی آیلیق
دوستاقدان
بیر امورلوک دوستاقلارا سیغینانلاردان
آزادلیغین آ
هرفینی انودانلاردان
قانین دیرین
توپراغدان اوستون توتانلاردان
گئدیرم اوسیان
ائدیب گیدیرم
آنا دئیب آنا
دیلین بوغانلاردان
ملک دئیب ایچی
شیطان اولانلاردان
سئوینجلرین
اورکلرده ساخلایانلاردان
اوز توتوب
دووارا... گئدیرم
گئدیرم بیر ایشیغی
یاخالاماغا
گئدیرم بیر
اومودو یاشاتماغا
گئدریم آزادلیغی
اولاماغا
گئدیرم اوزون
قارالارین بیراخماغا
گئدیرم ...گئدیرم
...
گئدیرم گونده یوز
یول باغیرماغا
گئدیرم
چاققاللاری بوغالاماغا
گئدیرم
قورتلاریلا اولاشماغا
بیر درین یارانی
ساغاتماغا
بیر اوج
اومودو میلتیمله پایلاشماغا
آنامین ایزتینی،
اوجاتماغا
آزادلیغین آ
حرفینی گئری آلماغا
گئدیرم....
گئدیرم ...
سسیزجه باغیرتیلاردان
گئدیرم
اولومون
تحلوکسین بیله بیله گئدیرم
آزاد اولوب اینسانلارا
قوشولماغا،
بابکلربن
قانلارین افشینلرده ن سورقولاماغا
الیم بوش اورگیم
گنیش، گوزومو قانلا بویاتماغا
گئدیرم...گئدیرم
تورکوز تورکو
چاغیراراق
یولداشلاریمی ییغاراق
قیر آتیمی چاپیرداراق
چملی بئله
دوغرو ..گئدیرم...
بیزیم یول90/11/26
