تک توران : آذربایجان میللی مجلیسیندن تورکیه‌یه تام دستک، فرانسایا ایسه قیناما قراری چیخدی.
فرانسانین آوروپا ایش بیرلیگی تشگیلاتی مینسک قروپو ائش باشقانلیغیندان چیخاریلماسی اوچون حاضیرلیق‌لار باشلادی.
آذربایجان میللی مجلیسینده چیخیش ائدن میللیت وکیللرینین گوندمینده فرانسانین مینسک قروپو ائش باشقانلیغیندان چیخاریلماسی ایدی.
آوروپا تهلوکه‌سیزلیک و امکداشلیق تشکیلاتی آوروپا ایش بیرلیگی تشگیلاتی-نین نزدینده یارادیلان مینسک قروپو، ارمنیستانین ایشغا‌لی آلتینداکی قاراباغ پروبلمی‌نین باریش یولو ایله حل ائدیلمه‌سی اوچون فعالیت گؤستریر.
بو قروپا آمریکا بیرلشیک دؤلتلری و روسیا ایله بیرگه فرانسا دا ائش باشقانلیق ائدیر.
آنجاق فرانسا حکومتی، ارمنیلر لهینه ائتدیگی قرارلارلا طرفسیزلیگینی ایتیردی.
بو وضعیتدن ناراحات اولان آذربایجان‌لی میللت وکیل‌لری، فرانسانین ان قیسا زاماندا مینسک قروپو ائش باشقانلیغیندان چیخاریلماسینی ایسته‌دی.
میللی مجلیس صدری اوختای اسدوو دا بو تکلیفه دستک وئردی.
فرانسانین مینسک قروپو ائش باشقانلیغیندان چیخاریلماسی اوچون مدت باشلادی.
بوندان باشقا بیر چوخ میللت وکیلی‌نین دستگی ایله ۲۶ فوریه‌ده ایستانبول تقسیم میدانیندا "هامیمیز خوجالیلیییق" تظاهرات ائدیلمه‌سی قراری آلیندی.
