تك توران : داووداوغلو: کرکوک عراقدا تورکمن، کورد، عرب قارداش‌لاریمیزین دینج‌لیک ایچینده یاشادیغی ابدی بیر باریش شهری اولا‌جاق
خاریجی ایشلر
باخانی احمد داووداوغلو، اربیلده‌کی سفرین‌دن سونرا کرکوکه گئچدی.
باخان
داووداوغلونون سفری تورکیه‌دن کرکوکه اوزون ایللر سونرا ائدیلن ایلک سفر اؤزللیگینده.
کرکوک سفری ایله ایلگیلی سوسیال شبکه اولان تویتر حسابین‌دان مئساژ یازان
داووداوغلو، "۷٥ ایل آرا‌دان سونرا کرکوکه گلن ایلک تورکیه جمهوریتی خاریجی ایشلر
باخانی اولمانین قورورونو یاشاییرام" دئدی. داووداوغلو، "کرکوک عراقدا
تورکمن، کورد، عرب قارداش‌لاریمیزین دینج‌لیک ایچینده یاشادیغی ابدی بیر باریش شهری
اولا‌جاق" دئیه یازدی. داها اؤنجه دؤنمین خاریجی ایشلر باخانی توفیق روشتو
آراس، کرکوکه گئتمیش، فخری قوروتورک ده پرزیدنت اولا‌راق شهره گئتمیشدی. خاریجی ایشلر
باخانی احمد داووداوغلو، عراقین کرکوک ویلایتینه ائتدیگی تاریخی سفر سیراسیندا،
"تورکیه اولا‌راق، تورکیه‌دکی بوتون قارداش‌لارینیز اولا‌راق عراقدا یاشایان
بوتون قارداش‌لاریمیزین مذهبی کؤکنی نه اولورسا اولسون، بیزیم قارداش‌لاریمیزدیر،
بیزیم اقربا‌لاریمیزدیر" دئدی. خاریجی ایشلر باخانی داووداوغلو، کرکوک سفری
چرچیوه‌سینده والی نجم‌الدین کریمله گؤروشدو. گؤروشمه سونراسی مطبوعاتا دانیشان
داووداوغلو، مطبوعات منصوب‌لارینی تورکجه‌نین یانیندا کوردجه و عربجه سلاملادی.
والی نجم‌الدین کریمین گؤستردیگی قوناق سئورلیکدن دولایی ممنونیتینی دیله گتیرن
داووداوغلو، "اوزون زامان‌دان بری پلانلادیغینیز بو سفری مبا‌رک رمضان
گونونده یاپماقدان اؤترو موتلولوق دویورام. بوتون عراق‌لی و کرکوک‌لو قارداش‌لاریمین
رمضان‌لارینی قوتلاییرام "دئدی. داووداوغلو، تاریخی زنگین‌لیگی و درین‌لیگی ایله
بو گونکی اجتماعی یاپیسی سببیله کرکوکون اورتا دوغونون روحونو تمثیل ائتدیگینی سؤیله‌یه‌رک،
بورادا گؤستریلن قوناق‌سئورلیگی کرکوکون نئجه بیر باریش شهری اولدوغونا ایشاره
ائتدیگینی ایفاده ائتدی.
داووداوغلو،
"کرکوکده تورکمن‌لر، کوردلر و
عرب‌لر عصرلردیر بیر یئرده یاشاییرلار و بون‌دان سونرا دا باریش ایچری‌سینده ابدیته
قدر بیر یئرده یاشایا‌جاق‌لار" دئدی. والی کریم ده، داووداوغلونون کرکوکه
ائتدیگی تاریخی سفردن دولایی چوخ ممنون اولدوغونو و قونیا ایله قارداش شهر اولماسی‌نین
اونلار اوچون سئویندیریجی اولدوغونو سؤیله‌دی.
