تک توران : ایران دؤولت تئلئویزیاسی پرس تی وی، آبش و غرب طرفین‌دن حاضیرلانان پلانا گؤره تورکیه‌نین بیر مدت سونرا سوریا تورپاق‌لارینا گیره‌رک سوریا‌لی موخالیف‌لری سیلاحلاندیراجاغینی، ایسرایلین ده سوریا سیلاح‌لی قوت‌لرینه عایید اؤنم‌لی عسگری بازا‌لاری اوزاق‌دان وورا‌راق بشر اسدین دئوریلمه‌سینده موخالیف‌لره کؤمکچی اولاجاغینی قارشییا قویدو.
پرس تی وی-نین "اوست سویه قایناق‌لارا" دایاندیردیغینی ایددیعا ائتدیگی خبره گؤره، پلان چرچیوه‌سینده اؤنجه موختلیف اؤلکه‌لردکی سوریا ائلچی‌لیک‌لره موخالیف‌لرین هوجومونا اوغرایا‌جاق و بو یوللا اسد رئژیمی‌نین حکومتی دونیا ایجتیمایتی‌نین گؤزونده ییپراتیلا‌جاق.
آردین‌دان سوریا باشقانی دؤیوش گوناهکاری اعلان ائدیله‌رک داوا لاهئی‌دکی اولوسلاراراسی ساواش جینایت‌لری موحاکئمسینه داشینا‌جاق.
پلانا گؤره بونو، تورکیه‌نین سوریا‌داکی موخالیف‌لری سیلاحلان‌دیرا‌راق اؤیرتمک عوذره سوریا تورپاق‌لارینا گیرمه‌سی ایزله‌یه‌جک.
پرس تی وی-نین ایددیعاسینا گؤره، واشینگتون داها سونرا وهابی میلیتان‌لارلا لیوان‌دان گله‌جک فتح الاسلام میلیس‌لرینی سیلاحلان‌دیرا‌راق سوریا سینیرلارینداکی کندلری ائله‌جه‌ده کئچیرمه‌لرینه کؤمک اولا‌جاق. ایددیعایا گؤره بو آشاما ایسرایل ده دؤیوش اوچاق‌لاری و مرمی‌لرله سوریا اوردوسونون اؤنم‌لی مرکزلرینی وورا‌راق ائتکی‌سیز حالا گتیره‌جک.
